Home

News

കനേഡിയന്‍ നീലച്ചിത്രതാരമെന്ന പേരുമായിട്ടാണ് സണ്ണി ലിയോണ്‍ ബിഗ് ബോസ് എന്ന റിയാലിറ്റിഷോയില്‍ എത്തിയത്. റിയാലിറ്റിഷോയില്‍ നിന്നും നേരേ ബോളിവുഡിലേയ്ക്ക് ടിക്കറ്റ് ലഭിച്ച സണ്ണി ഇന്ന് വെറുമൊരു നീലച്ചിത്രതാരമായല്ല, ബോളിവുഡ് നടിയെന്ന പേരിലാണ് അറിയപ്പെടുന്നത്. ജിസം 2വിലൂടെ ബോളിവുഡില്‍ അരങ്ങേറ്റം നടത്തിയ സണ്ണിയ്ക്ക് ഇപ്പോള്‍ കൈനിറയെ ചിത്രങ്ങളുണ്ട്. ബോൡവുഡില്‍ കാനഡയിലെ നീലച്ചിത്രങ്ങളിലേതുപോലെയുള്ള സ്‌റ്റൈല്‍ സണ്ണി ഇതുവരെ പുറത്തെടുത്തിരുന്നില്ല. അല്‍പസ്വല്‍പം ഗ്ലാമര്‍ പ്രദര്‍ശനങ്ങള്‍ മാത്രമാണ് സണ്ണി ലിയോണിന്റെ ചിത്രങ്ങളിലുണ്ടായിരുന്നത്. എന്നാല്‍ പുതിയ റിപ്പോര്‍ട്ടുകളനുസരിച്ച് സണ്ണി വീണ്ടും അഡല്‍റ്റ്‌സ് ഓണ്‍ലി ആകാന്‍ പോവുകയാണ്.

സണ്ണി ഒരു മറാത്തി ചിത്രത്തില്‍ അഭിനയിക്കാന്‍ പോകുന്നുവെന്നും അത് എ ചിത്രമായിരിക്കുമെന്നുമാണ് അറിയുന്നത്. എന്തായാലും ഈ റിപ്പോര്‍ട്ട് സണ്ണിയുടെ ആരാധകര്‍ക്കെല്ലാം വലിയ സന്തോഷമാണ് നല്‍കിയിരിക്കുന്നത്. ദേശീയ പുരസ്‌കാര ജേതാവായ സുജയ് ദഹാകെ സംവിധാനം ചെയ്യുന്ന വള്‍ഗര്‍ ആക്ടിവിറ്റീസ് ഇന്‍കോര്‍പ് എന്ന ചിത്രത്തിലാണ് സണ്ണി നായികയാവുന്നത്. ലൈംഗികചൂഷണവും അശ്ലീ ചിത്രങ്ങളുടെ കടന്നുകയറ്റവുമെല്ലാം വിഷയമാകുന്ന ചിത്രം അഡല്‍റ്റ്‌സ് ഓണ്‍ലി ആയില്ലെങ്കിലല്ലേ അത്ഭുതമുള്ളു.

സണ്ണി ലിയോണ്‍

പൂനെയില്‍ നടന്ന ഒരു ചടങ്ങില്‍ സണ്ണി ലിയോണ്‍ എത്തിയപ്പോള്‍ അവരെക്കാണാനെത്തിയ വന്‍ജനക്കൂട്ടത്തെ കണ്ടാണ് തന്റെ ചിത്രത്തില്‍ സണ്ണിയെ നായികയാക്കാമെന്ന് സംവിധായകന്‍ തീരുമാനിച്ചതത്രേ. സണ്ണി ഈ പരിപാടിയില്‍ പങ്കെടുക്കുന്നതിനെതിരെ വലിയ എതിര്‍പ്പുണ്ടായിരുന്നുവെങ്കിലും അതൊന്നും കാര്യമാക്കാതെയാണ് ചൂടന്‍ താരത്തെക്കാണാം ജനംകൂടിയത്. മാത്രമല്ല സണ്ണി പരിപാടിയില്‍ പങ്കെടുക്കുന്നതിനെ എതിര്‍ത്തവര്‍ തന്നെയായിരുന്നു അവരെക്കാണാനുള്ളവരുടെ കൂട്ടത്തില്‍ മുന്‍നിരയിലെത്തിയതെന്നും സംവിധായകന്‍പറയുന്നു. ഈ സംഭവത്തില്‍ നിന്നാണ് തന്റെ സിനിമ ഉരുത്തിരിയുന്നതെന്നും സുജയ് പറയുന്നു.

നീലച്ചിത്രങ്ങളില്‍ അഭിനയിക്കുന്ന നായികയുമായി ഒരു ആണ്‍കുട്ടി പ്രണയത്തിലാകുന്നതും തുടര്‍ന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ പ്രമേയം.