Click it and Unblock the Notifications
ക്ലാസ് മേറ്റ്സിലൂടെ മലയാള സിനിമയിലേക്ക് കടന്നുവന്ന ജെയിംസ് ആല്‍ബര്‍ട്ട് തിരക്കഥയുടെ മര്‍മമറിയാവുന്ന എഴുത്തുകാരനാണ് താനെന്ന് ഒരിക്കല്‍ക്കൂടി തെളിയിച്ചിരിക്കുകയാണ് സൈക്കിളിലൂടെ. ക്ലാസ് മേറ്റ്സ് പോലെ സൈക്കിളും ഒരു ത്രില്ലറാണ്. സസ്പെന്‍സ് നിലനിര്‍ത്തിക്കൊണ്ട് സൈക്കിളിന്റെ കഥാഗതി മുന്നേറുമ്പോള്‍ ചിത്രം ആവേശകരമായൊരു അനുഭവമാണ് പ്രേക്ഷകര്‍ക്കു പകരുന്നത്.
പുതിയ കാലഘട്ടത്തിലെ യുവാക്കളുടെ ജീവിതവീക്ഷണത്തിലേക്കാണ് സൈക്കിള്‍ എത്തിനോക്കുന്നത്. മൂല്യബോധത്തില്‍ വരുന്ന മാറ്റങ്ങളെ കുറിച്ച് ചിലതൊക്കെ ഈ സിനിമ പറഞ്ഞുവയ്ക്കുന്നുണ്ട്. .യുവതാര ചിത്രങ്ങളുടെ സ്ഥിരം ശൈലിയില്‍ നിന്നും അതുകൊണ്ടു തന്നെ ഈ ചിത്രം വ്യത്യസ്തവുമാണ്.
ഈ ചിത്രത്തോടെ വിനീത് ശ്രീനിവാസന്‍ എന്ന പുതിയൊരു താരം മലയാളത്തിലുദിക്കുകയാണ്. ഗായകനെന്ന നിലയില്‍ പ്രശസ്തനായ വിനീതിന് പുതുമുഖത്തിന്റെ പരിമിതികള്‍ മറികടന്നുകൊണ്ട് സൈക്കിളിലെ നായകവേഷം അവതരിപ്പിക്കാനായിട്ടുണ്ട്.
മലയാള സിനിമ കാത്തിരിക്കുന്നത് ഇത്തരം ഫ്രഷ്നസുള്ള കഥകള്‍ക്കായാണ്. വ്യത്യസ്തമായൊന്നുമില്ലാത്തതിനാല്‍ പതിവ് ഫോര്‍മുലാ സിനിമകള്‍ കാണേണ്ടിവരുന്ന ഗതികേടില്‍ നിന്നുള്ള ആശ്വാസമാണ് പ്രേക്ഷകര്‍ക്ക് ഇത്തരം ചിത്രങ്ങള്‍.
മുന്‍ പേജ്-
