അപേക്ഷകളും പ്രാര്‍ത്ഥനയും പോര! എട്ടുനിലയില്‍പ്പൊട്ടിയ നീരാളി ഇനി തിരിച്ചുകേറില്ലെന്ന്! കാണൂ!

മെഗാഹിറ്റാവാന്‍ പ്രാര്‍ത്ഥിച്ചിരുന്നു

ഐപിസി കേരള സ്റ്റേറ്റ് ട്രെഷററായ ബ്രദര്‍ ജോയി താനുവേലിയുടെ മകന്റെ സിനിമ നീരാളി റിലീസ് ചെയ്തതതിന്റെ സന്തോഷത്തിലാണ് എല്ലാവരും. ഈ സിനിമ മെഗാഹിറ്റാവാനായി പ്രാര്‍ത്ഥിച്ചിരുന്നു. പെന്തക്കോസ്തുകാരുടെ വേര്‍ഷിപ്പ് ലീഡറായ സ്റ്റീഫന്‍ ദേവസിയാണ് ചിത്രത്തിന് സംഗീതമൊരുക്കിയത്. എല്ലാ വിശ്വാസികള്‍ക്കും മാതൃകയാവാനും നല്ല സിനിമയെടുക്കാന്‍ പ്രചോദനമാവുകയും ചെയ്യട്ടെയെന്നാണ് ബെന്നി പുതുക്കേരില്‍ കുറിച്ചിട്ടുള്ളത്.

സോഷ്യല്‍ മീഡിയയിലെ പ്രതികരണം

നീരാളി വിജയിപ്പിക്കണമെന്നാഹ്വാനം ചെയ്തുള്ള കുറിപ്പ് പുറത്തുവന്നതിന് പിന്നാലെയാണ് സോഷ്യല്‍ മീഡിയ ഈ വിഷയം ഏറ്റെടുത്തത്. ഇത്തരത്തിലുള്ള പോസ്റ്റുകളെ ഒരുതരത്തിലും പ്രമോട്ട് ചെയ്യരുതെന്ന തരത്തിലാണ് പലരും പ്രതികരിച്ചിട്ടുള്ളത്. ജയപരാജയങ്ങള്‍ അതാത് സിനിമയുടെ മികവിനെ ആശ്രയിച്ചായിരിക്കുമെന്നാണ് പലരപം കമന്റ് ചെയ്തിട്ടുള്ളത്. മോശം സിനിമകള്‍ ബോക്‌സോഫീസില്‍ എട്ട് നിലയില്‍പ്പൊട്ടിയ സംഭവങ്ങള്‍ നേരത്തെയുമുണ്ടായിട്ടുണ്ട്. നീരാളി അത്രയ്ക്ക് മോശമല്ലല്ലോയെന്ന ആശ്വാസത്തിലാണ് മറ്റ് ചിലര്‍.

മോഹന്‍ലാലിന്റെ പ്രതിഫലം മാത്രം

ഈ സിനിമയ്ക്കായി ആകെ ചിലവായ പണം മോഹന്‍ലാലിന്റെ പ്രതിഫലം മാത്രമായിരിക്കുമെന്നാണ് മറ്റൊരാളുടെ കമന്റ്. സിനിമ കണ്ടപ്പോള്‍ തോന്നിയ പ്രധാന കാര്യങ്ങളിലൊന്നായിരുന്നു ഇതെന്നും ചിലര്‍ കുറിച്ചിട്ടുണ്ട്. സന്തോഷ് കുരുവിളയാണ് ചിത്രം നിര്‍മ്മിച്ചത്. നേരത്തെ തന്നെ ചിത്രത്തിന് മുടക്ക് മുതല്‍ തിരിച്ചുകിട്ടിയെന്ന റിപ്പോര്‍ട്ടുകള്‍ പുറത്തുവന്നിരുന്നു. കോടികള്‍ നല്‍കിയാണ് സിനിമയുടെ സാറ്റലൈറ്റ് വിറ്റുപോയത്.

മതവും സിനിമയും കൂട്ടിക്കുഴയ്ക്കുന്നു

മതവും സിനിമയും കൂട്ടിക്കുഴയ്ക്കുന്ന തരത്തില്‍ ഇത്തരത്തിലുള്ള സംഭവങ്ങള്‍ ഇനിയാവര്‍ത്തിക്കരുതെന്നാണ് മറ്റൊരാളുടെ കമന്റ്. സിനിമയുടെ ടെലിവിഷനുമൊന്നും കാണരുതെന്ന് പറഞ്ഞ് നടന്നവരാണ് ഇപ്പോള്‍ സിനിമാപ്രമോഷന് വേണ്ടി നടക്കുന്നതെന്ന തരത്തിലുള്ള രൂക്ഷവിമര്‍ശനവും ഇതിനിടയില്‍ ഉയര്‍ന്നുവന്നിട്ടുണ്ട്. ക്ഷണനേരം കൊണ്ടാണ് പോസ്റ്റിനെ സോഷ്യല്‍ മീഡിയ കീറിമുറിച്ചത്.

നീരാളിക്ക് ഇത്രയും ഗതികേടോ?

നീരാളിക്ക് ഇത്രയും ഗതികേടില്ലെന്നാണ് മറ്റുചിലരുടെ കണ്ടെത്തല്‍. പ്രാര്‍ത്ഥനയുടെ കുറവ് കൊണ്ടാമെന്ന് തോന്നുന്നു സിനിമ എട്ട് നിലയില്‍പ്പൊട്ടിയത്. കുരുവിളയുടെ കാശും പോയി എന്നാണ് ഒരാള്‍ കമന്റ് ചെയ്തിട്ടുള്ളത്. നെഗറ്റീവ് കമന്റുകളാണ് ഉയര്‍ന്നുവന്നിട്ടുള്ളത്. മോഹന്‍ലാല്‍ കാറിനുള്ളിലും പ്രേക്ഷകര്‍ തിയേറ്ററിലുംകുരുങ്ങിപ്പോയ അവസ്ഥയായിരുന്നു നീരാളിയില്‍ സംഭവിച്ചതെന്നായിരുന്നു മറ്റുചിലരുടെ വിലയിരുത്തല്‍.

സര്‍വൈവല്‍ ത്രില്ലറിനെ ഏറ്റെടുത്തതില്‍ സന്തോഷം

പുതിയ സിനിമയായ നീരാളിയെ സ്വീകരിച്ച പ്രേക്ഷകര്‍ക്ക് നന്ദി പറഞ്ഞ് മോഹന്‍ലാല്‍ രംഗത്തെത്തിയിട്ടുണ്ട്. ഫേസ്ബുക്ക് പോസ്റ്റിലൂടെയായിരുന്നു താരം സന്തോഷം പങ്കുവെച്ചത്. ആ പോസ്റ്റിന് കീഴിലും നിരവധി പേര്‍ അഭിപ്രായം രേഖപ്പെടുത്തിയിട്ടുണ്ട്. ഈ സിനിമയുടെ കഥ താങ്കള്‍ നേരിട്ട് കേട്ടിരുന്നോയെന്നാണ് ഒരാളുടെ ചോദ്യം. പ്രതികൂല കാലാവസ്ഥയായിട്ടും തിയേറ്ററുകളിലേക്കെത്തിയവരോട് നന്ദി പറഞ്ഞാണ് മറ്റൊരാള്‍ കമന്റ് കൊടുത്തിട്ടുള്ളത്.

ഫേസ്ബുക്ക് പോസ്റ്റ് കാണാം

ബെന്നി പുതുക്കേരിലിന്റെ പോസ്റ്റ് കാണാം.