»   » രാജീവ് രവിയ്ക്ക് സെന്‍സര്‍ ബോര്‍ഡിന്റെ മറുപടി, നല്ലതിന് വേണ്ടി ചെയ്തത് തെറ്റായി വ്യാഖ്യാനിച്ചു

രാജീവ് രവിയ്ക്ക് സെന്‍സര്‍ ബോര്‍ഡിന്റെ മറുപടി, നല്ലതിന് വേണ്ടി ചെയ്തത് തെറ്റായി വ്യാഖ്യാനിച്ചു

By: Rohini
Subscribe to Filmibeat Malayalam

ദുല്‍ഖര്‍ സല്‍മാനെ നായകനാക്കി രാജീവ് രവി സംവിധാനം ചെയ്ത കമ്മട്ടിപ്പാടം എന്ന ചിത്രത്തിന്റെ സെന്‍സറിങ് സംബന്ധിച്ച പ്രശ്‌നങ്ങളാണ് ഇപ്പോള്‍ മലയാള സിനിമാ ലോകത്തെ സംസാര വിഷയം.

ദുല്‍ഖറിന്റെ കമ്മട്ടിപ്പാടത്തിന് എ സര്‍ട്ടിഫിക്കറ്റ് എന്തുകൊണ്ട്, സംവിധായകന്‍ പറയുന്നു


കമ്മട്ടിപ്പാടം എന്ന സിനിമ ഇല്ലാതാക്കുന്ന വിധത്തില്‍ സെന്‍സറിങ് ഇടപെടലുണ്ടായി എന്നാണ് രാജീവ് രവി പറയുന്നത്. റിലീസിന് തലേന്നാള്‍ ആയതിനാലാണ് വിട്ടുവീഴ്ചകള്‍ വേണ്ടിവന്നതെന്നും, സിനിമയെക്കുറിച്ചും രാഷ്ട്രീയത്തെക്കുറിച്ചും ബോധമില്ലാത്തവരാണ് ബോര്‍ഡിലെന്നും സംവിധായകന്‍ ആരോപിച്ചു.


 rajeev-ravi-vijayakrishnan

എന്നാല്‍ ഈ സിനിമയിലെ ഒരു ഫ്രെയിം പോലും കട്ട് ചെയ്തിട്ടില്ല എന്ന് സെന്‍സര്‍ ബോര്‍ഡ് അംഗം വിജയകൃഷ്ണന്‍ പറഞ്ഞു. ചില ചീത്തവിളികള്‍ ഒഴിവാക്കിയാല്‍ എല്ലാം നഷ്ടപ്പെടുമെന്നാണോ, ഈ സംബോധനകളാണോ അദ്ദേഹത്തിന്റെ കല. സെന്‍സര്‍ ഓഫീസര്‍ ഇതെല്ലാം ചൂണ്ടിക്കാട്ടി കത്ത് നല്‍കുകയാണ് ചെയ്തത്. പുലയന്‍ എന്ന വാക്ക് ജാതീയ അധിക്ഷേപമായതിനാലാണ് ഉപേക്ഷിക്കാന്‍ ആവശ്യപ്പെട്ടത്.


കയ്യൂക്കുള്ളവന്‍ കാര്യക്കാരന്‍ എന്ന നിലയിലാണ് ഇപ്പോള്‍ കാര്യങ്ങള്‍. ഇവരെല്ലാം പലരെക്കൊണ്ട് ശുപാര്‍ശ നടത്താനും നില്‍ക്കും. ഈ സിനിമയ്ക്ക് വേണ്ടി എന്നെ എത്ര പേര്‍ വിളിച്ചെന്ന് അറിയാമോ. പിന്നെ കമ്മട്ടിപ്പാടം മനസ്സിലാക്കാനുള്ള രാഷ്ട്രീയബോധമുള്ളവരാണ് ഞാന്‍ ഉള്‍പ്പെടെ എല്ലാവരും. ആ സിനിമയുടെ പ്രത്യേകതയും രാഷ്ട്രീയവുമൊക്കെ നന്നായി മനസ്സിലാക്കിയിട്ടാണ് തുടക്കത്തിലെ വയലന്‍സ് രംഗങ്ങളില്‍ പോലും കത്രിക വയ്ക്കാതിരുന്നത്.


ചാര്‍ലിയെയും കലിയെയും കടക്കുമോ, കമ്മട്ടിപ്പാടം രണ്ട് ദിവസത്തെ ബോക്‌സോഫീസ് കലക്ഷന്‍


ചെയ്യാവുന്നതില്‍ വച്ച് ഏറ്റവും പരിഗണന ആ സിനിമയ്ക്ക് നല്‍കിയിട്ടുണ്ട്. എ പടം എന്നത് ആ ചിത്രത്തിലെ നായകന് ചില വിഷമങ്ങള്‍ ഉണ്ടാക്കിയിട്ടുണ്ടാവാം. വയലന്‍സ് മാത്രമല്ല എ സര്‍ട്ടിഫിക്കറ്റ് നല്‍കിയതിന് കാരണം. ആ സിനിമ പ്രതിനിധീകരിച്ച ജീവിത പരിസരം കുറച്ചുകൂടെ മുതിര്‍ന്നവര്‍ക്കാണ് മനസ്സിലാവുക എന്നത് കൂടി പരിഗണിച്ചുള്ള വിലയിരുത്തലിലാണ് എ സര്‍ട്ടിഫിക്കറ്റ് നല്‍കിയത്. തുടക്കം മുതല്‍ ഒടുക്കം വരെയുള്ള വയലന്‍സും കാരണമായിട്ടുണ്ട്.


ദുല്‍ഖറില്‍ നിന്നുണ്ടായ മറക്കാനാകാത്ത അനുഭവം; ബാലന്‍ചേട്ടന്‍ പറയുന്നു


ആദ്യഭാഗത്തെ കത്തിക്കുത്ത് രംഗത്തിലൊന്നും യാതൊന്നും ചെയ്തിട്ടില്ല. ആ സിനിമയുടെ ട്രീറ്റ്‌മെന്റിനെ ബഹുമാനിക്കുന്നത് കൊണ്ടാണ് ഒരു ഷോട്ടും കട്ട് ചെയ്യാതിരിക്കാന്‍ എ സര്‍ട്ടിഫിക്കറ്റ് നല്‍കിയത്. നല്ല ഉദ്ദേശ്യത്തില്‍ ചെയ്തതാണ് അവര്‍ ഈ രീതിയില്‍ വ്യാഖ്യാനിക്കുന്നത്- വിജയകൃഷ്ണന്‍ പറഞ്ഞു

English summary
Censor boards reply to Rajeev Ravi
Please Wait while comments are loading...

Malayalam Photos

Go to : More Photos