വിവാഹ വിവാദം; ഇറങ്ങാനുള്ള ദിലീപിന്റെ സിനിമകളെ ബാധിയ്ക്കുമോ എന്ന് നിര്‍മാതാക്കള്‍ക്ക് പേടി

ഭൂരിപക്ഷവും പിന്തുണയ്ക്കുന്നത്

കാവ്യാ മാധവന്‍ - ദിലീപ് വിവാഹത്തില്‍ ഭൂരിപക്ഷവും പിന്തുണയ്ക്കുന്നത് മഞ്ജു വാര്യരെയും നിഷാല്‍ ചന്ദ്രയെയുമാണ്. ഈ പശ്ചാത്തലത്തില്‍ ദിലീപ് ചിത്രങ്ങള്‍ വിജയിക്കുമോ എന്നാണത്രെ നിര്‍മാതാക്കളുടെ ആശങ്ക.

വിവാഹം ഇല്ലായിരുന്നെങ്കിലും

അതേ സമയം, ദിലീപ് - കാവ്യ വിവാഹം നടന്നില്ലായിരുന്നുവെങ്കിലും സോഷ്യല്‍ മീഡിയ ദിലീപ് ചിത്രം ഇറങ്ങുമ്പോള്‍ വ്യാജ പ്രചരണം നടത്തുമായിരുന്നു എന്നാണ് ദിലീപ് ഫാന്‍സ് പറയുന്നത്. സമീപകാലത്ത് ദിലീപ് ചിത്രങ്ങള്‍ റിലീസിന് തയ്യാറെടുക്കുമ്പോഴൊക്കെ കാവ്യ - ദിലീപ് വിവാഹം ഗോസിപ്പു കോളങ്ങളില്‍ നിറഞ്ഞിരുന്നു.

വ്യക്തി ജീവിതം വേ, സിനിമ റെ

എന്നാല്‍ വ്യക്തി ജീവിതവും സിനിമയും കൂട്ടി കുഴയ്‌ക്കേണ്ടതില്ല എന്നാണ് സിനിമാ നിരൂപകര്‍ പറയുന്നത്. ഈ വിവാഹമോ വിവാദമോ ഒന്നും വരാനിരിയ്ക്കുന്ന ചിത്രങ്ങളെ ബാധിയ്ക്കില്ല. ആയിരുന്നുവെങ്കില്‍, മഞ്ജു - ദിലീപ് വിവാഹ ശേഷം റിലീസ് ചെയ്ത റിങ് മാസ്റ്റര്‍ വലിയ വിജയം നേടില്ലായിരുന്നു. റിങ് മാസ്റ്റര്‍ പരാജയപ്പെടും എന്ന് അന്ന് പലരും പ്രവചിച്ചിരുന്നുവെങ്കിലും, ചിത്രത്തിലൂടെ ദിലീപ് ഗംഭീര തിരിച്ചുവരവ് നടത്തുന്നതാണ് കണ്ടത്.

വരാനിരിയ്ക്കുന്ന ചിത്രം

കെ ബിജു സംവിധാനം ചെയ്യുന്ന ജോര്‍ജ്ജേട്ടന്‍സ് പൂരമാണ് ദിലീപിന്റേതായി ഉടന്‍ റിലീസ് ചെയ്യുന്ന ചിത്രം. ക്രിസ്മസിന് ചിത്രം റിലീസ് ചെയ്യും. അത് കഴിഞ്ഞ് പ്രൊഫ. ഡിങ്കന്‍, കമ്മാര സംഭവം, പിക്ക് പോക്കറ്റ് എന്നീ ചിത്രങ്ങള്‍ ദിലീപ് കരാറൊപ്പിട്ടിട്ടുണ്ട്.