Click it and Unblock the Notifications
ലഹരിമരുന്ന് കേസില് രക്തപരിശോധനയ്ക്ക് വിസമ്മതിച്ച് സഞ്ജന! പോലീസിലുളള വിശ്വാസം നഷ്ടപ്പെട്ടെന്ന് നടി
ബാംഗളൂരു ലഹരിമരുന്ന് കേസില് അറസ്റ്റിലായ നടി സഞ്ജന ഗല്റാണി രക്തപരിശോധനയ്ക്ക് വിസമ്മതിച്ചു. അന്വേഷണത്തിന്റെ ഭാഗമായി സെന്ട്രല് ക്രൈം ബ്രാഞ്ച് രക്തസാമ്പിളുകള് വേണമെന്ന് ആവശ്യപ്പെട്ടപ്പോഴാണ് നടി വിസമ്മതിച്ചത്. ചോദ്യം ചെയ്യലിനൊടുവില് ഇക്കഴിഞ്ഞ സെപ്റ്റംബര് ഏട്ടാം തിയ്യതിയാണ് സഞ്ജനയെ സെന്ട്രല് ക്രൈം ബ്രാഞ്ച് അറസ്റ്റ് ചെയ്തത്. വ്യാഴാഴ്ച വൈറലായ ഒരു വീഡിയോയില്, സഞ്ജന ഗല്റാണി ഡോപ്പ് ടെസ്റ്റിനായി രക്തസാമ്പിളുകള് നല്കാന് വിസമ്മതിച്ചതായി കാണുന്നു. അന്വേഷണ ഉദ്യോഗസ്ഥനായ പുനീത്തിനോടും മറ്റ് മുതിര്ന്ന ഡോക്ടര്മാരോടും തനിക്ക് പോലീസിലുള്ള വിശ്വാസം നഷ്ടപ്പെട്ടുവെന്നും എന്തുകൊണ്ടാണ് തന്നെ അറസ്റ്റ് ചെയ്തതെന്ന് മനസിലാക്കുന്നില്ലെന്നും പറയുന്നു.
അറസ്റ്റിലായെങ്കിലും രക്തസാമ്പിള് നല്കില്ലെന്ന് പറയുന്നത് തന്റെ മൗലികാവകാശമാണെന്നും, അങ്ങനെ ചെയ്യാന് അഭിഭാഷകര് തന്നെ അറിയിച്ചിട്ടുണ്ടെന്നും സഞ്ജന പറഞ്ഞു. ചാറ്റുകളുടെ അടിസ്ഥാനത്തില് മാത്രമാണ് താന് അറസ്റ്റിലായതെന്നും താന് കുറ്റക്കാരനാണെന്ന് തെളിയിക്കാന് തെളിവുകളില്ലെന്നും സഞ്ജന പറഞ്ഞു. എനിക്ക് പോലീസിലുള്ള വിശ്വാസം നഷ്ടപ്പെട്ടു. എന്തുകൊണ്ടാണ് എന്നെ അറസ്റ്റുചെയ്തതെന്ന് അറിയില്ല. നിങ്ങള് എന്നോട് കാരണം പറയുന്നില്ല. ഞാന് രക്തപരിശോധന നടത്തിയാലും രക്തം എന്റേതായിരിക്കുമെന്ന് ഞാന് വിശ്വസിക്കുന്നില്ല.
എന്റെ അഭിഭാഷകര് എന്നോട് പറഞ്ഞു. രക്ത പരിശോധനയ്ക്ക് തയ്യാറല്ല എന്ന് പറയുന്നത് എന്റെ മൗലികാവകാശമാണ്. രക്തസാമ്പിളുകള് നല്കാന് എന്നെ നിര്ബന്ധിക്കാന് ആര്ക്കും കഴിയില്ല. നിങ്ങള് എന്നെ ഒരു വിഡ്ഡിയാക്കി ഇവിടെ കൊണ്ടുവന്നു. എനിക്കെതിരെ തെളിവുകളൊന്നുമില്ല, ഞാന് തെറ്റ് ചെയ്തിട്ടില്ല. ഞങ്ങള് പരസ്പരം ഫോണില് സംസാരിച്ചതുകൊണ്ട് ഞാന് കുറ്റകൃത്യത്തില് പങ്കാളിയാണെന്ന് അര്ത്ഥമാക്കുന്നില്ല. രക്തസാമ്പിളുകള് നല്കരുതെന്ന് എനിക്ക് പറയാന് കഴിയും. എന്റെ അഭിഭാഷകന് എന്നോട് പറഞ്ഞു.
Recommended Video
എല്ലാ ദിവസവും ഞാന് നിങ്ങളോട് ചോദിക്കുന്നു, എന്തുകൊണ്ടാണ് നിങ്ങള് എന്നെ ഇവിടെ കൊണ്ടുവന്നത്?. വീഡിയോയില് സഞ്ജന സിസിബി ഉദ്യോഗസ്ഥരുമായും മുതിര്ന്ന ഡോക്ടര്മാരുമായും തര്ക്കിക്കുന്നത് കാണാം. അതേസമയം ലഹരി ഇടപാട് കേസുമായി ബന്ധപ്പെട്ട് കഴിഞ്ഞ ദിവസം അറസ്റ്റിലായ രാഹുല് ഷെട്ടിയുടെ മൊഴിയുടെ അടിസ്ഥാനത്തിലാണ് ഇന്ദിരാ നഗറിലുളള സഞ്ജനയുടെ വീട്ടില് ക്രൈം ബ്രാഞ്ച് റെയ്ഡ് നടത്തിയത്. പലതവണ സഞ്ജനയുടെ അറിവോടെ ലഹരി പാര്ട്ടികള് നടത്തിയിട്ടുണ്ടെന്നായിരുന്നു രാഹുല് മൊഴി നല്കിയിരുന്നത്.
Continue with Google