ഭര്‍ത്താവ് അഭിനയം നിര്‍ത്തിയില്ല! ബാഹുബലി താരത്തിന്റെ ഭാര്യ ആത്മഹത്യ ചെയ്തു

ബാഹുബലിയില്‍ അഭിനയിച്ച തെലുങ്ക് സിനിമ-സീരിയല്‍ താരമാണ് മധു പ്രകാശ്. കഴിഞ്ഞ ദിവസം മധുപ്രകാശിന്റെ ഭാര്യയെ വീടിനുളളില്‍ മരിച്ച നിലയില്‍ കണ്ടെത്തിയിരുന്നു. ഹൈദരാബാദിലെ മണികൊണ്ടയിലെ വീട്ടിലാണ് ഭാര്യ ഭാരതി തൂങ്ങിമരിച്ചത്.

ഭര്‍ത്താവ് അഭിനയിക്കുന്നതിലെ അതൃപ്തിയാണ് മരണ കാരണമെന്ന് റിപ്പോര്‍ട്ടുകള്‍ സൂചിപ്പിക്കുന്നു. ചൊവാഴ്ച വൈകുന്നേരം കിടപ്പു മുറിയിലാണ് ഭാരതിയെ മരിച്ച നിലയില്‍ കണ്ടെത്തിയത്. മുന്‍പ് മധു പ്രകാശ് ഷൂട്ടിങ്ങ് തിരക്കിലാവുന്നത് ഭാരതിയെ പ്രശ്നത്തിലാക്കിയിരുന്നു.

ഇതിന്റെ പേരില്‍ ഇരുവരും തമ്മില്‍ എപ്പോഴും തര്‍ക്കത്തിലേര്‍പ്പെടുമായിരുന്നു. ചൊവാഴ്ച രാവിലെ സീരിയല്‍ സെറ്റിലേക്ക് പോയ മധുപ്രകാശിനെ ഫോണില്‍ വിളിച്ച് ഭാരതി ഭീഷണിപ്പെടുത്തിയതായും അറിയുന്നു.

തിരിച്ചുവന്നില്ലെങ്കില്‍ ജീവിതം അവസാനിപ്പിക്കുമെന്നാണ് ഭീഷണിപ്പെടുത്തിയത്. ഭര്‍ത്താവ് തിരിച്ചെത്താത്തിനെ തുടര്‍ന്ന് ഭാരതി ആത്മഹത്യ ചെയ്യുകയായിരുന്നു.തെലുങ്ക് മാധ്യമങ്ങള്‍ ഇതുസംബന്ധിച്ച് റിപ്പോര്‍ട്ടുകള്‍ പുറത്തുവിട്ടിരുന്നു. ബാഹുബലിയില്‍ ചെറിയ വേഷമായിരുന്നെങ്കിലും തെലുങ്കില്‍ അറിയപ്പെടുന്ന നടനാണ് മധുപ്രകാശ്