സാഹോയ്ക്ക് വേണ്ടി എന്ത് സാഹസികതയാണ് പ്രഭാസ് കാണിക്കുന്നത്...? കഷ്ടപ്പെട്ടായാലും പഠിച്ചിരിയ്ക്കും!!

ഭാഷ പഠിയ്ക്കുന്നു..

ശരീരികമായ തയ്യാറെടുപ്പുകളൊന്നുമല്ല സാഹോയ്ക്ക് വേണ്ടി പ്രഭാസ് നടത്തുന്നത്.. എല്ലാ ചിത്രത്തിനും അതിന്റേതായ ഹാര്‍ഡ് വര്‍ക്ക് നടത്താറുണ്ട്. സാഹോയ്ക്ക് വേണ്ടി ഹിന്ദി ഭാഷ പഠിയ്ക്കുന്നു എന്നതാണ് പ്രഭാസിന്റെ വെല്ലുവിളി.

ദ്വിഭാഷ ചിത്രം

ബാഹുബലി ചിത്രങ്ങള്‍ സൃഷ്ടിച്ച പ്രഭാസിന്റെ താരമൂല്യം ഉപയോഗിക്കുക എന്നതാണ് സാഹോ അണിയറപ്രവര്‍ത്തകരുടെ തീരുമാനം. അതുകൊണ്ട് ചിത്രം തെലുങ്കിലും ഹിന്ദിയിലുമായിട്ടാണ് അണിയിച്ചൊരുക്കുന്നത്. ഇതിന് വേണ്ടിയാണ് ബോളിവുഡില്‍ നിന്ന് നായികയെ തേടിയതും.

പ്രഭാസ് തന്നെ ഡബ്ബ് ചെയ്യും

ബാഹുബലി ചിത്രങ്ങള്‍ ഡബ്ബ് ചെയ്ത് ഹിന്ദിയില്‍ റിലീസ് ചെയ്തിരുന്നു. നടന്‍ ഷരദ് കെല്‍ക്കറാണ് ബാഹുലിയ്ക്ക് ശബ്ദം നല്‍കിയത്. എന്നാല്‍ സാഹോയ്ക്ക് പ്രഭാസ് തന്നെ ശബ്ദം നല്‍കിയാല്‍ മതി എന്നാണ് തീരുമാനം. ഇതിന്റെ ഭാഗമായി ട്യൂട്ടറെ വച്ച് ഹിന്ദി പഠിയ്ക്കുകയാണത്രെ താരം.

നായികയെ കിട്ടിയോ?

ചിത്രം ഹിന്ദിയിലും തെലുങ്കിലുമായി ഒരുക്കുന്നത് കൊണ്ട്, ബോളിവുഡില്‍ നിന്ന് തന്നെ ഒരു നായികയെ തിരയുകയാണ് സാഹോ ടീം. പരിണീതി ചോപ്ര, ശ്രദ്ധ കപൂര്‍, കത്രീന കൈഫ് തുടങ്ങിയവരെ സമീപിച്ചിട്ടുണ്ട് എന്നണ് വിവരം. എന്നാല്‍ നായികയുടെ കാര്യത്തില്‍ ഇതുവരെ അന്തിമ തീരുമാനം ആയിട്ടില്ല.