ബാഹുബലിയുടെ ചൂടാറും മുന്നേ, പ്രേക്ഷകരെ ഞെട്ടിക്കാന്‍ അനുഷ്‌ക എത്തുന്നു! പുതിയ രൂപത്തില്‍!!!

ചിത്രീകരണം പൂര്‍ത്തിയായി

ബാഹുബലിക്ക് ശേഷം അനുഷ്‌ക നായികയാകുന്ന ഭാഗ്മതി ചിത്രീകരണം പൂര്‍ത്തിയാക്കി. എന്നാല്‍ ചിത്രത്തിന്റെ റിലീസ് തിയതി സംബന്ധിച്ച് വ്യക്തമായ അറിയിപ്പ് അണിയറ പ്രവര്‍ത്തകര്‍ നല്‍കിയിട്ടില്ല.

ഹൊറര്‍ ത്രില്ലര്‍

അരുന്ധതി എന്ന ചിത്രത്തിന് സമാനമായ ഹൊറര്‍ ത്രില്ലര്‍ വിഭാഗത്തില്‍ പെടുന്ന ചിത്രമാണ് ഭാഗ്മതി. എന്നാല്‍ ഒരു പ്രതികാര കഥയല്ല ഭാഗ്മതിയെന്നാണ് റിപ്പോര്‍ട്ട്. വിഎഫ്ക്‌സിന് ഏറെ പ്രാധാന്യം നല്‍കിയാണ് സിനിമ ചിത്രീകരിച്ചിരിക്കുന്നത്.

മൂന്ന് ഭാഷകളില്‍

ബാഹുബലി ഇറങ്ങിയതോടെ അനുനഷ്‌കയുടെ പ്രേക്ഷ പ്രീതിയും ഉയര്‍ന്നിട്ടുണ്ട്. അത് കണക്കിലെടുത്ത് തമിഴ്, ഹിന്ദി ഭാഷകളിലും ചിത്രം മൊഴിമാറ്റി പ്രദര്‍ശനത്തിനെത്തിക്കും. അരുന്ധതിയുടെ മൊഴിമാറ്റ പതിപ്പുകള്‍ക്കും മികച്ച പ്രതികരണം ലഭിച്ചിരുന്നു.

പ്രഭാസും ഭാഗ്മതിയില്‍

അനുഷ്‌കയുടെ ജോഡിയായി ചിത്രത്തില്‍ പ്രഭാസും എത്തുമെന്നാണ് ലഭിക്കുന്ന വിവരം. ഏറെ പ്രാധാന്യമുള്ള കഥാപാത്രമായിരിക്കും പ്രഭാസിന്റേത്. എന്നാല്‍ മുഴുനീള കഥാപാത്രമായിരിക്കില്ല അതിഥി വേഷമായിരിക്കും പ്രഭാസിനെന്നാണ് വിവരം. പ്രഭാസാണ് ചിത്രം അനുഷ്‌കയ്ക്ക് നിര്‍ദേശിച്ചത്.

ആഗസ്റ്റില്‍ തിയറ്ററിലേക്ക്

ചിത്രീകരണം പൂര്‍ത്തിയാക്കി പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്ന ചിത്രം ആഗസ്റ്റില്‍ റിലീസിനെത്തുമെന്നാണ് പ്രതീക്ഷിക്കുന്നത്. ജി അശോക് സംവിധാനം ചെയ്യുന്ന ചിത്രം പ്രമോദ്, വി വംശി കൃഷ്ണ റെഡ്ഡി എന്നിവരാണ് നിര്‍മിക്കുന്നത്.

ഭാഗ്മതിയിലെ മലയാളി സാന്നിദ്ധ്യം

ഭാഗ്മതിയില്‍ മലയാളി താരങ്ങളുടെ സാന്നിദ്ധ്യവുമുണ്ട്. ജനതാ ഗാരേജിന് ശേഷം ഉണ്ണി മുകുന്ദന്‍ വീണ്ടും തെലുങ്കിലേക്ക് എത്തുകയാണ് ഭാഗ്മതിയിലൂടെ. ജയറാം, ആശാ ശരത് എന്നിവരും ചിത്രത്തില്‍ പ്രധാന വേഷങ്ങള്‍ കൈകാര്യം ചെയ്യുന്നു.