ലാലു അലക്‌സ് തീരുമാനം മാറ്റിയത് മമ്മൂട്ടി കാരണം

സിനിമയിലേക്ക്

ഈ ഗാനം മറക്കുമോ എന്ന ചിത്രത്തിലൂടെയാണ് ലാലു അലക്‌സ് സിനിമയില്‍ എത്തുന്നത്. ലാലു അലക്‌സ് സഹനടന്റെ വേഷത്തില്‍ എത്തിയ ചിത്രം 1978ലാണ് പുറത്തിറങ്ങുന്നത്.

വില്ലനാക്കിയത് ഐവി ശശി

സംവിധായകന്‍ ഐവി ശശിയാണ് ആദ്യമായി ലാലു അലക്‌സിനെക്കൊണ്ട് വില്ലന്‍ വേഷം ചെയ്യിപ്പിക്കുന്നത്. പിന്നീട് ഒട്ടേറെ ചിത്രങ്ങളില്‍ വില്ലന്‍ വേഷങ്ങളില്‍ അഭിനയിച്ച് മടുപ്പ് തോന്നിയ ലാലു അലക്‌സ് പിന്നീട് സിനിമയില്‍ നിന്ന് വിട്ട് നില്‍ക്കുകയായിരുന്നു.

തള്ളി കളഞ്ഞു

സിനിമയില്‍ നിന്ന് വിട്ട് നില്‍ക്കാന്‍ തീരുമാനിച്ച ലാലു അലക്‌സിനെ തേടി ഒട്ടേറെ വേഷങ്ങള്‍ വന്നു. ഉയര്‍ന്ന പ്രതിഫലം വാഗ്ദാനം ചെയ്തുക്കൊണ്ടുള്ളതായിരുന്നു അവയൊക്കെയും. പക്ഷേ ലാലു അലക്‌സ് നോ പറഞ്ഞു.

മമ്മൂട്ടി പറഞ്ഞു

രണ്ട് വര്‍ഷത്തോളം സിനിമയില്‍ നിന്ന് വിട്ട് നിന്ന ലാലു അലക്‌സിനെ സിനിമയിലേക്ക് തിരിച്ച് കൊണ്ടുവന്നത് മമ്മൂട്ടിയായിരുന്നു. പാഥേയം എന്ന ചിത്രത്തിലൂടെ. ചിത്രത്തില്‍ മറ്റൊരു നടന് വേണ്ടി മാറ്റി വച്ചിരുന്ന ഹരി കുമാര മേനോന്‍ എന്ന കഥാപാത്രമായാണ് ലാലു അലക്‌സ് അഭിനയിച്ചത്. അതിന് ശേഷം മികച്ച ചിത്രങ്ങളാണ് ലാലു അലക്‌സിനെ തേടി എത്തിയത്.