വന്‍ പ്രതിഫലം ആവശ്യപ്പെട്ടത് കൊണ്ടോ അനുപമയെ സൂപ്പര്‍സ്റ്റാറിന്റെ ചിത്രത്തില്‍ നിന്ന് ഒഴിവാക്കിയത്?

പ്രതിഫലം കൂട്ടിയോ?

അനുപമ വന്‍ പ്രതിഫലം ആവശ്യപ്പെട്ടത് കൊണ്ടാണ് രാം ചരണിന്റെ ചിത്രത്തില്‍ നിന്നും നടിയെ കാരണം വ്യക്തമാകാതെ പുറത്താക്കിയത് എന്ന തരത്തില്‍ സോഷ്യല്‍ മീഡിയയില്‍ ഒരു വാര്‍ത്ത പ്രചരിയ്ക്കുന്നുണ്ട്.

അത് തെറ്റാണ്!

എന്നാല്‍ ഈ പ്രചരിയ്ക്കുന്ന വാര്‍ത്തകള്‍ തെറ്റാണ് എന്ന് ചിത്രത്തിന്റെ നിര്‍മാതാക്കള്‍ വ്യക്തമാക്കി. അനുപമ അമിതമായ പ്രതിഫലം ആവശ്യപ്പെട്ടു എന്ന വാര്‍ത്ത അടിസ്ഥാന രഹിതമാണെന്ന് നിര്‍മാതാക്കളായ മൈത്രി മൂവി മേക്കേഴ്‌സ് പ്രസ്താവനയിറക്കി.

കഴിവുള്ള നടിയാണ് അനു

പ്രതിഫലത്തിന്റെ കാര്യത്തില്‍ അനുപമ ഒരു ആവശ്യവും മുന്നോട്ട് വച്ചിട്ടില്ല. വളരെ കഴിവുള്ള നടിയാണ് അനുപമയെന്നും തങ്ങളുടെ ഭാവി പ്രൊജക്ടുകളില്‍ അനുവിനെ പരിഗണിയ്ക്കുമെന്നും മൈത്രി മൂവീസ് വ്യക്തമാക്കി.

ഗ്ലാമര്‍ നായിക വേണം

ചിത്രത്തില്‍ അല്പം കൂടെ ഗ്ലാമറസായി, താരമൂല്യമുള്ള നടിയെയാണ് ആവശ്യം എന്നാണ് മറ്റൊരു കൂട്ടര്‍ പറയുന്നത്. ഈ വര്‍ത്തയോട് അണിയറപ്രവര്‍ത്തകര്‍ പ്രതികരിച്ചിട്ടില്ല. കാരണം വ്യക്തമാക്കാതെയാണ് അണിയറപ്രവര്‍ത്തകര്‍ ചിത്രത്തില്‍ നിന്നും ഒഴിവാക്കുന്നതായി നടിയെ വിളിച്ച് പറഞ്ഞത്.

പകരം സമാന്ത

അനുപമയ്ക്ക് പകരം ചിത്രത്തില്‍ രാം ചരണിന്റെ നായികയായി സമാന്ത എത്തും എന്നാണ് പുതിയ വാര്‍ത്തകള്‍. എന്നാല്‍ ഇക്കാര്യത്തില്‍ അന്തിമ തീരുമാനമായിട്ടില്ല.