എെവി ശശിയുടെ കഴുതക്കുട്ടി വിളിക്കായി കാത്തിരുന്ന മമ്മൂട്ടി.. അങ്ങനെ വിളിപ്പിച്ചതിന് പിന്നിലെ കാരണം?

തൃഷ്ണയിലെ നായകന്‍

എം ടി വാസുദേവന്‍ നായരായിരുന്നു തൃഷ്ണ എന്ന സിനിമയ്ക്ക് തിരക്കഥ ഒരുക്കിയത്. പുതുമുഖങ്ങളെ നായികാനായകന്‍മാരാക്കായിരുന്നു ആദ്യം തീരുമാനിച്ചത്. പക്ഷേ അത് നടന്നില്ല. പിന്നീട് താരങ്ങളെ സമീപിക്കുകയായിരുന്നു.

രതീഷിനെ വിളിച്ചപ്പോള്‍

അക്കാലത്ത് സിനിമയില്‍ തിളങ്ങി നിന്നിരുന്ന താരമായിരുന്നു രതീഷ്. രതീഷിനെ സമീപിച്ചപ്പോള്‍ അദ്ദേഹം തന്‍രെ തിരക്കിനെക്കുറിച്ച് പറഞ്ഞതിന് ശേഷം മമ്മൂട്ടിയെ നിര്‍ദേശിക്കുകയായിരുന്നു.

എന്നേക്കാള്‍ മികച്ച അഭിനേതാവായി മാറും

താന്‍ ഒരാളെ അയയ്ക്കാമെന്നും അയാള്‍ ചിലപ്പോള്‍ എന്നെക്കാള്‍ നല്ല നടനായി മാറുമെന്നും രതീഷ് അന്ന് പറഞ്ഞിരുന്നു. അന്ന് ഐവി ശശിക്ക് മുന്നിലെത്തിയ താരമാണ് ഇന്നത്തെ മെഗാസ്റ്റാര്‍.

നായകനായി തീരുമാനിച്ചു

രതീഷിന്റെ നിര്‍ദേശപ്രകാരമാണ് വെളുത്ത് മെലിഞ്ഞ് കൊലുന്നനെ മീശയില്ലാത്ത ഒരാളെത്തിയത്. മീശയൊക്കെ ഒട്ടിച്ചപ്പോള്‍ നായകനായി അദ്ദേഹത്തെ തന്നെ തീരുമാനിക്കുകയായിരുന്നു.

കഴുതക്കുട്ടി എന്ന് വിളിച്ചില്ലല്ലോ?

തൃഷ്ണയുടെ ചിത്രീകരണം കഴിഞ്ഞ് പോരാന്‍ നേരമാണ് മമ്മൂട്ടി ഐവി ശശിയോട് സാര്‍ തന്നെ കഴുതക്കുട്ടി എന്ന് വിളിച്ചില്ലല്ലോയെന്ന് പറഞ്ഞത്. തിന് പിന്നില്‍ വേറൊരു വിശ്വാസമുണ്ടായിരുന്നു.

ഐവി ശശി കഴുതക്കുട്ടി എന്ന് വിളിച്ചാല്‍

ഐവി ശശി ദേഷ്യപ്പെട്ട് കഴുതക്കുട്ടി എന്ന് വിളിച്ചാലെ താരങ്ങള്‍ക്ക് ഭാഗ്യം തെളിയൂ എന്നൊരു കഥ അക്കാലത്ത് പ്രചരിക്കുന്നുണ്ടായിരുന്നു. ഇത് മനസ്സിലാക്കിയ സംവിധായകന്‍ മമ്മൂട്ടിയെ ചേര്‍ത്ത് പിടിച്ച് അനുഗ്രഹിച്ചാണ് യാത്രയാക്കിയത്.