മമ്മൂക്ക ഇത്രയും സിമ്പിളാണ്!! മണി സാറിനെ കുറിച്ച് ഉണ്ടയിലെ പോലീസുകാർ പറയുന്നു

കേട്ടറിഞ്ഞ ആളേയല്ല അദ്ദേഹം

ഷൂട്ടിങ്ങ് തുടങ്ങി രണ്ട് ദിവസത്തിനു ശേഷമാണ് മമ്മൂക്ക സെറ്റിലെത്തുന്നത്. ഏറെ ടെൻഷനോടൊയാണ് അദ്ദേഹത്തെ കാത്തിരുന്നത്. എന്നാൽ‌ കേട്ടറിഞ്ഞതിൽ നിന്ന് വ്യത്യസ്തമായിരുന്നു അദ്ദേഹം. വളരെ പെട്ടെന്ന് തന്നെ ഞങ്ങൾ അദ്ദേഹവുമായി അടുത്തു . ഏറ്റക്കുറച്ചിലുകൾ ഇല്ലാതെ എല്ലാവരുമായി ഒരുപോലെയായിരുന്നു അദ്ദേഹം പെരുമാറിയത്.- ചിത്രത്തിൽ ഒരു കോൺസ്റ്റബിളിന്റെ വേഷത്തിൽ ഗോകുൽ ബാല ചന്ദ്രൻ എത്തുന്നുണ്ട്. അദ്ദേഹമാണ് ഇക്കാര്യം വെളിപ്പെടുത്തിയത്.

മമ്മൂട്ടിയ്ക്കൊപ്പം അഭിനയിച്ചിട്ടുണ്ട്

ഡയലോഗ് പറയാനും മറ്റുമെല്ലാം മമ്മൂക്ക തങ്ങളെ ഏറെ സഹായിച്ചിരുന്നു.ഇതിനു മുൻപും മാമ്മൂക്കയ്ക്കൊപ്പം സിനിമയിൽ ചെറിയ ചെറിയ കഥപാത്രത്തിൽ എത്തിയിരുന്നു. പത്തേമാരി, തോപ്പിൽ ജോപ്പൻ, തുടങ്ങിയ ചിത്രത്തിൽ ഭാഗമായിരുന്നു. ചിത്രത്തിലെ മമ്മൂട്ടി ഉൾപ്പെടെയുള്ള താരങ്ങളുടെ ക്യാരക്ടർ പോസ്റ്ററുകൾ പുറത്തു വിട്ടിരുന്നു.

ചിത്രത്തിലെ കഥാപാത്രങ്ങൾ

പറവ, സുഡാനി ഫ്രം നൈജീരിയ തുടങ്ങിയ ചിത്രത്തിൽ നടനായും അസോസിയേറ്റായും പ്രവർത്തിച്ചിരുന്ന അഭിറാം രാധാകൃഷ്ണനും ചിത്രത്തിൽ മറ്റൊരു പോലീസ് കോൺസ്റ്റബിളായി എത്തുന്നുണ്ട്. ഉണ്ണികൃഷ്ണൻ എന്ന കഥാപാത്രത്തെയാണ് അഭിറാം അവതരിപ്പിക്കുന്നത്. ചിത്രത്തിലെ ഓരോ കഥാപാത്രങ്ങളും പ്രധാനമാണ്. കൂടാതെ മമ്മൂക്കയ്ക്കൊപ്പം ആദ്യമായി അഭിനയിക്കാനുളള പേടിയും പിന്നീട് അടുത്തറിഞ്ഞപ്പോഴുണ്ടായ സന്തോഷവും അഭിറാം പങ്കുവെച്ചു.

പോലീസ്കാരോട് സഹാനുഭൂതി

സിനിമയുടെ ഭാഗമായി നടന്മാർക്കെല്ലാം പോലീസുകാരോട് അടുത്തിടപ്പെടാൻ അവസരം ലഭിച്ചിരുന്നു. ഇതോടെ പോലീസുകാരോട് ഉണ്ടായിരുന്ന മനോഭാവം മാറിമറിഞ്ഞുവെന്നും അഭിറാം പറഞ്ഞു. പോലീസ്കാരോട് സഹാനുഭൂതിയുണ്ടെന്നും ഇവർ പറയുന്നു. ഗോകുൽ, അഭിറാം, ലുക്മാൻ, നൗഷാദ്, ഷൈൻ ടോം ചാക്കോ, ജേക്കബ് ഗ്രിഗറി, സുധി കോപ്പ, അർജുൻ അശോക്, ദിലീഷ് പോത്തൻ, തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. പെരുന്നാൾ റിലീസായിട്ടാണ് ചിത്രം എത്തുന്നത്.