Don't Miss!
- News നവകേരള ബസ് ഓടുക ഏത് റൂട്ടിൽ?; കോഴിക്കോട് - ബെംഗളൂരു റൂട്ടിൽ എന്ന് സൂചന
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Automobiles ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
എന്റെ അടുത്ത ചിത്രം മലയാളത്തിലായിരിക്കും എന്ന് അറ്റ്ലി, ആരായിരിക്കും നായകന്?
രാജാറാണി എന്ന ചിത്രത്തിന് ശേഷം അറ്റ്ലി സംവിധാനം ചെയ്യുന്ന വിജയ് ചിത്രമാണ് തെറി. ചിത്രത്തിന്റെ ട്രെയിലറും ടീസറുമൊക്കെ ഇതിനോടകം പ്രേക്ഷക ശ്രദ്ധ നേടിക്കഴിഞ്ഞു. ചിത്രത്തില് വിജയ് അവതരിപ്പിയ്ക്കുന്ന ജോസഫ് കുരിവിള എന്ന കഥാപാത്രത്തിന്റെ മലയാളി ബന്ധം അന്വേഷിച്ച് നടക്കുകയാണ് ഇപ്പോള് കേരളത്തിലെ ഇളയദളപതി ഫാന്സ്.
തെറിയ്ക്ക് മലയാളവുമായി ബന്ധമുണ്ടെന്നും, വിജയ് ചിത്രത്തില് മലയാളം സംസാരിക്കും എന്നൊക്കെയാണ് കേള്ക്കുന്നത്. എന്നാല് ഇക്കാര്യത്തെ കുറിച്ച് ഇതുവരെ സംവിധായകന് അറ്റ്ലിയോ മറ്റ് അണിയറ പ്രവര്ത്തകരോ ഒരു വിശദീകരണവും നല്കിയിട്ടില്ല. എന്നാല് വിജയ് തെറിയില് മലയാളത്തില് സംസാരിക്കുമോ എന്തോ, അറ്റ്ലിയുടെ അടുത്ത ചിത്രം മലയാളം സംസാരിക്കും.
കേരളത്തെയും കേരളത്തിലെ ജനങ്ങളെയും തനിക്ക് വളരെ അധികം ഇഷ്ടമാണെന്നും ഒരു മലയാള സിനിമ ചെയ്യാന് താത്പര്യമുണ്ടെന്നും അടുത്തിടെ നല്കിയ അഭിമുഖത്തില് അറ്റ്ലി പറഞ്ഞു. എല്ലാം ഒത്തുവന്നാല് തന്റെ അടുത്ത ചിത്രം മലയാളത്തിലായിരിക്കും എന്നും അദ്ദേഹം വെളിപ്പെടുത്തി. അതേ സമയം ചിത്രത്തെ സംബന്ധിച്ച് കൂടുതല് കാര്യങ്ങളൊന്നും വെളിപ്പെടുത്തിയിട്ടില്ല.
അറ്റ്ലിയുടെ ഭാര്യ പ്രിയ മലയാളിയാണ്. അങ്ങനെ ഒരു ബന്ധം കൂടെ അറ്റ്ലിയ്ക്ക് കേരളവുമായുണ്ട്. നസ്റിയ നസീം, നയന്താര, ആര്യ, ജയ് തുടങ്ങിയവരെ കേന്ദ്ര കഥാപാത്രങ്ങളാക്കി ഒരുക്കിയ രാജാറാണി എന്ന ചിത്രത്തിലൂടെയാണ് സഹ സംവിധായകനായ അറ്റ്ലിയുടെ സ്വതന്ത്ര്യ സംവിധായകനായുള്ള അരങ്ങേറ്റം. ചിത്രം മികച്ച വിജയം നേടി.