പിറന്നാള്‍ ആശംസകള്‍ക്ക് നന്ദി പറഞ്ഞ് ഭാവനയുടെ കുറിപ്പ്! വൈറലായി പുതിയ ചിത്രങ്ങള്‍

തിരക്കുകള്‍ക്കിടെയിലും സോഷ്യല്‍ മീഡിയയില്‍ ആക്ടീവാകാറുളള താരമാണ് ഭാവന. തന്റെ പുതിയ വിശേഷങ്ങളും ചിത്രങ്ങളുമെല്ലാം പങ്കുവെച്ചുകൊണ്ട് നടി എത്താറുണ്ട്. കഴിഞ്ഞ ദിവസമായിരുന്നു തന്റെ 34ാം പിറന്നാള്‍ ഭാവന ആഘോഷിച്ചത്. ലോക് ഡൗണ്‍ സമയത്തും നടിക്ക് പിറന്നാളാശംസകള്‍ നേര്‍ന്ന് സുഹൃത്തുക്കളും സഹപ്രവര്‍ത്തകരും ആരാധകരുമെല്ലാം തന്നെ എത്തിയിരുന്നു.

നിരവധി പേരാണ് ഭാവനയ്ക്ക് ആശംസകള്‍ നേര്‍ന്ന് കഴിഞ്ഞ ദിവസം സോഷ്യല്‍ മീഡിയയില്‍ എത്തിയിരുന്നത്. ഇത്തവണ അമ്മയ്ക്കും സഹോദരനുമൊപ്പം തൃശ്ശൂരിലെ വീട്ടില്‍ വെച്ചായിരുന്നു ഭാവനയുടെ പിറന്നാള്‍ ആഘോഷം. ക്വാറന്റൈനീല്‍ കഴിയുന്നതിനാല്‍ ഇത്തവണ വലിയ ആഘോഷങ്ങളൊന്നുമില്ലാതെ ആയിരുന്നു നടിയുടെ പിറന്നാള്‍.

ലോക് ഡൗണ്‍ കാലത്ത് ഭര്‍ത്താവ് നവീനൊപ്പം ബാംഗളൂരുവിലെ ഫ്‌ളാറ്റിലായിരുന്നു ഭാവന. കഴിഞ്ഞയാഴ്ചയാണ് നടി കേരളത്തിലേക്ക് എത്തിയത്. മുത്തങ്ങ അതിര്‍ത്തി വഴിയാണ് ഭാവന തൃശ്ശൂരിലേക്ക് എത്തിയത്. തുടര്‍ന്ന് വീട്ടില്‍ ക്വാറന്റൈനീല്‍ കഴിയവേയാണ് നടിയുടെ പിറന്നാള്‍ വന്നത്. ജന്മദിനത്തില്‍ ആശംസകള്‍ അറിയിച്ചവര്‍ക്ക് നന്ദി പറഞ്ഞ് ഭാവനയുടെ പുതിയ ഇന്‍സ്റ്റഗ്രാം പോസ്റ്റ് വന്നിരുന്നു.

ഇത്തവണ പുതിയ രണ്ട് ചിത്രങ്ങള്‍ പങ്കുവെച്ചുകൊണ്ടായിരുന്നു നടി എത്തിയത്. "ഉയര്‍ച്ചകളും താഴ്ചകളുമൊക്കെയായി ഒരു വര്‍ഷം കൂടി കടന്നുപോവുകയാണ്. എനിക്ക് ലഭിക്കുന്ന ഈ സ്‌നേഹവും സുരക്ഷയും സഹായവുമൊക്കെ എന്നെ നല്ലൊരു മനുഷ്യനായി മാറാന്‍ സഹായിക്കുന്നുണ്ട്. പുതുവര്‍ഷം ഇവിടെ തുടക്കമിടുന്നത് എന്റെ പുതിയൊരു മികച്ച പതിപ്പുമായാണ്.

എന്റെ പിറന്നാളിന് ലഭിച്ച ആത്മാര്‍ത്ഥമായ ആ വലിയ സ്‌നേഹം നിറഞ്ഞ ആശംസകള്‍ക്ക് ഒരുപാട് നന്ദി. നിങ്ങളില്‍ എല്ലാവരില്‍ നിന്നും അനന്തമായി സ്‌നേഹം ലഭിക്കണമെങ്കില്‍ ഞാന്‍ മുജ്ജന്മത്തിലെന്തോ വലിയ പുണ്യം ചെയ്തിട്ടുണ്ടെന്നെനിക്കുറപ്പാണ് എല്ലാവരോടും സ്‌നേഹം. മിസ് ജൂണ്‍ 8, ജെമിനി എന്നീ രണ്ട് ഹാഷ്ടാഗുകള്‍ക്കൊപ്പമാണ് ഭാവനയുടെ പുതിയ പോസ്റ്റ് വന്നിരിക്കുന്നത്.