Don't Miss!
- News 92 കാരി വോട്ട് ചെയ്യുന്നതിനിടെ ഇടപെട്ടു; സിപിഎം ബ്രാഞ്ച് സെക്രട്ടറിക്കെതിര കള്ളവോട്ട് പരാതി
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Lifestyle വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം
- Automobiles ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
ബൈസൈക്കിള് തീവ്സിന് ശേഷം 'സണ്ഡേ ഹോളിഡേ', ഫഹദ് ഫാസിലിന്റെ നായിക ആസിഫ് അലിയ്ക്കൊപ്പം വീണ്ടും!
യുവനടന് ആസിഫ് അലിയും മഹേഷിന്റെ പ്രതികാരം ഫെയിം അപര്ണ ബാലമുരളിയും ഒന്നിക്കുന്നു. ജിസ് ജോയ് സംവിധാനം ചെയ്യുന്ന സണ്ഡേ ഹോളിഡേ എന്ന ചിത്രത്തിന് വേണ്ടിയാണ് ഇരുവരും ഒന്നിക്കുന്നത്.
യുവനടന് ആസിഫ് അലിയും മഹേഷിന്റെ പ്രതികാരം ഫെയിം അപര്ണ ബാലമുരളിയും ഒന്നിക്കുന്നു. ജിസ് ജോയ് സംവിധാനം ചെയ്യുന്ന സണ്ഡേ ഹോളിഡേ എന്ന ചിത്രത്തിന് വേണ്ടിയാണ് ഇരുവരും ഒന്നിക്കുന്നത്. ഇത് രണ്ടാം തവണയാണ് ആസിഫ് അലിയും ജിസ് ജോയിയും സിനിമയ്ക്ക് വേണ്ടി ഒന്നിക്കുന്നത്.
2013ല് പുറത്തിറങ്ങിയ ബൈസൈക്കിള് തീവ്സ് എന്ന ചിത്രത്തിന് വേണ്ടിയാണ് ആസിഫ് അലിയും ജിസ് ജോയിയും ആദ്യമായി ഒന്നിച്ചത്. ചിത്രം മികച്ചതായിരുന്നുവെങ്കിലും ചിത്രത്തിന് വേണ്ടത്ര പ്രേക്ഷക ശ്രദ്ധ ലഭിച്ചിരുന്നില്ല.
സണ്ഡേ ഹോളിഡേ
ബൈസൈക്കിള് തീവ്സ് കള്ളന്മാരുടെ കഥയായിരുന്നുവെങ്കില് ഇരുവരും ഒന്നിക്കുന്ന രണ്ടാമത്തെ ചിത്രം ബാന്ഡ് സെറ്റ് മാസ്റ്ററും മകനും തമ്മിലുള്ള കഥയായിരിക്കും. അലന്സിയര് ലേ ലോപസാണ് ചിത്രത്തില് ബാന്ഡ് സെറ്റ് മാസ്റ്ററിന്റെ വേഷത്തില് അഭിനയിക്കുന്നത്. ആസിഫ് അലി മകന്റെ വേഷത്തില് എത്തും.
സ്ട്രോങ് ലവ് സ്റ്റോറി
അപര്ണ ബാലമുരളിയാണ് ചിത്രത്തിലെ നായിക. ആസിഫ് അലിയും അപര്ണ ബാലമുരളിയും തമ്മിലുള്ള ഒരു സ്ട്രോങ് ലവ് സ്റ്റോറി കൂടിയാണിതെന്നും റിപ്പോര്ട്ടുകളില് പറയുന്നു.
മറ്റ് കഥാപാത്രങ്ങള്
ശ്രീനിവാസന്, സംവിധായകന് ലാല് ജോസ്, ആശ ശരത് തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. ആസിഫ് അലി ഇപ്പോള് ഏറ്റെടുത്തിരിക്കുന്ന പ്രോജക്ടുകള് പൂര്ത്തിയാക്കിയാല് ഉടന് സണ്ഡേ ഹോളിഡേയിലേക്ക് കടക്കും.
രണ്ടാം തവണ
ആസിഫ് അലിയും അപര്ണ ബാലമുരളിയും സ്ക്രീന് ഷെയര് ചെയ്യുന്ന രണ്ടാമത്തെ ചിത്രം കൂടിയാണിത്. റിലീസിന് ഒരുങ്ങുന്ന തൃശിവപേരൂര് ക്ലിപ്തത്തിലും കേന്ദ്ര കഥാപാത്രങ്ങളെ അവതരിപ്പിക്കുന്നത് ഇവരാണ്.
ആസിഫ് അലി തിരക്കിലാണ്
2013ല് സൂപ്പര്ഹിറ്റായ ഹണീ ബി രണ്ടാം ഭാഗത്തിന്റെ തിരക്കിലാണ് ഇപ്പോള് ആസിഫ് അലി. അരുണ് കുമാര് സംവിധാനം ചെയ്യുന്ന ഒരു റിവഞ്ച് ത്രില്ലര് ചിത്രത്തിലും ആസിഫ് അലിയാണ് നായകന്.