ബാലഭാസ്ക്കറായിരുന്നു വാഹനമോടിച്ചത്! ലക്ഷ്മിയും ജാനിയും മുന്‍സീറ്റില്‍! ഡ്രൈവറുടെ മൊഴി ഇങ്ങനെ! കാണൂ!

ഡ്രൈവറുടെ മൊഴി

ബാലഭാസ്‌ക്കറിന്റെ അപകടത്തെക്കുറിച്ച് അറിഞ്ഞപ്പോള്‍ മുതല്‍ എല്ലാവരും ചോദിച്ചിരുന്ന ചോദ്യത്തിനുള്ള ഉത്തരവുമായാണ് ഡ്രൈവര്‍ എത്തിയിട്ടുള്ളത്. ലക്ഷ്മിയുടെ പരിക്കുകള്‍ ഭേദമായെന്നും ആശുപത്രി വിടാനുള്ള തയ്യാറെടുപ്പുകളിലുമാണെന്ന് നേരത്തെ തന്നെ റിപ്പോര്‍ട്ടുകളുണ്ടായിരുന്നു. അതിന് പിന്നാലെയായാണ് ഡ്രൈവര്‍ അര്‍ജുന്റെ മൊഴി പുറത്തുവന്നിട്ടുള്ളത്. അപകട സമയത്ത് ആരായിരുന്നു വാഹനമോടിച്ചിരുന്നതെന്ന കാര്യത്തെക്കുറിച്ച് അദ്ദേഹം കൃത്യമായി വ്യക്തമാക്കിയിട്ടുണ്ട്.

ബാലുവായിരുന്നു വാഹനമോടിച്ചത്

തൃശ്ശൂരില്‍ നിന്നും കൊല്ലം വരെ താനായിരുന്നു വാഹനമോടിച്ചത്. പിന്‍സീറ്റില്‍ ലക്ഷ്മിക്കും ജാനിക്കുമൊപ്പമായിരുന്നു ബാലു. ഇടയ്ക്ക് അദ്ദേഹം ഉറങ്ങിയിരുന്നു. കൊല്ലത്തെത്തി കരിക്കിന്‍ ഷെയ്ക്ക് കുടിച്ചതിന് ശേഷം പിന്നീട് വാഹനമോടിച്ചിരുന്നത് ബാലുവായിരുന്നുവെന്നും ലക്ഷ്മിയും ജാനിയും മുന്‍സീറ്റിലായിരുന്നുവെന്നും ഡ്രൈവറുടെ മൊഴിയില്‍ പറയുന്നു. ആ സമയത്ത് താന്‍ പിന്‍സീറ്റില്‍ വിശ്രമിക്കുകയായിരുന്നു.

ലക്ഷ്മിയുടെ ആരോഗ്യനില

പ്രിയതമനും പൊന്നോമനപ്പുത്രിയും യാത്രയായതിനെക്കുറിച്ച് ആദ്യമൊന്നും ലക്ഷ്മിയെ അറിയിച്ചിരുന്നില്ല. വെന്റിലേറ്ററില്‍ കഴിഞ്ഞിരുന്ന ലക്ഷ്മി ഇടയ്ക്ക് ബോധം വന്നപ്പോള്‍ ജാനിയേയും ബാലുവിനെയും അന്വേഷിച്ചിരുന്നു. അടുത്ത മുറിയില്‍ അവരുണ്ടെന്നായിരുന്നു അപ്പോള്‍ പറഞ്ഞത്. പരിക്കുകള്‍ ഭേദമായി ലക്ഷ്മി സാധരണ നിലയിലേക്കെത്തിയതിന് ശേഷമാണ് ഇവരുടെ വിയോഗത്തെക്കുറിച്ച് അറിയിച്ചത്. വലിയ പ്രതിസന്ധികളോ കടുത്ത ദു:ഖമോ അനുഭവിച്ച് പരിചയമില്ലാത്തതിനാല്‍ ആ അവസ്ഥയില്‍ നിന്നും കരകയറാന്‍ സമയമെടുക്കുമെന്നായിരുന്നു ഡോക്ടര്‍മാര്‍ പറഞ്ഞത്.

ജീവിച്ച് കൊതി തീരാതെ

ബാലുവെന്ന ബാലഭാസ്‌ക്കറിനെ അറിയാവുന്നവര്‍ക്കെല്ലാം അദ്ദേഹത്തിന്റെ സ്വപ്‌നങ്ങളെക്കുറിച്ചും അറിയാം. സംഗീതത്തില്‍ മാത്രമല്ല അഭിനയത്തിലും തല്‍പരനായ ബാലു താന്‍ ഹിന്ദി സിനിമയില്‍ അഭിനയിക്കാന്‍ പോകുന്നതിനെക്കുറിച്ചും അതിനായി സിക്‌സ് പാക്ക് വെക്കുന്നതിനെക്കുറിച്ചുമൊക്കെ പറഞ്ഞിരുന്നുവെന്ന് കുടുംബ സുഹൃത്ത് കൂടിയായ മധു ബാലകൃഷ്ണന്‍ പറഞ്ഞിരുന്നു. ജീവിച്ച് കൊതി തീരാതെയാണ് ജാനിയും ബാലുവും പോയതെന്നായിരുന്നു സുഹൃത്തുക്കളും പറഞ്ഞത്.

എതിര്‍പ്പുകളെ അവഗണിച്ച് ഒന്നായവര്‍

യൂണിവേഴ്‌സിറ്റി കോളേജില്‍ വെച്ചാണ് ബാലുവും ലക്ഷ്മിയും കണ്ടുമുട്ടിയതും ആ ബന്ധം പ്രണയമായും പിന്നീട് വിവാഹത്തിലേക്കുമെത്തിയത്. ആദ്യ കാഴ്ചയതില്‍ത്തന്നെ തന്റെ മനസ്സ് കീഴടക്കിയ ലക്ഷ്മിയെ ജീവിതസഖിയാക്കാന്‍ താന്‍ തീരുമാനിച്ചിരുന്നുവെന്നും പട്ടിണിക്കിടാതെ ജീവിക്കാമെന്നും പറഞ്ഞായിരുന്നു അദ്ദേഹം ലക്ഷ്മിയെ ജീവിതത്തിലേക്ക് ക്ഷണിച്ചതും. കുഞ്ഞില്ലാത്തതിന്റെ ദു:ഖം ഇവരെ അലട്ടിയിരുന്നു. രണ്ട് വര്‍ഷം മുന്‍പാണ് ജാനിയെത്തിയത്.

മകളെക്കുറിച്ച് വാചാലനായി

ജാനിയുടെ ജനനത്തിന് ശേഷം ബാലു മകളെക്കുറിച്ച് വാചാലനായിരുന്നുവെന്നും സുഹൃത്തുക്കള്‍ പറയുന്നു. ഇടയ്ക്ക് വിളിച്ചപ്പോള്‍ മകളെക്കുറിച്ച് ചോദിച്ചപ്പോള്‍ നെഞ്ചില്‍ കിടന്ന് കുത്തി മറിയുകയായിരുന്നുവെന്ന് അന്നദ്ദേഹം പറഞ്ഞതായി ആര്‍ ജെ ഫിറോസ് കുറിച്ചിരുന്നു. മുന്‍പൊരിക്കല്‍ താന്‍ ബാലുവിനെ വിളിച്ചപ്പോള്‍ ഫോണെടുത്തിരുന്നില്ലെന്നും പിന്നീട് മകള്‍ മടിയിലുറങ്ങുകയായിരുന്നുവെന്നും ഫോണെടുത്താല്‍ അവളുരണുമെന്നും അതാണ് എടുക്കാതിരുന്നതെന്നും പറഞ്ഞതായി മധു ബാലകൃഷ്ണനും പറഞ്ഞിരുന്നു.

അന്ത്യയാത്രയിലും മകള്‍ക്കൊപ്പം

തന്റെ ഷോയ്ക്ക് മുന്‍പ് മകള്‍ക്കായി രണ്ട് മിനിറ്റെടുക്കുന്നുവെന്നും ആദ്യമായാണ് അവള്‍ അച്ഛന്റെ പരിപാടി കാണുന്നതെന്നും പറഞ്ഞ ബാലുവിന്റെ വീഡിയോ സോഷ്യല്‍ മീഡിയയിലൂടെ വൈറലായിരുന്നു. അവള്‍ക്ക് തന്നെ മനസ്സിലായോ എന്നറിയില്ലെന്നും തൊപ്പിയൊക്കെ വെച്ച് വീട്ടില്‍ ഒരങ്കിള്‍ വരാറില്ലേയെന്നും ചോദിക്കുന്ന ബാലുവിനെ കണ്ടപ്പോള്‍ ആരാധക മനസ്സും വിങ്ങുകയായിരുന്നു. മകളെ ഏറെ സ്‌നേഹിച്ച ബാലു മരണത്തിലും മകള്‍ക്കൊപ്പമായിരുന്നു. അച്ഛന്റെ മാന്ത്രിക സംഗീതം കേട്ട് ആ നെഞ്ചില്‍ മകളുറങ്ങട്ടെ.