ദിലീപിന് മാത്രമല്ല ആഗതന്‍ നായികയ്ക്കും ഇപ്പോള്‍ സമയം നല്ലതല്ല, മയക്കു മരുന്ന് കേസ് ??

ഹാജരാവാന്‍ ആവശ്യപ്പെട്ട് അന്വേഷണ സംഘം

മയക്കു മരുന്ന് ഇടപാടുകളുമായി ബന്ധമുണ്ടെന്ന് ആരോപിച്ചാണ് എക്‌സൈസ് വിഭാഗം ചാര്‍മിയോട് ഹാജരാവാന്‍ ആവശ്യപ്പെട്ടത്. പ്രത്യേക അന്വേഷണ സംഘത്തിന് മുന്നില്‍ ജൂലൈ 20 ന് ഹാജരാവാനാണ് നിര്‍ദേശിച്ചിട്ടുള്ളത്.

ആരോപണങ്ങളില്‍ കഴമ്പില്ല

മകളുമായി ബന്ധപ്പെട്ട് പ്രചരിക്കുന്ന ആരോപണങ്ങളില്‍ കഴമ്പില്ലെന്നാണ് ചാര്‍മിയുട പിതാവ് പറയുന്നത്. ഇത്തരം കാര്യങ്ങള്‍ ചെയ്യുന്നൊരാളാണ് മകളെങ്കില്‍ ഇത്രയും കാലം സിനിമയില്‍ നിലനില്‍ക്കുമോയെന്നും അദ്ദേഹം ചോദിക്കുന്നു.

13ാം വയസ്സു മുതല്‍ ജോലി ചെയ്യാന്‍ തുടങ്ങി

13ാമത്തെ വയസ്സുമുതല്‍ ജോലി ചെയ്യാന്‍ തുടങ്ങിയതാണ് മകള്‍. വിജയകരമായി സിനിമയില്‍ തുടരുന്ന അവള്‍ ഇത്തരമൊരു കാര്യം ചെയ്തിരുന്നുവെങ്കില്‍ അവള്‍ക്ക് സിനിമയില്‍ തുടരാന്‍ കഴിയില്ലെന്നും അദ്ദേഹം പറയുന്നു.

ആരോപണം കേട്ട് തകര്‍ന്നുപോയി

നല്ലതു പോലെ കുടുംബം നോക്കുകയും ജോലിയില്‍ കഠിനാധ്വാനവും ചെയ്യുന്ന മകളെക്കുറിച്ച് ഇത്തരത്തിലൊരു ആരോപണം കേട്ടപ്പോള്‍ ഭാര്യ ആകെ തകര്‍ന്നുപോയെന്നും ചാര്‍മിയുടെ പിതാവ് പറഞ്ഞു.

അഭിനയത്തില്‍ മാത്രമാണ് ശ്രദ്ധ

പൈസ വസൂല്‍ എന്ന ചിത്രത്തിലാണ് ചാര്‍മി ഇപ്പോള്‍ അഭിനയിച്ചുകൊണ്ടിരിക്കുന്നത്. അഭിനയത്തില്‍ മാത്രമാണ് അവളുടെ ഇപ്പോഴത്തെ ശ്രദ്ധ മുഴുവനും. ഇത്തരം ആരോപണങ്ങളൊന്നും അവളെ ബാധിക്കില്ലെന്നും പിതാവ് വ്യക്തമാക്കി.

ലഹരി മാഫിയയില്‍ കുടുങ്ങി തെലുങ്ക് സിനിമാലോകം

ചാര്‍മി ഉള്‍പ്പടെ 12 പേര്‍ക്കെതിരെയാണ് ഇപ്പോള്‍ മയക്കു മരുന്ന് ആരോപണം ഉയര്‍ന്നുവന്നിട്ടുള്ളത്. 2008 മുതലാണ് ലഹരി മാഫിയ തെലുങ്ക് സിനിമയില്‍ ആധിപത്യം നേടിയത്. താരസംഘടനയായ മാ ഇക്കാര്യത്തില്‍ ശക്തമായ നിലപാട് സ്വീകരിച്ചിരുന്നു.

കാട്ടുചെമ്പകത്തിലൂടെ മലയാളത്തിലേക്ക്

വിനയന്‍ സംവിധാനം ചെയ്ത കാട്ടുചെമ്പകത്തിലൂടെയാണ് ചാര്‍മി കൗര്‍ മലയാള സിനിമയിലേക്ക് എത്തിയത്. ജയസൂര്യ, അനൂപ് മേനോന്‍ തുടങ്ങിയവരുടെ ആദ്യ ചിത്രമായിരുന്നു ഇത്. ചിത്രം വേണ്ടത്ര ശ്രദ്ധിക്കപ്പെട്ടില്ലെങ്കിലും താരങ്ങളെത്തേടി നിരവധി അവസരങ്ങള്‍ എത്തിയിരുന്നു. പിന്നീടാണ് ചാര്‍മി ആഗതനിലും താപ്പാനയിലും വേഷമിട്ടത്.