ശ്രീദേവിയുടെ പ്രിയപ്പെട്ട സാരി ലേലം ചെയ്യാൻ ഒരുങ്ങി ബോണി കപൂർ!! ലേല തുക 40,000

ശ്രീദേവിയുടെ സാരി

ചാരിറ്റിയുടെ ഭാഗമായി ശ്രീദേവിയുടെ സാരി ലേലം ചെയ്യാൻ ഒരുങ്ങുകയാണ് ഭർത്താവ് ബോണി കപൂർ. ശ്രീദേവിയുടെ പ്രിയപ്പെട്ട സാരികളിലൊന്നായ കോട്ട സാരിയാണ് ലോലം ചെയ്യുന്നത്. വെബ്സൈറ്റിലൂടെയാണ് സാരിയുടെ ലോലം. 40,000 രൂപയിൽ നിന്നാണ ലേലം ആരംഭിക്കുന്നത്. ഇപ്പോൾ 45000 രൂപവരെ സാരിയുടെ വില ഉയർന്നിട്ടുണ്ടെന്ന് ചില ഓൺലൈൻ മാധ്യമങ്ങൾ റിപ്പോർട്ട് ചെയ്യുന്നുണ്ട്.

ഈ പണം എവിടേയ്ക്ക്

സാരി ലേലത്തിൽ വിറ്റ് കിട്ടുന്ന പണം സ്ത്രീകളുടേയും കുട്ടികളുടേയും ഭിന്നശേഷിക്കാരുടേയും ഉന്നമനത്തിനായി പ്രവർത്തിക്കുന്ന കൺസേൺ ഇന്ത്യൻ ഫൗണ്ടേഷനു നൽകാനാണ് തീരുമാനം. നടിയുടെ സാരി ലേലത്തിൽ പിടിക്കാനായി നിരവധി പേർ ഇതിനോടകം തന്നെ എത്തിയിട്ടുണ്ട്. ഇനിയും തുക ഉയർന്നു പോകുമെന്നുളള റിപ്പോർട്ടുകൾ പ്രചരിക്കുന്നു.

ചരമവാർഷിക പൂജ

ശ്രീദേവിയുടെ ചരമ വാർഷിക ദിനം ഫെബ്രുവരി 24 ആണെങ്കിലും കഴിഞ്ഞ ദിവസം ഇതുമായി ബന്ധപ്പെട്ട് പൂജ ചെന്നൈയിൽ നടന്നിരുന്നു. ചെന്നൈയിലെ വസതിയിൽവെച്ചായിരുന്നു. ഭർത്താവ് ബോണി കപൂറും, മക്കളായ ഖുഷിയും ജാൻവിയും ബോണി കപൂറിന്റെ സഹോദരനും നടനുമായ അനിൽ കപൂറും ചടങ്ങിൽ പങ്കെടുത്തിരുന്നു. കൂടാതെ നടൻ അജിത്തും ഭാര്യയും നടിയുമായ ശാലിനിയും പൂജയ്ക്കായി എത്തിയിരുന്നു.

ശ്രീദേവിയുടെ ഏറ്റവും വലിയ ആഗ്രഹം

തെന്നിന്ത്യൻ സൂപ്പർ താരം അജിത്തിന്റെ വലിയ ഫാനാണ് ശ്രീദേവി. ഇത് ബോളിവുഡിലും തെന്നിന്ത്യൻ സിനിമ ലോകത്തും പരസ്യമായ രഹസ്യമാണ്. അജിത്തിനെ കേന്ദ്രകഥാപാത്രമാക്കി ഒരു ചിത്രം ചെയ്യണമെന്നത് ശ്രീദേവിയുടെ ഏറ്റവും വലിയ ആഗ്രഹമായിരുന്നു. പ്രിയതമയുടെ ആഗ്രഹ സാഫല്യത്തിനായുളള തയ്യാറെടുപ്പിലാണ് ബോണി കപൂർ. ചെന്നൈ വസതിയിൽ നടന്ന ചരമ വാർഷിക ചടങ്ങിൽ കപൂർ കുടുംബാംഗങ്ങൾക്കൊപ്പം അജിത്തും ഭാര്യ ശാലിനിയും പങ്കെടുത്തിരുന്നു. ചടങ്ങിൽ സംബന്ധിക്കുന്ന താരങ്ങളുടെ ചിത്രം വൈറലാണ്.