പ്രത്യേകിച്ച് മാറ്റങ്ങളൊന്നും അനുഭവപ്പെട്ടിട്ടില്ല, നല്ല സിനിമയ്ക്കായി കാത്തിരിക്കുന്നുവെന്ന് ഭാവന!

എന്ത് കൊണ്ടാണ് അങ്ങനെ സംഭവിക്കുന്നതെന്നറിയില്ല

വിവാഹത്തിന് ശേഷവും നായകന്‍മാര്‍ സിനിമയില്‍ തുടരാറുണ്ട്. എന്നാല്‍ നായികമാരുടെ കാര്യത്തില്‍ എന്താണ് ഇത് സാധ്യമാവാത്തതെന്ന് അറിയില്ലെന്ന് ഭാവന പറയുന്നു. ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തിനിടയിലാണ് താരം കൂടുതല്‍ കാര്യങ്ങള്‍ വ്യക്തമാക്കിയത്.

നവീന്റെ പൂര്‍ണ്ണ പിന്തുണ

സിനിമയുമായി ബന്ധപ്പെട്ട് പ്രവര്‍ത്തിക്കുന്ന നവീനിന്റെ പൂര്‍ണ്ണ പിന്തുണയോടെ തന്നെയാണ് താന്‍ സിനിമയില്‍ തുടരുന്നത്. അഭിനയം നിര്‍ത്തുന്ന കാര്യത്തില്‍ നവീനും താല്‍പര്യമില്ല.

വിവാഹത്തിന് ശേഷമുള്ള മാറ്റം

വിവാഹത്തിന് ശേഷം പ്രത്യേകിച്ച് മാറ്റമൊന്നും ഉണ്ടായതായി തോന്നുന്നില്ല. കഴിഞ്ഞ ആറ് വര്‍ഷമായി നവീനെ തനിക്ക് അറിയാം. ജീവിതത്തിലെ അടുത്ത ഘട്ടത്തിലാണ് ഇപ്പോള്‍, എല്ലാം നല്ലതായി പോവുന്നുവെന്നും ഭാവന പറയുന്നു.

15 വര്‍ഷമായി

സിനിമയിലെത്തിയിട്ട് 15 വര്‍ഷം പൂര്‍ത്തിയാക്കിയിരിക്കുകയാണ് ഭാവന. ഭാഷാഭേദമില്ലാതെ 80 ചിത്രങ്ങളിലാണ് താരം ഇതുവരെ അഭിനയിച്ചിട്ടുള്ളത്. ഒന്നിനൊന്ന് വ്യത്യസ്തമായ നിരവധി ചിത്രങ്ങളുമായാണ് താരം എത്തിയത്.

ഇടവേളയെക്കുറിച്ച്

ജിനു എബ്രഹാം സംവിധാനം ചെയ്ത ആദം ജോണില്‍ അഭിനയിച്ചതിന് ശേഷം താരം ഇടവേളയെടുത്തിരുന്നു. കുടുംബത്തോടൊപ്പം സമയം ചെലവഴിച്ചു നല്ല പുസ്തകങ്ങള്‍ വായിച്ചുമാണ് ഇടവേള ആസ്വദിച്ചത്. ആ സമയത്തും നിരവധി അവസരങ്ങള്‍ തേടിയെത്തിയിരുന്നു.

നല്ല അവസരം ലഭിച്ചാല്‍

നല്ല അവസരം ലഭിച്ചാല്‍ താന്‍ വീണ്ടും അഭിനയിക്കുമെന്നും താരം പറയുന്നു. മികച്ച അവസരമായി തോന്നിയതിനാലാണ് ഇന്‍സ്‌പെക്ടര്‍ വിക്രം സ്വീകരിച്ചതെന്നും താരം വ്യക്തമാക്കുന്നു.

സിനിമ തിരഞ്ഞെടുക്കുന്ന കാര്യത്തില്‍ സെലക്റ്റീവാണ്

സിനിമ തിരഞ്ഞെടുക്കുന്ന കാര്യത്തില്‍ താന്‍ സെലക്റ്റീവാണെന്നും ഭാവന വ്യക്തമാക്കുന്നു. മലയാളമായാലും മറ്റ് ഭാഷകളായാലും വ്യത്യസ്തത നിറഞ്ഞ സിനിമകള്‍ തിരഞ്ഞെടുക്കാന്‍ ശ്രദ്ധിക്കാറുണ്ട്.