ബാലഭാസ്കറിന്റേയും മകളുടെയും കാര്യം ലക്ഷ്മിയോട് സംസാരിച്ചു!! കടന്നു പോകുന്നത് വല്ലാത്ത അവസ്ഥയിൽ...

ശ്വസിച്ചു തുടങ്ങി

ലക്ഷ്മിയ്ക്ക് ബോധം പൂർണ്ണമായി തെളിഞ്ഞുവെന്നും വെന്റിലേറ്ററിൽ നിന്ന് മാറ്റിയെന്നും സ്റ്റീഫൻ ലൈവിൽ പറ‍ഞ്ഞു. ലക്ഷ്മിയെ ചികിത്സിക്കുന്ന ഡോക്ടറുമായി സംസാരിച്ചതിനു ശേഷമായിരുന്നു സ്റ്റീഫന്റെ പ്രതികരണം. ഉപകരണങ്ങളില്ലാലെ ലക്ഷ്മി ശ്വസിച്ചു തുടങ്ങിയെന്നും. ഇനി സംസാരിക്കാൻ സാധിക്കുമെന്നാണ് തോന്നുന്നതെന്നും സ്റ്റീഫൻ പറഞ്ഞു.

ബാലുവിന്റേയും ജനനിയുടേയും കാര്യങ്ങൾ

ലക്ഷ്മിയുടെ അമ്മ ബാലുവിന്റേയും മകൾ ജാനിയുടേയും കാര്യം ലക്ഷ്മിയോട് സംസാരിച്ചിരുന്നു. ഇപ്പോൾ കടുത്ത മാനസിക വേദനയിലൂടെയാകും ലക്ഷ്മി കടന്നു പോകുന്നത്. ഭാഗ്യവശാല്‍ അവരുടെ നില മെച്ചപ്പെട്ടു വരുന്നു. ജീവിതം പിടിച്ചു നിര്‍ത്താനും കരുത്തോടെ നില്‍ക്കാനും ലക്ഷ്മിക്ക് ശക്തി ലഭിക്കാന്‍ നമുക്ക് എല്ലാവര്‍ക്കും പ്രാര്‍ഥിക്കാം- സ്റ്റീഫന്‍ പറഞ്ഞു.

ബാലുവിന്റേയും മകളുടേയും മരണവാർത്ത

ലക്ഷ്മിയുടെ ഇപ്പോഴത്തെ മാനസിക നിലയും ആരോഗ്യ നിലയും പരിഗണിച്ച് ബാലഭാസ്കറിന്റേയും മകളുടേയും മരണവാർത്ത അറിയിക്കാനാകില്ലെന്ന് ഡോ മാർത്താണ്ഡൻ പറഞ്ഞു. ഭർത്താവിന്റേയും മകളുടേയും മരണവാർത്ത് അവരെ മാനസികമായും ശരീരീകമായും അവരെ തളർത്തും. ആരോഗ്യനില കുറച്ചു കൂടി മെച്ചപ്പെട്ട ശേഷം മാനസിക വിദഗ്ധരുടെ കൗൺസിലിംഗിനു ശേഷം ലക്ഷ്മിയെ ഈ വിവരം അറിയിക്കുന്നതാണ് നല്ലതെന്ന് ഡോക്ടർ അറിയിച്ചിട്ടുണ്ട്.

വാർഡിലേയ്ക്ക് മാറ്റു

ലക്ഷ്മിയ്ക്ക് ബോധം പൂർണ്ണമായി തെളിഞ്ഞതിന്റെ പശ്ചാത്തലത്തിൽ ലക്ഷ്മിയെ ഈ ആഴ്ച തന്നെ വാർഡിലേയ്ക്ക് മാറ്റും. നിലവിൽ ഐസിയുവിലാണ് ലക്ഷ്മി. പരിക്കുകൾ ഭേഭപ്പെട്ട് വരുന്നതായും ആശുപത്രി അധികൃതർ അറിയിച്ചിട്ടുണ്ട്.