അസുഖം ഭേദമായെന്ന് ധ്രുവ സര്‍ജ! ! ചിരുവിന്‍റെ അനുഗ്രഹവും അര്‍ജുന്‍റെ പിന്തുണയും കൂടെയുണ്ട്!

അസുഖം ഭേദമായി

വിഷാദ രോഗത്തെത്തുടര്‍ന്നാണ് ചിരുവിനെ ആശുപത്രിയില്‍ പ്രവേശിപ്പിച്ചതെന്നുള്ള വിവരങ്ങളായിരുന്നു ആദ്യം പുറത്തുവന്നത്. ചേട്ടന്റെ അപ്രതീക്ഷിത വിയോഗത്തില്‍ ആകെ തകര്‍ന്നതോടെയായിരുന്നു താരത്തിന് വിഷാദം ബാധിച്ചത്. വൈകാതെ തന്നെ അദ്ദേഹം തിരിച്ചെത്തുമെന്നായിരുന്നു അടുത്ത വൃത്തങ്ങള്‍ വ്യക്തമാക്കിയത്. ഇതിന് പിന്നാലെയായാണ് ധ്രുവയ്ക്കും ഭാര്യയ്ക്കും കൊവിഡ് ടെസ്റ്റ് നടത്തിയെന്നും റിസല്‍ട്ട് പോസിറ്റീവായെന്നുമുള്ള വിവരങ്ങള്‍ പുറത്തുവന്നത്. അസുഖം ഭേദമായെന്ന് വ്യക്തമാക്കി എത്തിയിരിക്കുകയാണ് ധ്രുവ ഇപ്പോള്‍.

ചിരുവിന്റെ അനുഗ്രഹം

ഇന്‍സ്റ്റഗ്രാം സ്റ്റാറ്റസിലൂടെയായിരുന്നു ധ്രുവ തന്റേയും ഭാര്യയുടേയും അവസ്ഥയെക്കുറിച്ച് പറഞ്ഞത്. തങ്ങള്‍ ഇരുവരും കൊവിഡ് 19 ടെസ്റ്റ് നടത്തിയിരുന്നുവെന്നും റിസല്‍റ്റ് നെഗറ്റീവായിരുന്നുവെന്നും ധ്രുവ പറഞ്ഞിരുന്നു. തങ്ങള്‍ക്കൊപ്പം നിന്നവരോടും പരിചരിച്ചവരോടും ഡോക്ടേഴ്‌സിനോടുമെല്ലാം നന്ദിയും രേഖപ്പെടുത്തിയായിരുന്നു ധ്രുവ എത്തിയത്. ചിരുവിന്റെ അനുഗ്രഹവും തങ്ങള്‍ക്കൊപ്പമുണ്ടായിരുന്നുവെന്നും താരം കുറിച്ചിട്ടുണ്ട്.

Recommended Video

മേഘ്‌നയുടെ ഭര്‍ത്താവ് അവസാനമായി കുറിച്ചത് | FilmiBeat Malayalam

അര്‍ജുന്റെ പിന്തുണ

അമ്മാവനായ അര്‍ജുന്‍ സര്‍ജയോടും ധ്രുവ സര്‍ജ നന്ദി പറഞ്ഞിരുന്നു. എല്ലാ സന്ദര്‍ഭങ്ങളിലും അദ്ദേഹം ഞങ്ങള്‍ക്കൊപ്പമുണ്ടായിരുന്നു. അമ്മാവനൊപ്പം സിനിമ കാണുന്നതിനിടയിലായിരുന്നു തനിക്ക് അഭിനേതാവാന്‍ താല്‍പര്യമുണ്ടെന്ന് ധ്രുവ പറഞ്ഞത്. ഹീറോയാവുന്നതിന് മുന്‍പ് നല്ല നടനാവണമെന്നും അതിന് നിനക്ക് ഞാന്‍ ക്ലാസെടുക്കാമെന്നും അര്‍ജുന്‍ പറഞ്ഞിരുന്നു. ഇതിന് ശേഷമായാണ് ധ്രുവ അഭിനയിച്ച് തുടങ്ങിയത്. ആ സമയത്ത് കാസ്റ്റിങ് കോളിന് വേണ്ടി പോയപ്പോള്‍ സംവിധായകന്‍ ധ്രുവയെ തിരഞ്ഞെടുക്കുകയും ചെയ്തിരുന്നു. അതിന് ശേഷമായാണ് അദ്ദേഹം താന്‍ അര്‍ജുന്റെ മരുമകനാണെന്ന് വ്യക്തമാക്കിയത്.

ഐശ്വര്യയ്ക്കും അസുഖം

ധ്രുവയ്ക്കും ഭാര്യയ്ക്കും കൊവിഡ് സ്ഥിരീകരിച്ചതിന് പിന്നാലെയായാണ് കസിനായ ഐശ്വര്യ അര്‍ജുനും ടെസ്റ്റ് നടത്തിയത്. തന്റെ റിസല്‍ട്ട് പോസിര്‌റീവാണെന്നും വേണ്ട തയ്യാറെടുപ്പുകളെടുത്ത് ഹോം ക്വാറന്റൈനില്‍ കഴിയുകയാണ് താനെന്നും വ്യക്തമാക്കിയായിരുന്നു താരപുത്രി എത്തിയത്. താനുമായി ബന്ധപ്പെട്ടവര്‍ സുരക്ഷിതരായിരിക്കണേയെന്നും ഐശ്വര്യ പറഞ്ഞിരുന്നു. എല്ലാവരും മാസ്‌ക് ധരിക്കണമെന്നും താരപുത്രി പറഞ്ഞിരുന്നു.

മേഘ്‌ന ആരോഗ്യവതിയാണ്

ധ്രുവ സര്‍ജയ്ക്ക് അസുഖം സ്ഥിരീകരിച്ചുവെന്നറിഞ്ഞതിന് ശേഷം എല്ലാവരും ഒരുപോലെ ചോദിച്ചത് മേഘ്‌നയെക്കുറിച്ചായിരുന്നു. മേഘ്‌ന രാജ് സുഖമായിരിക്കുന്നുവെന്നും ആരോഗ്യനില തൃപ്തികരമാണെന്നുമായിരുന്നു ധ്രുവ സര്‍ജ പറഞ്ഞത്. നാല് മാസം ഗര്‍ഭിണിയായ താരം കുഞ്ഞതിഥിക്കായുള്ള കാത്തിരിപ്പിലാണ്. കുഞ്ഞിലൂടെ പ്രിയതമന്‍ പുനര്‍ജനിക്കുമെന്നും അദ്ദേഹം തന്നെ വിട്ട് എങ്ങോട്ടും പോയിട്ടില്ലെന്നുമായിരുന്നു മേഘ്‌ന പറഞ്ഞത്.