മേഘ്‌നയല്ല ചിരഞ്ജീവി സര്‍ജയ്‌ക്കൊപ്പമുള്ളത് ധ്രുവ് സര്‍ജയുടെ ഭാര്യ! അന്നത്തെ ഡാന്‍സ് വീഡിയോ വൈറല്‍!

ധ്രുവ് സര്‍ജയുടെ ഭാര്യയുടെ പോസ്റ്റ്

തമാശയ്ക്കായാണ് ഞങ്ങള്‍ അന്ന് ഇങ്ങനെ ചെയ്തത്. ഇത്തരത്തിലൊരു വീഡിയോ പോസറ്റ് ചെയ്യുമെന്ന് ഒരിക്കലും കരുതിയിരുന്നില്ല. ഇപ്പോള്‍ ചിരുവിനെക്കുറിച്ചുള്ള മനോഹരമായ ഓര്‍മ്മകളിലൊന്നായി അവശേഷിക്കുകയാണ് ഈ ഡാന്‍സ് വീഡിയോ എന്ന് പറഞ്ഞായിരുന്നു ധ്രുവ് സര്‍ജയുടെ ഭാര്യ വീഡിയോ പോസ്റ്റ് ചെയ്തത്. ഇതിനകം തന്നെ താരപത്‌നിയുടെ പോസ്റ്റ് വൈറലായി മാറിക്കഴിഞ്ഞിട്ടുണ്ട്. അതീവ സന്തോഷത്തോടെ നൃത്തം ചെയ്യുന്ന ഇരുവരേയുമാണ് വീഡിയോയില്‍ കാണുന്നത്. നിരവധി പേരാണ് കമന്റുകളുമായെത്തിയിട്ടുള്ളത്.

ആ സാന്നിധ്യം മിസ്സ് ചെയ്യുന്നു

ചിരു ഇനിയില്ലെന്ന് വിശ്വസിക്കാന്‍ തങ്ങള്‍ക്ക് കഴിഞ്ഞിട്ടില്ലെന്നും സഹോദര ഭാര്യ വ്യക്തമാക്കിയിരുന്നു. ഹേയ് ചിരു, നിങ്ങളെ ഇപ്പോഴും മിസ് ചെയ്യുന്നുണ്ടെന്നായിരുന്നു അവര്‍ പറഞ്ഞത്. ഞങ്ങള്‍ക്കും ചിരുവിനേയും ആ ചിരിയും മിസ്സ് ചെയ്യുന്നുണ്ടെന്നും ധ്രുവിന്റേയും മേഘ്‌നയുടേയും കാര്യങ്ങള്‍ കൃത്യമായ നോക്കണേയെന്നുമായിരുന്നു ആരാധകര്‍ പറഞ്ഞത്. ചിരുവിനൊപ്പമുള്ള ഫോട്ടോയുമായാണ് നേരത്തെ ധ്രുവിന്റെ ഭാര്യ എത്തിയത്.

വിവാഹത്തില്‍ നിറഞ്ഞുനിന്നവര്‍

ധ്രുവ് സര്‍ജയുടെ വിവാഹത്തില്‍ നിറഞ്ഞുനിന്നവരായിരുന്നു മേഘ്‌നയും ചിരഞ്ജീവി സര്‍ജയും. സഹോദരനോട് അതിഥികളെ സ്വീകരിക്കാനും ചടങ്ങുകളെക്കുറിച്ചുമൊക്കെ പറയുന്ന ചേട്ടനേയും സദ്യ കഴിക്കുന്നതിനിടയില്‍ ഭര്‍ത്താവിനും അനിയനും ചോറ് വാരി നല്‍കുന്ന മേഘ്‌നയേയുമൊക്കെയായിരുന്നു കണ്ടത്. തെന്നിന്ത്യന്‍ സിനിമാലോകം ഒരുപോലെ കൊണ്ടാടിയ താരവിവാഹം കൂടിയായിരുന്നു ഇവരുടേത്. ചിരുവിന്റെ വിയോഗത്തിന് പിന്നാലെയായാണ് വിവാഹ വീഡിയോ വൈറലായി മാറിയത്.

ആശുപത്രിയിലോ?

ധ്രുവ് സര്‍ജ ആശുപത്രിയിലാണെന്ന തരത്തിലുള്ള റിപ്പോര്‍ട്ടുകളും ശനിയാഴ്ച പുറത്തുവന്നത്. കന്നഡ മാധ്യമങ്ങളായിരുന്നു ഇതേക്കുറിച്ചുള്ള വിവരങ്ങള്‍ പുറത്തുവിട്ടത്. സഹോദരന്റെ വിയോഗത്തിന് പിന്നാലെയായി വിഷാദത്തിലായ ധ്രുവിനെ ആശുപത്രിയില്‍ പ്രവേശിപ്പിച്ചിരിക്കുകയാണെന്നുള്ള റിപ്പോര്‍ട്ടുകളാണ് പുറത്തുവന്നത്. ഇതേക്കുറിച്ചുള്ള ബന്ധപ്പെട്ടവരുടെ പ്രതികരണത്തിനായി കാത്തിരിക്കുകയാണ് ആരാധകര്‍.