മോഹന്‍ലാലിന്റെ നായിക വേഷത്തേക്കാള്‍ വലുത് കുടുംബത്തിന്റെ കെട്ടുറപ്പാണ്, നടി അമലയെ ഭര്‍ത്താവ് വിലക്കി

അമലയ്ക്ക് വേണ്ടി

അമലയോട് കിലുക്കത്തിന്റെ സെറ്റില്‍ വെച്ച് തന്നെ പ്രിയദര്‍ശന്‍ കിലുക്കത്തിലെ നന്ദിനിയുടെ കാര്യം പറഞ്ഞു. 1991 മാര്‍ച്ച് മൂന്ന് മുതല്‍ ഏപ്രില്‍ നാല് വരെയുള്ള ഡേറ്റ് അമല കിലുക്കത്തിന് വേണ്ടി അമല മാറ്റി വെച്ചു.

അമല-നാഗാര്‍ജ്ജുന വിവാഹം

ആ സമയത്താണ് അമലയുടെയും നാഗാര്‍ജ്ജുനയും പ്രണയം വീട്ടുകാര്‍ അറിയുന്നതും വിവാഹത്തെ കുറിച്ച് ആലോചിക്കുന്നത്. ഇതോടെ നാഗാര്‍ജ്ജുനയുടെ പിതാവ് അമല അഭിനയം നിര്‍ത്തുന്നതായി പ്രഖ്യാപിച്ചു.

പക്ഷേ ആ വേഷം വേണ്ടെന്ന് വെച്ചില്ല

അമലയെ ഏറെ ആകര്‍ഷിച്ച വേഷം കൂടിയായിരുന്നു കിലുക്കത്തിലെ നന്ദിനി. അതുക്കൊണ്ട് തന്നെ അമലയ്ക്ക് ആ വേഷം വേണ്ടെന്ന് വയ്ക്കാനും മനസ് അനുവദിച്ചില്ല. നാഗാര്‍ജ്ജുനയുടെ സമ്മതത്തിനായി അമല കാത്തിരുന്നു.

അച്ഛന്റെ വാക്ക് ധിക്കരിക്കില്ല

എന്നാല്‍ നാഗാര്‍ജ്ജുനയ്ക്ക് തന്റെ അച്ഛന്‌റെ വാക്ക് ധിക്കരിക്കാനായില്ല. മോഹന്‍ലാലിന്റെ നായിക വേഷത്തേക്കാള്‍ വലുത് കുടുംബത്തിന്റെ കെട്ടുറപ്പാണെന്ന് നാഗാര്‍ജ്ജുന അമലയോട് പറഞ്ഞു. അത് കേട്ടപ്പോള്‍ മനസില്ലാ മനസോടെ കിലുക്കത്തിലെ വേഷം വേണ്ടന്ന് വയ്ക്കുകയായിരുന്നു,

പകരക്കാരിയായി

രേവതിയാണ് കിലുക്കത്തില്‍ പ്രിയദര്‍ശന്‍ അമലയ്ക്ക് വേണ്ടി മാറ്റി വെച്ചിരുന്ന നന്ദിനി എന്ന കഥാപാത്രത്തെ അവതരിപ്പിച്ചത്. ഏറ്റവും കൂടുതല്‍ പ്രേക്ഷക ശ്രദ്ധ നേടിയ കഥാപാത്രം കൂടിയായിരുന്നു ഇത്.