കുപ്രചാരണങ്ങളെ അസ്ഥാനത്താക്കി കമ്മാരനെ ഏറ്റെടുത്തവരോട് നന്ദി പറഞ്ഞ് ദിലീപ്, കാണൂ!

കമ്മാരസംഭവത്തെ പ്രേക്ഷകര്‍ ഏറ്റെടുത്തു

ഒന്നിനൊന്ന് വ്യത്യസ്തമായ സിനിമകളുമായാണ് ഓരോ തവണയും ദിലീപ് എത്താറുള്ളത്. കരിയറിലെ തന്നെ മികച്ച സിനിമകളിലൊന്നായ രാമലീല പുറത്തിറങ്ങിയതിന് ശേഷം ആരാധകര്‍ക്ക് അറിയേണ്ടിയിരുന്നത് അടുത്ത ചിത്രത്തെക്കുറിച്ചായിരുന്നു. നിരവധി സിനിമകള്‍ പ്രഖ്യാപിച്ചിരുന്നുവെങ്കിലും കമ്മാരസംഭവമാണ് യാഥാര്‍ത്ഥ്യമായത്.

സോഷ്യല്‍ മീഡിയ ഏറ്റെുത്തു

പ്രഖ്യാപനം മുതല്‍ക്ക് തന്നെ പല സിനിമകളും വാര്‍ത്തകളിലിടം പിടിക്കാറുണ്ട്. അത്തരത്തില്‍ സിനിമാലോകം പ്രതീക്ഷയോടെ കാത്തിരുന്ന ചിത്രമായിരുന്നു ഇത്. വ്യത്യസ്ത തരത്തിലുള്ള പ്രമോഷനാണ് ഈ ചിത്രത്തിനായി ഉപയോഗിച്ചത്. നാളുകള്‍ക്ക് ശേഷം ദിലീപിന്റെ ഫേസ്ബുക്ക് പേജ് സജീവമായതും ഈ ചിത്രത്തിലൂടെയാണ്.

ടീസറിനും ട്രെയിലറിനും ലഭിച്ച സ്വീകാര്യത

കമ്മാരസംഭവം ടീസറിനും ട്രെയിലറിനുമൊക്കെ മികച്ച സ്വീകാര്യതയാണ് ലഭിച്ചത്. ക്ഷണനേരം കൊണ്ടാണ് സോഷ്യല്‍ മീഡിയ കമ്മാരനെ ഏറ്റെടുത്തത്. യൂട്യബ് ട്രെന്‍ഡിങ്ങിലും ചിത്രം ഇടം പിടിച്ചിരുന്നു. റിലീസിന് മുന്‍പ് തന്നെ ചിത്രത്തിലെ ഗാനവും പുറത്തുവിട്ടിരുന്നു.

വിമര്‍ശകരുടെ വായടപ്പിച്ചു

വിമര്‍ശകരെപ്പോലും ക്യൂവില്‍ നിര്‍ത്തിയായിരുന്നു ദിലീപ് ഹീറോയിസം കാണിച്ചത്. രാമലീലയിലെ അതേ ഹീറോയിസമാണ് ഇപ്പോഴും ആവര്‍ത്തിച്ചത്. ചിത്രത്തിനെതിരെ വരാനിടയുള്ള കുപ്രചാരണത്തെക്കുറിച്ചും അണിയറപ്രവര്‍ത്തകര്‍ നേരത്തെ തന്നെ വ്യക്തമാക്കിയിരുന്നു.

സ്വീകരിച്ചവര്‍ക്ക് നന്ദി

വ്യക്തി ജീവിതത്തിലെ പ്രതിസന്ധിയില്‍ ആരാധകര്‍ ശക്തമായ പിന്തുണയാണ് ദിലീപിന് നല്‍കിയത്. മുന്‍ചിത്രത്തിന് പിന്നാലെ പുതിയ സിനിമയേയും ഏറ്റെടുത്ത പ്രേക്ഷകര്‍ക്ക് നന്ദി പറഞ്ഞ് ദിലീപ് രംഗത്തെത്തിയിട്ടുണ്ട്. ഫേസ്ബുക്കിലൂടെയാണ് ദിലീപ് നന്ദി അറിയിച്ചത്.