ഫോറന്‍സിക്കിലെ ആ സൈക്കോ വില്ലന്‍! ടൊവിനോയുമായുളള ആക്ഷന്‍ രംഗത്തെക്കുറിച്ച് ധനേഷ്‌

ഫോറന്‍സിക്കില്‍ ടൊവിനോ തോമസിനൊപ്പമുളള ആക്ഷന്‍ രംഗത്തെക്കുറിച്ചും നടന്‍ മനസുതുറന്നു. പാലക്കാടുളള ധോനി കാടിനുളളില്‍ വെച്ചായിരുന്നു ആ രംഗങ്ങളൊക്കെ ഷൂട്ട് ചെയ്തിരുന്നതെന്ന് ധനേഷ് പറയുന്നു. ചെറിയ ഉന്തും തളളും മാത്രമേയുളളു എന്ന രീതിയിലായിരുന്നു ആ രംഗം ആദ്യം തീരുമാനിച്ചിരുന്നത്. എന്നാല്‍ പിന്നീട് സംഘടനവും കൂടി ഉള്‍പ്പെടുത്തുകയായിരുന്നു.

വാനിനുളളിലെ ഡയലോഗ് സെഷനൊക്കെ ശേഷം അഖിലേട്ടനും അനസിക്കയുമൊക്കെ വന്ന് നന്നായിട്ടുണെന്ന് പറഞ്ഞു. ആദ്യം അവര്‍ക്ക് ആ സീനില്‍ വല്ലാത്ത ടെന്‍ഷനുണ്ടായിരുന്നു. ഇത്തരത്തിലൊരു രംഗം പുതിയൊരാള്‍ ചെയ്താല്‍ ശരിയാകുമോ എന്ന തോന്നലൊക്കെ അവരുടെ ഉളളിലുണ്ടായിരുന്നു. പക്ഷേ ടേക്ക് കഴിഞ്ഞപ്പോള്‍ അവര്‍ സംതൃപ്തരായിരുന്നു. അത് കേട്ടപ്പോള്‍ തന്നെ വലിയ സന്തോഷമായി. ഒരു ആര്‍ട്ടിസ്റ്റിന് കിട്ടാവുന്നതില്‍ വെച്ച് എറ്റവും വലിയ അംഗീകാരം അതാണല്ലോ.

തുടര്‍ന്നാണ് അടുത്ത രംഗത്തിലേക്കുളള ഒരുക്കമൊക്കെ തുടങ്ങിയത്. പെട്ടെന്ന് തന്നെ സ്റ്റണ്ട് മാസ്റ്ററൊക്കെ വരുന്നു. സെറ്റില്‍ നിന്ന് വന്‍ പ്ലാനിങ്ങൊക്കെ. ഇതൊക്കെ ഞാന്‍ മാറിനിന്ന് കണ്ടുകൊണ്ടിരിക്കുകയാണ്. അഖിലേട്ടനും അനസിക്കയും സ്റ്റണ്ട് മാസ്റ്ററുമൊക്കെ കൂടി വലിയൊരു ഫൈറ്റ് പ്ലാന്‍ ചെയ്യുകയാണ് അവിടെ. അത് അറിഞ്ഞ എന്റെ കാറ്റ് ഫുള്‍ പോയി. ആദ്യം ഉന്തും തളളുമെന്നൊക്കെ പറഞ്ഞിട്ട് ഇപ്പോള്‍ വലിയ ഫൈറ്റൊക്കെയാണ് പ്ലാനിടുന്നത്.

അക്ഷരാര്‍ത്ഥത്തില്‍ ഞാന്‍ ഞെട്ടിപ്പോയി. സത്യത്തില്‍ ഞാനിതുവരെ ഫൈറ്റ് ചെയ്തിട്ടില്ല. പഠിക്കുന്ന സമയത്ത് പോലും അടിയുണ്ടാക്കിയിട്ടില്ല. അങ്ങനെയുളെളാരാള്‍ ഫൈറ്റ് സീനൊക്കെ ചെയ്താല്‍ എങ്ങനെയുണ്ടാകുമെന്നൊരു പേടിയുണ്ടായിരുന്നു. ഫൈറ്റൊക്കെ തുടങ്ങി. സ്റ്റണ്ട് മാസ്റ്റര്‍ക്ക് ഫൈറ്റൊക്കെ പക്ക റിയലായിട്ട് തോന്നണം. കട്ടൊന്നുമില്ല. അഞ്ചാറ് അടി ഒന്നിച്ചാണ് അദ്ദേഹം ഷൂട്ട് ചെയ്യുക. ഒന്നെടുത്ത് കട്ട് ചെയ്ത് അടുത്തതിലേക്ക് കയറാമെന്ന സംഗതിയൊന്നുമേയില്ല.

ഡാഡ തിരിച്ചുവന്ന സന്തോഷത്തിലാണ് അല്ലി! പൃഥ്വിരാജ് നാട്ടിലെത്തിയതിനെക്കുറിച്ച് സുപ്രിയ

ഒറ്റത്തവണ കൊണ്ട് അഞ്ചാറ് അടി സ്വീക്വന്‍സുകള്‍ അതാണ് രീതി. ആദ്യമായിട്ടായത് കൊണ്ട് തന്നെ ഞാന്‍ അവിടെ മൂക്ക് കൊണ്ട് ക്ഷ,ണ്ണ, ത്ര ഒക്കെ വരയ്ക്കുകയാണ്. അടി കൊളളും നിലത്ത് വീഴും, എഴുന്നേല്‍ക്കാന്‍ പറ്റാത്ത അവസ്ഥയില്‍ കിടക്കും. സ്റ്റണ്ട് മാസ്റ്ററാണെങ്കില്‍ ഫുള്‍ ചീത്തവിളിയും തുടങ്ങി. ഹേ മുട്ടാള്‍ എന്ന പണ്ണീട്ടിറുക്കെ എന്നൊക്കെ ഉച്ചത്തില്‍ വിളിച്ച് ചോദിച്ച് ഫുള്‍ ചീത്തവിളി ബഹളം.

ആദ്യമായാണ് ഇത്രയേറെ ദിവസം ലാലേട്ടന്‍ വീട്ടില്‍ നില്‍ക്കുന്നത്! ഇപ്പോള്‍ എനിക്ക് പാചകം ചെയ്തു തരുന്നു

എന്റെ അവസ്ഥ കണ്ടിട്ടാകണം ടൊവിച്ചേട്ടന്‍ ഫൈറ്റ് മാസ്റ്ററോട് അത് പുതിയ പയ്യനാണെന്നും ആദ്യമായിട്ടാണ് ഫൈറ്റ് സീന്‍ ചെയ്യുന്നതുമൊക്കെ പറഞ്ഞു. അപ്പോഴാണ് ഫൈറ്റ് മാസ്റ്റര്‍ തന്നെ വിളിച്ച് കാര്യങ്ങളൊക്കെ സമാധാനമായി പറഞ്ഞ് തന്നതും എങ്ങനെയൊക്കെ ചെയ്യണമെന്ന് കാണിച്ചു തന്നതുമൊക്കെ. തുടര്‍ന്ന് റിഹേഴ്‌സലെടുത്ത ശേഷമാണ് ടേക്കിലേക്ക് പോയത്. ആ ആ രംഗം നന്നായിട്ടുണ്ടെങ്കില്‍ അതിനുളള പ്രധാന കാരണം ടൊവിച്ചേട്ടന്‍ നല്‍കിയ വലിയ പിന്തുണയാണെന്നും ധനേഷ് പറഞ്ഞു.

ഇപ്പോഴും മുപ്പതുകാരനെപോലെയാണ് അദ്ദേഹം! മോഹന്‍ലാലിനെക്കുറിച്ച് ലിസി