ന്യൂജനറേഷനൊക്കെ ഞെട്ടിപ്പോകും ഇത് കേട്ടാല്‍, എെവി ശശിയുടെ സിനിമാ പ്രചാരണം !!

സോമന്‍ സൂപ്പര്‍ സ്റ്റാറായി മാറിയ സിനിമ

സിനിമയില്‍ മലയാള സിനിമയിലെ എക്കാലത്തെയും മികച്ച ആക്ഷന്‍ താരമായ ജയനും നായികമാരില്‍ പ്രധാനിയായ സീമയും മികച്ച പ്രകടനം കാഴ്ച വെച്ച ചിത്രമായിരുന്നു ഇതാ ഇവിടെ വരെ. തോണിക്കാരനായാണ് ജയന്‍ ഈ ചിത്രത്തില്‍ വേഷമിട്ടത്.

താറാവ് വളര്‍ത്തുന്നവരുടെ കഥ

താറാവ് വളര്‍ത്തുന്നവരെക്കുറിച്ചുള്ള കഥയായതിനാല്‍ത്തന്നെ ആലപ്പുഴയില്‍ വെച്ചായിരുന്നു ചിത്രത്തിന്റെ കൂടുതല്‍ ഭാഗവും ചിത്രീകരിച്ചിരുന്നത്. പ്രാത്പ പോത്തനായിരുന്നു ചിത്രം നിര്‍മ്മിച്ചത്. സുപ്രിയാ ഫിലിംസിന്റെ ബാനറില്‍ പുറത്തിറങ്ഹിയചിത്രം മികച്ച വിജയമാണ് സമ്മാനിച്ചത്.

ചിത്രത്തിന്റെ പോസ്റ്റര്‍ ഏറെ ശ്രദ്ധിക്കപ്പെട്ടു

അര്‍ധനഗ്നയായി പുറം തിരിഞ്ഞു നില്‍ക്കുന്ന ജയഭാരതിയുടെ ചൂടന്‍ രംഗങ്ങളുമായുള്ള പോസ്റ്ററായിരുന്നു ചിത്രത്തിന് വേണ്ടി ഉപയോഗിച്ചിരുന്നത്. സോമന്‍ എന്ന നടന്‍ സൂപ്പര്‍ സ്റ്റാര്‍ പദവിയിലേക്കുയര്‍ന്നത് ഈ ചിത്രത്തിലൂടെയായിരുന്നു.

ക്ലൈമാക്‌സ് ചിത്രീകരണത്തിനിടയില്‍ താരങ്ങളെ പേടിപ്പിച്ചു

ചിത്രത്തിന്റെ ക്ലൈമാക്‌സ് രംഗത്തിലെ ഫൈറ്റ് ഷൂട്ട് ചെയ്യുന്നതിനിടയില്‍ സംവിധായകന്‍ കട്ട് പറഞ്ഞിട്ടും സോമനും മധുവും അടി നിര്‍ത്തിയുന്നില്ല. ഇത് കണ്ട് സഹതാരങ്ങള്‍ക്കെല്ലാം ആശങ്കയായിരുന്നു.

ഒടുവില്‍ തളര്‍ന്നു വീണു

ചളിയില്‍ ഇറങ്ങിയുള്ള സംഘട്ടന രംഗം ചെയ്യാന്‍ ആദ്യം രണ്ടു പേര്‍ക്കും നല്ല മടിയായിരുന്നു. പിന്നീട് സംവിധായകന്റെ നിര്‍ബന്ധ പ്രകാരമാണ് ഇരുവരും ചളിയിലേക്കിറങ്ങിയത്. ഫൈറ്റ് തുടങ്ങിയതില്‍പ്പിന്നെ ഇരുവരും തളര്‍ന്നു വീഴപ്പോഴാണ് നിര്‍ത്തിയത്. ചാരായത്തിന്റെ മണമടിച്ചപ്പോഴാണ് സഹതാരങ്ങള്‍ക്ക് ആശ്വാസമായത്.

ചിത്രത്തിനു വേണ്ടി ഉപയോഗിച്ച പ്രചാരണ രീതി

താറാവ് വളര്‍ത്തുന്നവരുടെ കഥ പറഞ്ഞ ചിത്രത്തിന്റെ പ്രചാരണത്തിലും താറാവിന് റോളുണ്ടായിരുന്നു.താറാവുകളെ കൂട്ടത്തോടെ ജംക്ഷനുകളില്‍ ഇറക്കി വിട്ട് ട്രാഫിക് ബ്ലോക്കുണ്ടാക്കിയായിരുന്നു ചിത്രത്തിന്റെ നോട്ടീസ് വിതരണം ചെയ്തത്. ലോക സിനിമയില്‍ത്തന്നെ ഇത്തരത്തിലൊരു സിനിമാപ്രമേഷന്‍ ആദ്യത്തേതായിരുന്നു.