സ്വകാര്യമായി അയച്ചുകൊടുത്ത വീഡിയോ ആയിരുന്നു! താനിപ്പോള്‍ പഴയ നിലയിലേക്കെത്തിയെന്നും ഭാഗ്യലക്ഷ്മി!

മുടി ഇത്രയും വലിയ വിഷയമാണോ?

താന്‍ മുടി മുറിച്ച കാര്യം ഇത്രയും വലിയ വിഷയമാണോയെന്നാണ് താന്‍ ആലോചിക്കുന്നത്. ഇത്രയധികം ചര്‍ച്ച ചെയ്യാനും മാത്രമുള്ള കാര്യമാണോ ഇതെന്നായിരുന്നു താരം തുടക്കത്തില്‍ പറഞ്ഞത്. മേക്കോവറായിരുന്നില്ല താന്‍ ഉദ്ദേശിച്ചത്. അവിടയെത്തിയപ്പോഴാണ് മുടി മുറിക്കുന്നതിനെക്കുറിച്ച് ചിന്തിച്ചത്. ഇത്തരത്തിലുള്ള വിഷയങ്ങളൊന്നും തന്നെ ബാധിക്കില്ലെന്നും അവര്‍ പറയുന്നു. ഇതിനപ്പുറമുള്ള കാര്യങ്ങളെക്കുറിച്ച് വിളിച്ച് പറഞ്ഞാലും താന്‍ കരയില്ലെന്നും ഫീനിക്‌സ് പക്ഷിയെപ്പോലെ വീണ്ടും ഉയിര്‍ത്തെണീക്കുമെന്നും അവര്‍ പറയുന്നു.

മക്കള്‍ക്കയച്ച വീഡിയോ

തന്റെ വീട്ടിലിരുന്ന് മക്കളുമായി സംവദിക്കുന്നതിന്റെ വീഡിയോയിരുന്നു മുറിച്ച് മാറ്റിയ രീതിയില്‍ സോഷ്യല്‍ മീഡിയയിലൂടെ പ്രചരിക്കുന്നത്. മക്കളുമായി വളരെ അടുത്ത ബന്ധമാണ് അവര്‍ സൂക്ഷിക്കുന്നത്. അവരോട് താന്‍ എല്ലാ കാര്യങ്ങളും പറയാറുണ്ട്. കൂട്ടുകാരിയെപ്പോലെയാണ് അവരോട് സംവദിക്കാറുള്ളത്. ഡാ പ്പൂ, സച്ചൂ അമ്മ മുടി വെട്ടിയെടാ എന്ന് തുടക്കത്തില്‍ പറയുന്നുണ്ട്. മക്കള്‍ക്ക് അയയ്ക്കുന്നതിനിടയില്‍ ആ വീഡിയോ മറ്റൊരു വ്യക്തിക്ക് കൂടി അയച്ചുപോയിരുന്നു.

അമ്മ വിട്ടുകള

തുടക്കത്തിലെ വാക്കുകളും പറച്ചിലുമൊക്കെ കട്ട് ചെയ്തതിന് ശേഷം മറ്റെന്തൊക്കെയോ കൂട്ടിച്ചേര്‍ത്താണ് വീഡിയോ പ്രചരിച്ചത്. വീഡിയോ മാറി അയച്ചതിനെക്കുറിച്ച് മക്കളോട് പറഞ്ഞിരുന്നു. അത് കളയമ്മാ, അവര്‍ക്കോ വിവരമില്ല, അമ്മയ്‌ക്കെന്താ, അത് ഗൗനിക്കേണ്ടെന്നായിരുന്നു അവര്‍ പറഞ്ഞത്. തുടക്കത്തില്‍ തന്നെ ഈ സംഭവം ബാധിച്ചിരുന്നുവെങ്കിലും പിന്നീടാലോചിച്ചപ്പോഴാണ് പ്രതികരിക്കേണ്ടതിനെക്കുറിച്ച് മനസ്സിലാക്കിയത്.

തലകുനിക്കേണ്ടവര്‍ ആരാണ്?

നല്ല കാര്യം ചെയ്ത താനെന്തിനാണ് മറ്റുള്ളവര്‍ക്ക് മുന്നില്‍ തലകുനിക്കുന്നത്. വിരല്‍ത്തുമ്പിലെ ഒരു സ്പര്‍ശനത്തിലൂടെയാണ് കാര്യങ്ങള്‍ മാറി മറിഞ്ഞത്. ഈ ടച്ചിലൂടെ ഒരു ജീവിതം കൊടുക്കാന്‍ നിങ്ങള്‍ക്ക് സാധിക്കുമോയെന്നും ഭാഗ്യലക്ഷ്മി ചോദിക്കുന്നുണ്ട്. താനെന്താണ് ചെയ്യുന്നതെന്നറിയാതെ നിരവധി പേര്‍ ഈ ലോകത്തെ നശിപ്പിക്കുന്നുണ്ട്. ഏതൊരു മെസ്സേജ്, വീഡിയോ കിട്ടുമ്പോള്‍ നമ്മള്‍ അത് ഷെയര്‍ ചെയ്താലുള്ള കാര്യങ്ങളെക്കുറിച്ചും ആലോചിക്കണമെന്നും ഭാഗ്യലക്ഷ്മി പറയുന്നു.

വീഡിയോ കാണാം

ഭാഗ്യലക്ഷ്മിയുടെ ഫേസ്ബുക്ക് ലൈവ് വീഡിയോ കാണാം.