സിനിമയില്‍ നിന്നും ഔട്ടായതിന് പിന്നില്‍ ആ സ്ത്രീയുടെ പ്രതികാരം, ബാബു ആന്റണിയുടെ വെളിപ്പെടുത്തല്‍!

നീണ്ട ഇടവേളയ്ക്ക് ശേഷം തിരിച്ചെത്തുന്നു

വര്‍ഷങ്ങള്‍ നീണ്ട ഇടവേളയ്ക്ക് ശേഷം ബാബു ആന്റണി വീണ്ടും സിനിമയില്‍ സജീവമാവുകയാണ്. റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രമായ കായംകുളം കൊച്ചുണ്ണിയിലൂടെയാണ് ബാബു ആന്റണി തിരിച്ചെത്തുന്നത്.

സിനിമയില്‍ നിന്നും ഔട്ടാവാന്‍ കാരണം

ആക്ഷന്‍ ഹീറോയായി സിനിമയില്‍ നിറഞ്ഞു നിന്നിട്ടും ഫീല്‍ഡ് ഔട്ടാവേണ്ടി വന്ന താരമാണ് ബാബു ആന്റണി. ഒരു സ്ത്രീ കാരണമാണ് അത്തരമൊരു അവസ്ഥയിലേക്ക് താന്‍ എത്തിയെന്ന് അദ്ദേഹം പറയുന്നു.

എല്ലാവര്‍ക്കും അറിയാം

ആരെക്കുറിച്ചാണ് താന്‍ പറയുന്നതെന്ന് എല്ലാവര്‍ക്കും അറിയാവുന്നതാണ്. പേര് പറഞ്ഞില്ലെങ്കിലും അവരെ എല്ലാവരും അറിയും. തന്നെ സിനിമയില്‍ നിന്ന് ഇല്ലാതാക്കാനാണ് അവര്‍ ശ്രമിച്ചത്.

കള്ളക്കഥകള്‍ വിശ്വസിച്ചു

ഇന്നത്തപ്പോലെയായിരുന്നില്ല അന്ന് പറഞ്ഞത് കള്ളക്കഥകളായിരുന്നുവെങ്കിലും അത് വിശ്വസിക്കാന്‍ ആളുണ്ടായിരുന്നു.പലരും തന്നെ സിനിമയില്‍ ഉള്‍പ്പെടുത്താന്‍ മടിച്ചു. 20 ലധികം ബിഗ് ബജറ്റ് ചിത്രങ്ങളാണ് ഒറ്റയടിക്ക് നഷ്ടമായത്.

ഇമേജിന് കോട്ടം വന്നു

ജനങ്ങള്‍ക്കിടയില്‍ തന്നെക്കുറിച്ച് മോശം അഭിപ്രായമുണ്ടായതിനെത്തുടര്‍ന്നാണ് പലരും തന്നെ ഒഴിവാക്കിയത്. കുറേയൊക്കെ ശരിയായൊരു കാര്യം കൂടിയായിരുന്നു അത്. കള്ള പ്രചാരണങ്ങള്‍ ശരിയാണെന്നായിരുന്നു പലരും കരുതിയത്.

തിരിച്ചുവരവിന് ശ്രമിച്ചിരുന്നു

തനിക്കെതിരെ നടക്കുന്ന വ്യാജ പ്രചാരണങ്ങളെ പ്രതിരോധിക്കാന്‍ താനൊറ്റയ്‌ക്കേ ഉണ്ടായിരുന്നുള്ളൂ. ഇടയ്ക്ക് സിനിമയിലേക്ക് തിരിച്ചുവരാന്‍ ശ്രമിച്ചിരുന്നുവെങ്കിലും അത് പ്രാവര്‍ത്തികമാവാതെ പോവുകയായിരുന്നു.

വിവാഹത്തോടെ വിദേശത്തേക്ക്

സിനിമയില്‍ നിന്നുള്ള മോശം അനുഭവങ്ങള്‍ തുടരുന്നതിനിടയിലാണ് ഇടവേളയെടുത്തത്. അതിനിടയില്‍ വിവാഹ ജീവിതത്തിലേക്ക് പ്രവേശിച്ചു. വിദേശത്തേക്ക് താമസം മാറ്റിയതോടെ സിനിമയിലെ അവസരങ്ങള്‍ പൂര്‍ണ്ണമായും നഷ്ടമായി.

തിരിച്ചുവരുന്നതിനിടയിലും

നീണ്ട ഇടവേളയ്ക്ക് ശേഷം സിനിമയില്‍ തിരിച്ചെത്തുന്നതിനിടയില്‍ വീണ്ടും അവര്‍ പ്രശ്‌നമുണ്ടാക്കാനായി ഇറങ്ങിയിട്ടുണ്ട്. അവരുടെ ലക്ഷ്യമെന്താണെന്ന് ഇതുവരെ.ും മനസ്സിലായിട്ടില്ലെന്നും ബാബു ആന്റണി പറയുന്നു.

കായംകുളം കൊച്ചുണ്ണിയിലൂടെ

നിവിന്‍ പോളിയെ കളരിപ്പയറ്റ് പഠിപ്പിക്കുന്ന ആശാനായാണ് താന്‍ വേഷമിടുന്നത്. തുടക്കത്തില്‍ പരിശീലനം നല്‍കാന്‍ മടിക്കുകയും പിന്നീട് മറ്റാര്‍ക്കും പറഞ്ഞുകൊടുക്കാത്ത വിദ്യകള്‍ പോലും പഠിപ്പിച്ചു നല്‍കുകയും ചെയ്യുന്ന കഥാപാത്രത്തെയാണ് താന്‍ അവതരിപ്പിക്കുന്നതെന്ന് താരം പറയുന്നു.