സിനിമയ്ക്ക് വേണ്ടി എന്തിനും തയ്യാറാകും!! സംഘടന രംഗങ്ങളിൽ ഡെവിളിനെ പോലെ, ലാലിനെക്കുറിച്ച് ഭഭ്രൻ

മോഹൻലാലിന്റെ കഥാപാത്രം

ഉടയോൻ എന്ന ചിത്രത്തിനു ശേഷം മോഹൻലാൽ- ഭഭ്രൻ കൂട്ട്ക്കെട്ടിൽ പുതിയ സിനിമകൾ പിറന്നിട്ടില്ലായിരുന്നു. നീണ്ട ഇടവേളയ്ക്ക് ശേഷം ഇരുവരും ഒന്നിക്കുന്ന ചിത്രമാണിത്. സിനിമയിൽ ഇതുവരെ കാണാത്ത ഒരു ഗെറ്റപ്പിലാണ് താരം എത്തുന്നതത്രേ. കൂടാതെ ലാലേട്ടൻ കരിയറിലെ സ്റ്റൈലേഷായ കഥാപാത്രമായിരിക്കും ഇതെന്ന് ഭഭ്രൻ വെളിപ്പെടുത്തുന്നുണ്ട്.

മോഹൻലാൽ കഠിനാദ്ധ്വാനിയാണ്

ഭഭ്രൻ മോഹൻലാലിനെ കുറിച്ച് പറയുന്നത് ഇങ്ങനെയാണ്. സിനിമകളിലൂടെ മനസ്സിലാക്കിയ ലാൽ വളരെ കഠിനാദ്ധ്വാനിയായ വ്യക്തിയാണ്. സംഘടന രംഗങ്ങളിൽ ഒരു ഡെവിളിനെ പോലെ കത്തി കയറും. കൂടാതെ തനിയ്ക്ക് അറിയാത്തത് പഠിക്കാനുള്ള മനസ് കാണിക്കാറുണ്ട്. എത്ര കഷ്ടപ്പെട്ടിട്ടാണണെങ്കിൽ സിനിമയ്ക്ക് ആവശ്യമാണെങ്കിൽ മോഹൻലാൽ അത് പഠിച്ചെടുക്കും. ഏറ്റവും അത്ഭുതപ്പെടുത്തുന്നത് അദ്ദേഹത്തിന്റെ നൃത്തമാണ്. താളബോധത്തിൽ ഡാൻസ് ചെയ്യുന്നതു കണ്ടാൽ നമ്മൾ അത്ഭുതപ്പെട്ട് പോകും.

ലാലുമായിട്ടുള്ള ഇടവേളയ്ക്ക് കാരണം

2005ൽ ഉടയോനാണ് മോഹൻലാൽ- ഭഭ്രൻ കൂട്ട്കെട്ടിൽ അവസാന ചിത്രം. അതിനു ശേഷം അദ്ദേഹത്തിന് വണ്ടി നിരവധി കഥകൾ ആലോചിച്ചിരുന്നു. എന്നാൽ കാര്യമായ കഥകൾ ലഭിക്കാത്തത് കൊണ്ട് പല പ്രോജക്ടുകളും ഒഴിവാക്കുകയായിരുന്നു. അങ്ങനെ കുറെ വർഷങ്ങൾ മുന്നോട്ടു പോയി. ഇപ്പോൾ വീണ്ടും അത്തരത്തിലുളള മികച്ച കഥ ലഭിച്ചിട്ടുണ്ട്. ഈ ചിത്രത്തിൽ സ്റ്റണ്ടും പ്രണയവും സെന്റിമെന്റ്‌സും എല്ലാം സമാസമം ഉള്ള ഒരു റോഡ് മൂവി സംവിധായകന്‍ കൂട്ടിച്ചേര്‍ത്തു

ഏപ്രിലിൽ ആരംഭിക്കും

മോഹന്‍ലാല്‍ ഭദ്രന്‍ ചിത്രം ഏപ്രിലില്‍ ആരംഭിക്കുമെന്നാണ് നേരത്തെ പുറത്തു വന്ന റിപ്പോർട്ട്. യഥാര്‍ത്ഥ സംഭവത്തെ അടിസ്ഥാനമാക്കി ഒരുക്കുന്ന ചിത്രമാമഅ ഇതെന്ന് നേരത്തെ സംവിധായകന്‍ വ്യക്തമാക്കിയിരുന്നു. എന്റര്‍ടെയിന്‍മെന്റ് ചിത്രമാണ് ഒരുങ്ങുന്നതെന്നും അദ്ദേഹം പറഞ്ഞിരുന്നു. ചിത്രത്തിലെ താരനിര്‍ണ്ണയത്തെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല. എന്നാല്‍ സിനിമയില്‍ പ്രധാന കഥാപാത്രങ്ങളായി ശരത് കുമാറും രമ്യാ കൃഷ്ണനും എത്തുന്നുവെന്ന് റിപ്പോര്‍ട്ടുകള്‍ പ്രചരിച്ചിരുന്നു. ഔദ്യോഗിക സ്ഥിരീകരണത്തിനായി കാത്തിരിക്കുകയാണ് ആരാധകര്‍.