സിനിമകളില്‍ സംതൃപ്തയല്ല, ജീവിതം മറന്ന് പോകുമോ എന്ന് ഭയം; അഭിനയം നിര്‍ത്തുന്നതിനെ കുറിച്ച് ഭാമ

ഞാന്‍ സംതൃപ്തയല്ല

ഒട്ടും പ്രാധാന്യമില്ലാത്ത കഥാപാത്രങ്ങള്‍ ചെയ്യുന്നതിനോട് യോജിപ്പില്ല. അതുകൊണ്ട് തന്നെ സിനിമകളില്‍ താന്‍ സംതൃപ്തിയായിരുന്നില്ല എന്ന് ഭാമ പറയുന്നു.

നായകപ്രാധാന്യമുള്ള സിനിമകള്‍

അഭിനയിക്കണം എന്ന് ആഗ്രഹിക്കാതെ സിനിമയില്‍ എത്തിയ ആളാണ് ഞാന്‍. എന്നാല്‍ എനിക്ക് ലഭിച്ചത് മുഴുവന്‍ നായക പ്രധാന്യമുള്ള സിനിമകളാണ്. അതുകൊണ്ടാണ് പിന്നീട് കിട്ടുന്ന സിനിമകളെല്ലാം അഭിനയിക്കുന്ന രീതി നിര്‍ത്തിയത്.

ജീവിതം മറന്നു പോകുമോ എന്ന പേടി

സിനിമകള്‍ക്കായി ഓടി നടക്കുന്നതിനിടയില്‍ ജീവിതം മറന്നു പോകുമോ എന്ന പേടിയും ഉണ്ടായിരുന്നു. അതോടെയാണ് സിനിമകള്‍ പലതും ഉപേക്ഷിച്ചതെന്നും ഇനി നായികയ്ക്ക് പ്രധാന്യമുള്ള സിനിമകളേ അഭിനയിക്കൂകയുള്ളൂ എന്നും ഭാമ വ്യക്തമാക്കി.

വിവാഹം എപ്പോള്‍

വിവാഹത്തെ കുറിച്ചുള്ള സംസാരമൊക്കെ ആരംഭിച്ചിട്ടുണ്ട്. എന്നാല്‍ അടുത്ത രണ്ട് മൂന്ന് വര്‍ഷത്തേക്ക് ഞാന്‍ അതേ കുറിച്ച് ചിന്തിയ്ക്കുന്നതേയില്ല- ഭാമ പറഞ്ഞു.

സിനിമയില്‍ ഭാമ

ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെയാണ് ഭാമ സിനിമയില്‍ എത്തിയത്. മലയാളത്തില്‍ ശ്രദ്ധിക്കപ്പെട്ടതോടെ തമിഴിലും തെലുങ്കിലും കന്നടയിലും ഭാമയ്ക്ക് അവസരം ലഭിച്ചു. മാല്‍ഗുഡി ഡെയ്‌സ് എന്ന ചിത്രമാണ് മലയാളത്തില്‍ ഒടുവില്‍ റിലീസായത്.