ബിഗില്‍ താരം റെബ മോണിക്ക ജോണ്‍ വിവാഹിതയാകുന്നു. ജന്മദിനത്തില്‍ പ്രൊപ്പോസ് ചെയ്ത് ജോയ്‌മോന്‍

പൈപ്പിന്‍ ചുവട്ടിലെ പ്രണയം, ജരുഗണ്ടി, മിഖായേല്‍, ധനുസു രാസി നീയര്‍ഗളെ തുടങ്ങിയവയാണ് റെബ മോണിക്ക ജോണിന്റെതായി പുറത്തിറങ്ങിയ മറ്റ് ചിത്രങ്ങള്‍. നടിയുടെതായി ഒടുവില്‍ പുറത്തിറങ്ങിയ ഫോറന്‍സിക്ക് തിയ്യേറ്ററുകളില്‍ വിജയം നേടിയിരുന്നു. ത്രില്ലര്‍ ചിത്രത്തില്‍ ടൊവിനോ തോമസിന്റെ നായികയായാണ് നടി അഭിനയിച്ചത്. അതേസമയം റെബ മോണിക്ക ജോണിന്റെ പിറന്നാള്‍ ദിവസമാണിന്ന്.

ജന്മദിനത്തില്‍ നടിയുടെ വിവാഹ വാര്‍ത്ത മനോരമ റിപ്പോര്‍ട്ട് ചെയ്തിരുന്നു. ദുബായ് സ്വദേശിയായ ജോയ്‌മോന്‍ ജോസഫാണ് റെബയുടെ പ്രതിശ്രുത വരന്‍. വിവാഹത്തിന് റെബ സമ്മതം മൂളിയതായി ജോയ്‌മോന്‍ തന്നെയാണ് അറിയിച്ചത്. നടിയുടെ പിറന്നാള്‍ ആഘോഷ സമയത്താണ് ഇരുവരും വിവാഹ കാര്യം പങ്കുവെച്ചത്. റീബയുടെ പിറന്നാള്‍ ആഘോഷ ചിത്രങ്ങള്‍ ജോയ്‌മോന്‍ സോഷ്യല്‍ മീഡിയയില്‍ പങ്കുവെച്ചിരുന്നു.

അങ്ങനെ ഞങ്ങള്‍ യെസ് പറഞ്ഞു, സംഭവിച്ചത് ഓര്‍ക്കുമ്പോള്‍ വിചിത്രമായി തോന്നുന്നു. ജോയ്‌മോന്‍ പറയുന്നു. കോവിഡും ലോക്ഡൗണും മൂലമുണ്ടായ പ്രത്യേക സാഹചര്യത്തില്‍ നീണ്ട ആറുമാസത്തിന് ശേഷമാണ് ദുബായില്‍ വെച്ച് ഞങ്ങള്‍ വീണ്ടും കാണുന്നത്. ഒരു രാത്രിയില്‍ രണ്ട് പേരും ഒരുപോല പ്രൊപ്പൊസ് ചെയ്യാനുളള സാധ്യത എത്രത്തോളമായിരിക്കും?.

എന്റെ ജീവിതത്തില്‍ സംഭവിച്ച വിചിത്രമായ യാദൃശ്ചികത. അതൊരിക്കലും മറക്കുകയുമില്ല. ഞങ്ങളുടെ ജീവിതത്തിലെ എറ്റവും മനോഹരമായ രാത്രി. ഈ ഓര്‍മ്മകള്‍ എന്നെന്നും എന്നിലുണ്ടാകും. ഇനി എന്തൊക്കെയാണ് ജീവിതം ഞങ്ങള്‍ക്കായി ഒരുക്കിവെച്ചിരിക്കുന്നത്. ഒരുപാട് ഇഷ്ടം റെബാ, ജന്മദിനാശംസകള്‍ എന്നാണ് ജോയ്‌മോന്‍ ജോസഫ് കുറിച്ചത്.

അതേസമയം തമിഴില്‍ വിഷ്ണു വിശാലിന്റെ നായികയായി എത്തുന്ന എഫ് ഐ ആര്‍ ആണ് റീബ മോണിക്ക ജോണിന്റെ പുതിയ ചിത്രം. തമിഴില്‍ വിജയ്‌ക്കൊപ്പമുളള ബിഗിലാണ് നടിക്ക് വലിയ വഴിത്തിരിവായത്. അറ്റ്‌ലീ സംവിധാനം ചെയ്ത ചിത്രത്തില്‍ പ്രാധാന്യമുളള ഒരു കഥാപാത്രമായാണ് നടി അഭിനയിച്ചത്.