നായികയായി നയന്‍താര എത്തുമെന്ന് പറഞ്ഞപ്പോള്‍ അജുവും നിവിനും വിശ്വസിച്ചില്ലെന്ന് ധ്യാന്‍.. പിന്നെയോ?

നായികയായി നയന്‍താര

തെന്നിന്ത്യന്‍ താരറാണി നയന്‍താരയാണ് ചിത്രത്തില്‍ നായികയായി എത്തുന്നത്. സ്വന്തമായി സിനിമ ഒരുക്കുന്നുവെന്ന് കേട്ടപ്പോള്‍ വിനീതാണ് നായികയായി നയന്‍താരയെ പരിഗണിക്കാന്‍ നിര്‍ദേശിച്ചത്.

നയന്‍താരയ്ക്ക് മെസ്സേജ് അയച്ചു

വിനീതിന്റെ അടുത്ത സുഹൃത്താണ് നയന്‍താരയെന്നും ഇക്കാര്യത്തെക്കുറിച്ച് ആദ്യം സൂചിപ്പിക്കാം, പിന്നീട് പോയിക്കാണണമെന്ന് പറഞ്ഞിരുന്നുവെന്നും ധ്യാന്‍ പറയുന്നു. വിവിധ മാധ്യമങ്ങള്‍ക്ക് നല്‍കിയ അഭിമുഖത്തിനിടയിലാണ് ധ്യാന്‍ കാര്യങ്ങള്‍ പങ്കുവെച്ചത്.

താരം പറഞ്ഞത്

വിനീതിന്റെ നിര്‍ദേശപ്രകാരമാണ് ധ്യാന്‍ നയന്‍താരയെ കാണാന്‍ പോയത്. പറഞ്ഞതിലും വളരെ വൈകിയാണ് താരത്തെ കാണാന്‍ പോയത്. എന്നാല്‍ വളരെ പോസിറ്റീവായ സമീപനമായിരുന്നു അവര്‍ സ്വീകരിച്ചത്.

അഭിനയിക്കാമെന്ന് സമ്മതിച്ചു

കഥ പറഞ്ഞതിന് ശേഷം ഈ ചിത്രത്തില്‍ അഭിനയിക്കാമെന്ന് അവര്‍ സമ്മതിച്ചു. ഇക്കാര്യം താന്‍ നിവിനോടും അജുവിനോടും പറഞ്ഞപ്പോള്‍ അവരാരും ഇത് വിശ്വസിച്ചിരുന്നില്ലെന്നും താരപുത്രന്‍ വ്യക്തമാക്കി.

ചിത്രം തുടങ്ങുന്നത്

നിവിന്‍ പോളിയുടെയും നയന്‍താരയുടെയും ഡേറ്റ് ലഭിക്കുന്നതിനനുസരിച്ച് ചിത്രം തുടങ്ങാനാണ് തീരുമാനിച്ചിട്ടുള്ളത്. അഭിനേതാവില്‍ നിന്നും തിരക്കഥയിലേക്ക്ും ചുവടുവെച്ച ധ്യാന്‍ സംവിധാനം ചെയ്യുന്ന ആദ്യ ചിത്രത്തിനായി കാത്തിരിക്കുകയാണ് ആരാധകര്‍.