ബെസ്റ്റ് ഫ്രണ്ട്‌സിനൊപ്പം ഭാവന! കൂട്ടുകാരികളെക്കുറിച്ചുളള നടിയുടെ പോസ്റ്റ് വൈറല്‍

ഭാവനയുടെതായി വന്ന പുതിയ ഇന്‍സ്റ്റഗ്രാം പോസ്റ്റ് ശ്രദ്ധേയമായി മാറിയിരുന്നു. അടുത്ത സൂഹൃത്തുക്കളായ രമ്യാ നമ്പീശന്‍, ശില്‍പ്പാ ബാല തുടങ്ങിയവര്‍ക്കൊപ്പമുളള ചിത്രങ്ങളാണ് നടി പങ്കുവെച്ചിരുന്നത്. ഭാവനയുടെ വിവാഹ ചടങ്ങുകളിലെല്ലാം സജീവ സാന്നിദ്ധ്യമായി ഇരുവരും ഉണ്ടായിരുന്നു. അടുത്ത സുഹൃത്തുക്കളായ ഇവരുടെ പുതിയ ചിത്രങ്ങളെല്ലാം തന്നെ ആരാധകര്‍ ഏറ്റെടുക്കാറുണ്ട്.

അടുത്തിടെ നടിയും സുഹൃത്തുമായ മൃദുല മുരളിയുടെ വിവാഹ നിശ്ചയത്തിനായിരുന്നു എല്ലാവരും ഒത്തുകൂടിയത്. മൃദുലയുടെ അടുത്ത സുഹൃത്തുക്കളായ ഭാവന, രമ്യാ നമ്പീശന്‍, ഷഫ്‌ന, ശരണ്യാ മോഹന്‍,ശില്‍പ്പ ബാല, സയനോര, അമൃത സുരേഷ്,അഭിരാമി സുരേഷ് തുടങ്ങിയവരെല്ലാം അന്ന് ചടങ്ങിന് എത്തിയിരുന്നു. കഴിഞ്ഞ വര്‍ഷം ജനുവരി 22നായിരുന്നു ഭാവനയും നിര്‍മ്മാതാവും ബിസിനസുകാരനുമായ നവീനും തമ്മിലുളള വിവാഹം നടന്നത്.

ഭാവനയുടെ വിവാഹവും അടുത്ത സുഹൃത്തുക്കളെല്ലാം ചേര്‍ന്ന് ആഘോഷമാക്കി മാറ്റിയിരുന്നു. മലയാളത്തില്‍ പൃഥ്വിരാജ് നായകനായ ആദം ജോണ്‍ എന്ന ചിത്രത്തിലായിരുന്നു ഭാവന ഒടുവില്‍ അഭിനയിച്ചിരുന്നത്. തുടര്‍ന്ന് കന്നഡ സിനിമകളിലാണ് നടി സജീവമായിരുന്നത്. ഭാവനയുടെ മലയാളത്തിലേക്കുളള തിരിച്ചുവരവിനായി ആകാംക്ഷകളോടെയാണ് എല്ലാവരും കാത്തിരിക്കുന്നത്.

ട്രോളന്മാരുടെ സ്വന്തം ദശമൂലം ദാമു തരംഗമായി പത്ത് വര്‍ഷം! വെെറലായി സുരാജിന്റെ പോസ്റ്റ്

കന്നഡത്തില്‍ 96ന്റെ റീമേക്കായ 99 എന്ന ചിത്രമാണ് നടിയുടെതായി ഒടുവില്‍ പുറത്തിറങ്ങിയിരുന്നത്. സിനിമ തിയ്യേറ്ററുകളില്‍ ഹിറ്റായി മാറുകയും ചെയ്തിരുന്നു. സൂപ്പര്‍ താരങ്ങള്‍ക്കൊപ്പമുളള സിനിമകളിലാണ് നടി സാന്‍ഡല്‍വുഡില്‍ കൂടൂതലായി അഭിനയിച്ചിരിക്കുന്നത്. കന്നഡത്തിലും നിരവധി ആരാധകരുളള താരമാണ് ഭാവന. അണിയറയില്‍ ഒരുങ്ങുന്ന ഇന്‍സ്‌പെക്ടര്‍ വിക്രം,ബജ്‌റംഗി 2 തുടങ്ങിയവയാണ് നടിയുടെ പുതിയ സിനിമകള്‍.

കഞ്ഞിയെന്ന് കേട്ടാല്‍ ചേച്ചിയ്ക്ക് ദേഷ്യം വരുമോ? വൈറലായി മഞ്ജു വാര്യരുടെ മറുപടി