അന്യമതസ്ഥയെ മകന്‍ വിവാഹം കഴിക്കുന്നതില്‍ തങ്ങള്‍ക്ക് യാതൊരുവിധ എതിര്‍പ്പുമില്ലെന്ന് ശ്രീനിവാസന്‍

നിശ്ചയം തിരുവന്തപുരത്ത്

ഏപ്രില്‍ രണ്ടിന് തിരുവന്തപുരത്താണ് വിവാഹ നിശ്ചയം നടത്തുന്നത്. ഏപ്രില്‍ ഏഴിന് കണ്ണൂരില്‍ വെച്ചാണ് വിവാഹം. സിനിമാ സുഹൃത്തുക്കള്‍ക്കായി ഏപ്രില്‍ 10 ന് എറണാകുളത്ത് വിരുന്നും ഒരുക്കിയിട്ടുണ്ട്.

അന്യമതത്തില്‍ നിന്നും വിവാഹം

ദീര്‍ഘനാളത്തെ പ്രണയത്തിന് ശേഷമാണ് ധ്യാനും അര്‍പ്പിതയും വിവാഹിതരാകുന്നത്. ധ്യാന്‍ മറ്റൊരു മതത്തില്‍ നിന്നും വിവാഹം കഴിക്കുന്നതില്‍ തനിക്കും ഭാര്യയ്ക്കും യാതൊരുവിധ എതിര്‍പ്പും ഇല്ലെന്ന് ശ്രീനിവാസന്‍ പറഞ്ഞു.

അവരുടെ ആഗ്രഹത്തിന് പ്രാമുഖ്യം

ഇത് അവരുടെ ആഗ്രഹമാണ്. അതില്‍ നമ്മള്‍ ഇടപെടാന്‍ പാടില്ലെന്നാണ് മകന്റെ അച്ഛന്‍ പറയുന്നത്. ധ്യാനിന്‍റെ ജീവിതത്തെക്കുറിച്ച് അവന്‍ തന്നെ തീരുമാനമെടുക്കട്ടെ.

ഗോസിപ്പ് കോളങ്ങള്‍ക്ക് വിട

അടി കപ്യാരേ കൂട്ടമണിയില്‍ ധ്യാനിനൊപ്പം അഭിനയിച്ച നമിത പ്രമോദുമായി ബന്ധപ്പെട്ട് ചില വാര്‍ത്തകള്‍ ഗോസിപ്പ് കോളങ്ങളില്‍ നിറഞ്ഞു നിന്നിരുന്നു. എന്നാല്‍ ഇനി അത്തരം വാര്‍ത്തകള്‍ക്കോ ഗോസിപ്പിനോ യാതൊരു പ്രസക്തിയുമില്ല.