ലാലിനെ കാണുമ്പോള്‍ പലപ്പോഴും ഇതെന്തൊരു ജന്മമാണെന്ന് തോന്നിയിട്ടുണ്ട്; തിരക്കഥാകൃത്ത്

ലാലിനെ കാണുമ്പോള്‍ പലപ്പോഴും ഇതെന്തൊരു ജന്മമാണെന്ന് തോന്നിയിട്ടുണ്ട്; തിരക്കഥാകൃത്ത്

ഞാന്‍ വിളിച്ചതില്‍ കൂടുതല്‍ മുദ്രവാക്യങ്ങളൊന്നും സേതു ലക്ഷമി വിളിച്ചിട്ടില്ല... ചിത്രത്തില്‍ മോഹന്‍ലാല്‍ ക്ഷോഭിച്ചുകൊണ്ട് ഗീതയോട് പറയുന്ന ഡയലോഗാണിത്. ഈ ഷോട്ട് എടുക്കുന്നതിന് മുമ്പ് ലാല്‍ തിരക്കഥാകൃത്ത് ചെറിയാനുമായി സംസാരിച്ചുക്കൊണ്ടിരിക്കുകയായിരുന്നുവത്രേ. അതും ഒരോ തമാശകളുമായി. പിന്നെ പെട്ടന്ന് ക്യമാറയ്ക്ക് മുമ്പില്‍ എത്തിയതും ആള് മാറി പക്കാ നെട്ടൂരാനായി. ശരിക്കും ഞെട്ടി പോയി...ചെറിയാന്‍ പറയുന്നു.

ലാലിനെ കാണുമ്പോള്‍ പലപ്പോഴും ഇതെന്തൊരു ജന്മമാണെന്ന് തോന്നിയിട്ടുണ്ട്; തിരക്കഥാകൃത്ത്

ഇത് ലാല്‍ സലാമില്‍ മാത്രം സംഭവിച്ച കാര്യമല്ല. ലാലിന്റെ ഏത് സിനിമകളില്‍ പ്രവര്‍ത്തിക്കുമ്പോഴും ആര്‍ക്കും തോന്നി പോകും. അതേ ലാലും കഥാപാത്രവും രണ്ടല്ല, ഒന്നാണെന്ന് തോന്നിപ്പിക്കുകയാണ്. തിരക്കഥാകൃത്ത് ചെറിയാന്‍ പറയുന്നു. നാനയിലെ മോഹനം ലാസ്യം എന്ന പക്തിയിലെ അഭിമുഖത്തിലാണ് തിരക്കഥാകൃത്തിന്റെ ഓര്‍മ്മയില്‍ പറയുന്നത്.

ലാലിനെ കാണുമ്പോള്‍ പലപ്പോഴും ഇതെന്തൊരു ജന്മമാണെന്ന് തോന്നിയിട്ടുണ്ട്; തിരക്കഥാകൃത്ത്

സേതു ലക്ഷമിയോട് നെട്ടൂരാന്‍ ക്ഷോപിക്കുന്ന ആ രംഗം ഷൂട്ട് ചെയ്തുക്കൊണ്ടിരിക്കുമ്പോള്‍ ഒരു സംഭവം ഉണ്ടായി. ഈ രംഗം ചിത്രീകരിച്ചുക്കൊണ്ടിരിക്കുമ്പോഴാണ് ലൊക്കേഷനിലേക്ക് അപ്രതീക്ഷിതമായി ഗൗരിയമ്മ കയറി വരുന്നത്. ഗൗരിയമ്മയെ ഓര്‍മ്മിക്കുന്നതായിരുന്നു സേതു ലക്ഷ്മിയുടെ കഥാപാത്രം. അന്ന് ഇടതുപക്ഷ സര്‍ക്കാരായിരുന്നു ഭരണം ഗൗരിയമ്മ ആ മന്ത്രി സഭയിലെ അംഗവും. എന്തെങ്കിലും അറിഞ്ഞിട്ടാണോ ഈ വരവെന്ന് വിചാരിച്ച് ശരിക്കും പേടിച്ചു. ചെറിയാന്‍ പറയുന്നു.

ലാലിനെ കാണുമ്പോള്‍ പലപ്പോഴും ഇതെന്തൊരു ജന്മമാണെന്ന് തോന്നിയിട്ടുണ്ട്; തിരക്കഥാകൃത്ത്

ആലപ്പുഴയില്‍ ലാല്‍ സലാമിന്റെ ഷൂട്ടിങ് നടന്നുക്കൊണ്ടിരിക്കുമ്പോള്‍, തന്റെ വീട്ടിലായിരുന്നു മോഹന്‍ലാല്‍ താമസിച്ചിരുന്നത്. അന്ന് ലാല്‍ കുളിച്ച് വരുമ്പോഴെല്ലാം രാസനാദി പൊടി ഇടുന്ന സ്വഭാവമുണ്ടായിരുന്നു. അപ്പോഴൊക്കെ ലാലിന് എന്റെ അച്ഛന്റെ മണമാണെന്ന് തോന്നാറുണ്ട്. എന്റെ അച്ഛനും കുളിച്ച് കഴിഞ്ഞാല്‍ രാസനാദി പൊടി ഇടുന്ന സ്വഭാവം ഉണ്ടായിരുന്നു(ജീവിച്ചിരിപ്പില്ല). അമ്മയും പറഞ്ഞിട്ടുണ്ട്, ഈ വരുന്നത് ലാലാണോ എന്റെ ഭര്‍ത്താവാണോ എന്ന്. ചെറിയാന്‍ പറയുന്നു.