നടി ചാര്‍മിള ആശുപത്രിയില്‍! ചികിത്സയ്ക്ക് പണമില്ലാതെ ദുരവസ്ഥയിലാണ് താരമെന്ന് റിപ്പോര്‍ട്ടുകള്‍!

സഹായിക്കാന്‍ ആളില്ല

ചെന്നൈയിലെ ആശുപത്രിയില്‍ കഴിയുന്ന ചാര്‍മ്മിളയെ സഹായിക്കാന്‍ ആളുകളില്ലെന്നും ചികിത്സയ്ക്കുള്ള പണം പോലും താരത്തിന്‍റെ കൈയ്യിലില്ലെന്നുമുള്ള വിവരങ്ങളായിരുന്നു പുറത്തുവന്നത്. മറ്റ് രോഗികളും അവരുടെ കൂട്ടിരിപ്പുകാരുമാണ് താരത്തെ നോക്കുന്നതെന്നും റിപ്പോര്‍ട്ടുകളില്‍ പറയുന്നു. ഒരുകാലത്ത് സിനിമയില്‍ നിറഞ്ഞുനിന്നിരുന്ന താരത്തിന്‍റെ ഇപ്പോഴത്തെ അവസ്ഥയെക്കുറിച്ച് അറിഞ്ഞതിന്‍റെ നടുക്കത്തിലാണ് പ്രേക്ഷകര്‍.

തിരിച്ചെത്തിയിരുന്നുവെങ്കിലും

ഒരുകാലത്ത് നായികമാരായി തിളങ്ങി നിന്ന പലരും വര്‍ഷങ്ങള്‍ക്ക് ശേഷം സിനിമയില്‍ തിരിച്ചുവരവ് നടത്തി പ്രേക്ഷകരെ വിസ്മയിപ്പിക്കുന്നുണ്ട്. ആരാധകര്‍ കാത്തിരുന്ന തിരിച്ചുവരവുകളാണ് പലരുടേതും. അത്തരത്തിലുള്ള തിരിച്ചുവരവിനായി ചാര്‍മിളയും ശ്രമിച്ചിരുന്നു. എന്നാല്‍ അത്ര മികച്ച അവസരങ്ങളൊന്നും താരത്തിന് ലഭിച്ചിരുന്നില്ല. ഇടയ്ക്ക് ടെലിവിഷന്‍ സീരിയലുകളിലും താരം പ്രത്യക്ഷപ്പെട്ടിരുന്നു.

പ്രണയവും വിവാഹവും

തുടക്കകാലത്ത് ബാബു ആന്റണിയും ചാര്‍മിളയും പ്രണയത്തിലാണെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ അദ്ദേഹം വേറെ വിവാഹം ചെയ്തതോടെ ആ വാര്‍ത്ത അവസാനിക്കുകയായിരുന്നു. മിനിസ്‌ക്രീനിലെ മിന്നും താരങ്ങളിലൊരാളായ കിഷോര്‍ സത്യയെ വിവാഹം ചെയ്തിരുന്നുവെന്നും പിന്നീട് അത്ര നല്ല കാര്യങ്ങളല്ല സംഭവിച്ചതെന്നും ചാര്‍മിള വെളിപ്പെടുത്തിയിരുന്നു. ആത്മഹത്യ ഭീഷണി മുഴക്കിയാണ് തന്നെക്കൊണ്ട് അങ്ങനെ ചെയ്യിച്ചതെന്നായിരുന്നു കിഷോര്‍ സത്യ വ്യക്തമാക്കിയത്.

സാമ്പത്തികമായ ബുദ്ധിമുട്ടുകള്‍

ചെറുപ്രായത്തില്‍ തന്ന സിനിമയിലെത്തിയതിനാല്‍ ധാരാളം സമ്പാദിക്കാന്‍ കഴിഞ്ഞിരുന്നു. എന്നാല്‍ വിവാഹത്തിന് ശേഷം ജീവിതം ആസ്വദിച്ച് തീര്‍ക്കുകയായിരുന്നു. 2006ലാണ് ചാര്‍മിളയും രാജേഷും തമ്മിലുള്ള വിവാഹം നടന്നത്. പത്ത് വര്‍ഷത്തിന് ശേഷം ഇരുവരും വേര്‍പരിരിയുകയായിരുന്നു. വിവാഹ മോചനത്തിന് ശേഷം സാമ്പത്തികമായി ഏറെ ബുദ്ധുമുട്ടുകള്‍ അനുഭവിച്ചിരുന്നുവെന്ന് താരം പറഞ്ഞിരുന്നു.

കടക്കാരുടെ ചുറ്റും

ജീവിക്കാനായി യാതൊരു മാര്‍ഗവുമില്ലാത്ത അവസ്ഥയിലാണ് താനെന്ന് അടുത്തിടെ താരം വെളിപ്പെടുത്തിയിരുന്നു. വാടക വീട്ടിലാണ് താമസിക്കുന്നത്. പ്രായമായ അമ്മയെ പരിചരിക്കാന്‍ വീട്ടുജോലിക്കാരിയെ നിര്‍ത്തിയിട്ടുണ്ട്. സിനിമയുമായി ബന്ധപ്പെട്ട വര്‍ക്കുകള്‍ കഴിഞ്ഞ് നാട്ടിലെത്തുമ്പോള്‍ ആദ്യം തേടി വരുന്നത് കടക്കാരാണെന്ന് അന്ന് താരം പറഞ്ഞിരുന്നു.

മകന്‍റെ ഫീസ് അടയ്ക്കുന്നത് വിശാല്‍

വിശാലിന്‍രെ നേതൃത്വത്തിലുള്ള നടികര്‍ സംഘമാണ് മകന്‍ അഡോണിസ് ജൂഡിന്‍രെ ഫീസ് അടയ്ക്കുന്നതെന്നും താരം വ്യക്തമാക്കിയിരുന്നു. കാര്‍ത്തി ഉള്‍പ്പടെയുള്ള താരങ്ങളും സഹായത്തിനുണ്ട്. മകന്‍ വലുതാവുമ്പോഴേക്കും എവിടെയെങ്കിലും സെറ്റിലാവാനാണ് താന്‍ ആഗ്രഹിക്കുന്നതെന്നും അന്ന് താരം പറഞ്ഞിരുന്നു. സാമ്പത്തിക ബാധ്യതയാണ് താന്‍ വീണ്ടും സിനിമയിലേക്ക് തിരിച്ചുവരുന്നതിന് പിന്നിലെ കാരണം. കടബാധ്യതകളില്ലാതെ മകനോടൊപ്പം സമാധാനത്തോടെ കഴിയാനാണ് ആഗ്രഹിക്കുന്നതെന്നുമായിരുന്നു അന്ന് ചാര്‍മിള പറഞ്ഞത്.