Lelam: ലേലം രണ്ടാം ഭാഗത്തിലേയ്ക്ക് പുതുമുഖ താരങ്ങളെ തേടുന്നു!! നിങ്ങൾ ചെയ്യേണ്ടത് ഇത്ര മാത്രം

പുതുമുഖങ്ങൾക്ക് അവസരം

സിനിമ പ്രേമികൾക്ക് ഒരു സുവർണ്ണ അവസരം. ലോലം സിനിമയിലേയ്ക്ക് പുതുമുഖ താരങ്ങളെ തേടുന്നു. രൺജി പണിക്കർ തന്റെ ഫേസ്ബുക്ക് പോസ്റ്റിലൂടെയാണ് ഈ വിവരം പുറത്തു വിട്ടിരിക്കുന്നത്. യുവാക്കളേയും സ്വഭാവ നടന്മാരേയുണാണ് ചിത്രത്തിലേയ്ക്ക് തേടുന്നത്. 25 നും 40 വയസിനു ഇടയിലുളളവരെയാണ് ചിത്രത്തിനു വേണ്ടി തേടുന്നത്. അഭിനയിക്കാൻ താൽപര്യമുള്ളവർ നിങ്ങളുടെ ഫുൾസെസ്, ക്ലോസപ്പ് ചിത്രങ്ങളും , മേക്കിപ്പില്ലാത്ത ചിത്രങ്ങളും ഫോൺ നമ്പറും rpentertainmentsprono.2@ gmail.com എന്ന മെയിൽ ഐഡിയിലേയ്ക്ക് അയക്കുക

20 വർഷങ്ങൾക്ക് ശേഷം

20 വർഷങ്ങൾക്ക് ശേഷമാണ് ലേലത്തിന്റെ രണ്ടാം ഭാഗം എത്തുന്നത്. ചിത്രത്തിന്റെ തിരക്കഥ എഴുതുന്നത് രൺജി പണിക്കരാണ്. എന്നാൽ ലേലം 2 ന്റെ രണ്ടാംഭാഗത്തിന് തിരക്കഥ തയ്യാറാക്കുന്നത് നിഥിൻ തന്നെയാണെന്നുള്ള വാർത്തകൾ മുൻപ് പ്രചരിച്ചിരുന്നു. മമ്മൂട്ടി പോലീസ് വേഷത്തിലെത്തിയ കസബയുടെ തിരക്കഥ തയ്യാറാക്കിയത് നിഥിൻ ആയിരുന്നു.

ഗോകുലം

ലേലത്തിന്റെ ആദ്യ ഭാഗത്തിൽ സോമൻ- സുരേഷ് ഗോപി കോമ്പിനേഷൻ പ്രേക്ഷക പ്രശംസ്ത നേടിയിരുന്നു. എന്നാൽ രണ്ടാം ഭാഗത്തിൽ ഗോകുലും എത്തുന്നു എന്നുള്ള വാർത്ത പ്രചരിക്കുന്നുണ്ട്. സുരേഷ് ഗോപിയുടെ മകനായിട്ടാകും ഗോകുൽ എത്തുക. മുദ്ദുഗൗ എന്ന ചിത്രത്തിലൂടൊയണ് ഗോകുൽ സുരേഷ് മലയാള സിനിമയിൽ എത്തിയത്. അച്ഛനേയും മകനേയും ഒരുമിച്ച് ബിഗ് സ്ക്രീനിൽ കാണാനുള്ള കാത്തിരുപ്പിലാണ് പ്രേക്ഷകർ.

മാസ് ഡയലോഗ്

ഇന്നും പ്രേക്ഷകർ ഓർമിക്കുന്നു ഇന്നത്തെക്കാലത്തും പ്രേക്ഷക ശ്രദ്ധ ലഭിച്ച ഒരു ചിത്രമാണ് ലേലം. ഇന്നത്തെ തലമുറയിലുള്ളവരും ആനക്കാട്ടിൽ ചാക്കേച്ചിയേയും അപ്പനേയും ഓർമിച്ചു വയ്ക്കുന്നുണ്ട്. അന്ന് നിറഞ്ഞ കൈയടി നേടിയ സംഭാഷണങ്ങൾ ഇന്നും സൂപ്പർ ഹിറ്റാണ്. സേമൻ അവതരിപ്പിച്ച ആനക്കാട്ടിൽ ഈപ്പച്ചനേയും അദ്ദേഹത്തിന്റെ '' നേരാ തിരുമേനി ആനക്കാട്ടിൽ ഈപ്പച്ചൻ പള്ളികുടത്തിൽ പോയിട്ടില്ല'' മാസ് ഡയലോഗും പ്രേക്ഷകർ ഇപ്പോഴും നെഞ്ചിലേറ്റുന്നുണ്ട്