മേഘ്‌നയുടേയും ചിരുവിന്‍റെയും കുഞ്ഞിന് ധ്രുവയുടെ സമ്മാനം, തൊട്ടിലൊരുക്കി കാത്തിരിക്കുകയാണ്

ധ്രുവയുടെ സമ്മാനം

ചിരുവിന്റെ സഹോദരനാണ് ധ്രുവ. ചേട്ടന് പിന്നാലെയായാണ് അനിയനും സിനിമയിലേക്കെത്തിയത്. ചേട്ടനും അനിയനും എന്നതിന് അപ്പുറത്ത് അടുത്ത സുഹൃത്തുക്കള്‍ കൂടിയാണ് തങ്ങളെന്ന് ധ്രുവ പറഞ്ഞിരുന്നു. ചിരുവിന്റെ അസാന്നിധ്യത്തില്‍ മേഘ്‌നയ്ക്ക് ശക്തമായ പിന്തുണ നല്‍കിയാണ് ചിരു കൂടെക്കൂട്ടിയത്. കുഞ്ഞതിഥിക്കായി തൊട്ടില്‍ വാങ്ങിയിരിക്കുകയാണ് ധ്രുവ സര്‍ജ. തൊട്ടില്‍ പിടിച്ച് നില്‍ക്കുന്ന ധ്രുവയുടെ ഫോട്ടോ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.

മേഘ്‌നയ്ക്കായി

10 ലക്ഷം രൂപയുടെ സില്‍വര്‍ തൊട്ടിലാണ് ധ്രുവ മേഘ്‌നയ്ക്കായി സമ്മാനിച്ചിട്ടുള്ളതെന്നുള്ള വിവരങ്ങളാണ് പുറത്തുവന്നിട്ടുള്ളത്. ബന്ധുവായ സുരാജ് സര്‍ജയ്‌ക്കൊപ്പമായാണ് ധ്രുവ തൊട്ടില്‍ മേടിക്കാനായെത്തിയത്. പിറന്നാള്‍ ദിനത്തില്‍ ചിരുവിന് ആശംസ അറിയിച്ചും ധ്രുവ എത്തിയിരുന്നു. ചിരുവിന്റെ അഭാവത്തില്‍ മേഘ്‌നയ്ക്ക് കുറവുകളൊന്നും വരരുതെന്ന കാര്യത്തില്‍ അങ്ങേയറ്റം ശ്രദ്ധാലുവാണ് ധ്രുവയും ഭാര്യയും.

Recommended Video

സീമന്ത ചടങ്ങില്‍ മേഘ്‌നയ്ക്കും കുഞ്ഞിനുമൊപ്പം ചിരുവും | FilmiBeat Malayalam

മേഘ്‌ന പറഞ്ഞത്

അടുത്തിടെയായിരുന്നു ധ്രുവ സര്‍ജ പിറന്നാളാഘോഷിച്ചത്. എന്നും ഞാന്‍ നിനക്കൊപ്പമുണ്ടാവുമെന്ന് ഉറപ്പ് തരുന്നു. എന്നും നീ സന്തോഷവാനായിരിക്കട്ടെ, നമ്മുടെ ചിരു എങ്ങനെയാണോ പുഞ്ചിരിക്കുന്നത് അത് പോലെ പുഞ്ചിരിക്കാന്‍ നിനക്ക് കഴിയട്ടെ. പിറന്നാളാഘോഷത്തിന്റെ ചിത്രങ്ങളും ധ്രുവ പോസ്റ്റ് ചെയ്തിരുന്നു. ധ്രുവയുടെ വിവാഹത്തില്‍ നിറഞ്ഞുനിന്നത് ചിരുവും മേഘ്‌നയുമായിരുന്നു. ഇരുവര്‍ക്കും ഭക്ഷണം വാരിക്കൊടുക്കുന്ന മേഘ്‌നയുടെ ചിത്രങ്ങളും വൈറലായി മാറിയിരുന്നു.