ഭാവനയുടെ നായകന്‍ ആസിഫ് അലിയോ? അവരുടെ ചോദ്യം, അത് കേട്ട് ചൂളിപ്പോയി, ദുരനുഭവം പറഞ്ഞ് താരം

ഓമനക്കുട്ടനും പല്ലവിയും

2017 ലായിരുന്നു അഡ്വഞ്ചേഴ്‌സ് ഓഫ് ഓമനക്കുട്ടനെന്ന ചിത്രം റിലീസ് ചെയ്തത്. വ്യത്യസ്തമായ പ്രതികരണങ്ങളായിരുന്നു ചിത്രത്തിന് ലഭിച്ചത്. ഓമനക്കുട്ടനായി ആസിഫ് എത്തിയപ്പോള്‍ പല്ലവി ദേവയായാണ് ഭാവനയെത്തിയത്്. ചിത്രത്തിലെ ഗാനങ്ങള്‍ ഏറെ ശ്രദ്ധിക്കപ്പെട്ടിരുന്നു. വേറിട്ട പ്രമേയവുമായെത്തിയ ചിത്രത്തിന് തുടക്കത്തില്‍ അത്ര മികച്ച സ്വീകരണമായിരുന്നില്ല ലഭിച്ചത്. പിന്നീട് വലിയ ചര്‍ച്ചയായി മാറുകയായിരുന്നു ചിത്രം. തനിക്കേറെ പ്രിയപ്പെട്ട കഥാപാത്രങ്ങളിലൊന്നാണ് ഓമനക്കുട്ടനിലെ പല്ലവിയെന്ന് ഭാവന പറഞ്ഞിരുന്നു.

ഇതാണോ നായകന്‍

മലയാളത്തില്‍ മാത്രമല്ല അന്യഭാഷയിലും തിളങ്ങുന്നുണ്ട് ഭാവന, കന്നഡയില്‍ സജീവമാണ് താരം. അഡ്വഞ്ചേഴ്‌സ് ഓഫ് ഓമനക്കുട്ടന്റെ ചിത്രീകരണ സമയത്ത് ഭാവനയോട് എല്ലാവരും ചോദിച്ചത് നായകന്‍ ആരാണെന്നായിരുന്നു. കര്‍ണ്ണാടകയില്‍ വെച്ചായിരുന്നു ചിത്രീകരണം. നിരവധി പേരായിരുന്നു ഭാവനയെ കാണാനായെത്തിയത്. നായകന്‍ ആരാണെന്ന് ചോദിച്ചവരോട് എന്നെ കാണിച്ചപ്പോള്‍ അയ്യേ ഇവനാണോ നായകനെന്നായിരുന്നു അവരുടെ ചോദ്യം. കളര്‍ഫുള്‍ ഷര്‍ട്ടൊക്കെ ഇട്ടായിരുന്നു ആ ചിത്രത്തിനായി ഉപയോഗിച്ചത്.

ചൂളിപ്പോയി

ഭാവനയുടെ നായകനായി എന്നെ അംഗീകരിക്കാന്‍ അവര്‍ക്ക് മടിയായിരുന്നു. അവരുടെ സംസാരം കേട്ട് ഞാനും ചമ്മിയിരുന്നു. കരിയറില്‍ ആദ്യമായിട്ടായിരുന്നു ഇത്തരത്തിലൊരു അനുഭവമുണ്ടായത്. ആസിഫിന്റെ കരിയറിലെ തന്നെ തികച്ചും വ്യത്യസ്തമാര്‍ന്ന കഥാപാത്രത്തെയായിരുന്നു ചിത്രത്തില്‍ അവതരിപ്പിച്ചത്. അടിക്കടിയുള്ള പരാജയത്തിന് ശേഷമായാണ് ആസിഫിന് കരിയര്‍ ബെസ്റ്റായി ഓമനക്കുട്ടനെത്തിയത്. അജു വര്‍ഗീസ്, സൈജു കുറുപ്പ്, സിദ്ദിഖ് തുടങ്ങിയവരും ചിത്രത്തില്‍ അഭിനയിച്ചിരുന്നു.

Recommended Video

വിവാഹത്തിന് ക്ഷണിക്കാത്തതിന്റെ കാരണം അറിയില്ലെന്ന് ഇന്നസെൻറ് | filmibeat Malayalam

ഹണിബീ കണ്ടപ്പോള്‍

ഭാര്യ സമയ്‌ക്കൊപ്പമായാണ് ആസിഫ് അലി ഹണിബീ കണ്ടത്. ചിത്രത്തില്‍ ലിപ് ലോക്ക് സീനുണ്ടെന്നുള്ളതിനെക്കുറിച്ച് ആദ്യം തന്നെ സമയോട് പറഞ്ഞിരുന്നു. ആ രംഗം എത്താറായപ്പോള്‍ ആകെ പരിഭ്രാന്തിയിലായിരുന്നു താരം. ആ രംഗം കണ്ട് സമ ഞെട്ടിയിരുന്നുവെന്നും താരം മുന്‍പ് പറഞ്ഞിരുന്നു. തിരക്കഥയ്ക്ക് ആവശ്യമാണെങ്കില്‍ ലിപ് ലോക്ക് ചെയ്യാന്‍ തയ്യാറാണെന്ന് താരം പറഞ്ഞിരുന്നു.