ദിലീപിനോട് രാജി മോഹൻലാൽ ചോദിച്ച്ുവാങ്ങിയത്!! വെളിപ്പെടുത്തലുമായി ജഗദീഷ്

മോഹൻലാൽ രാജി ആവശ്യപ്പെട്ടു

അമ്മയിൽ നിന്നുള്ള ദിലീപിന്റെ രാജി സമൂഹത്തിൽ ഏറെ ചർച്ച ചെയ്ത വിഷയമായിരുന്നു. അമ്മ പ്രസിഡന്റ് മോഹൻലാലാണ് ദിലീപിന്റെ രാജി വിവരം പുറത്തു വിട്ടത്. താൻ ദിലീപിനോട് രാജി ചോദിച്ചതിനെ തുടർന്നാണ് നടൻ രാജി നൽകിയതെന്നും മോഹൻലാൽ മാധ്യമങ്ങളോട് പറഞ്ഞിരുന്നു. ഡബ്ല്യൂസിസി അംഗങ്ങൾ മാധ്യമങ്ങളെ കണ്ടതിനു ശേഷമാണ് ദിലീപിന്റെ രാജി പുറത്തു വരുന്നത്. പിന്നീട് അമ്മ ചേർന്ന് എക്സിക്യൂട്ടീവ് യോഗത്തിനു ശേഷം ദിലീപിന്റെ രാജിയെ കുറിച്ച് അദ്ദേഹം പ്രതികരിക്കുകയും ചെയ്തു.

സ്വന്തം ഇഷ്ടപ്രകാരമുള്ള രാജി

എന്നാൽ മോഹൻലാലിന്റെ വാദത്തെ ഖണ്ഡിക്കും വിധത്തിലുള്ള മറുപടിയുമായി ദിലീപ് രംഗത്തെത്തിയിരുന്നു. തന്നോട് ആരും രാജി ആവശ്യപ്പെട്ടിട്ടില്ല. താൻ രാജികത്ത് സമർപ്പിക്കുകയായിരുന്നു എന്ന് ദിലീപ് പറഞ്ഞു. തന്റെ പേരിൽ സംഘടനയിൽ ഒരു ഭിന്നിപ്പ് വരാതിരിക്കാൻ വേണ്ടിയാണ് രാജി നൽകിയതെന്നും ദിലീപ് പറഞ്ഞു. കൂടാതെ രാജി കത്തിന്റെ കോപ്പിയും അദ്ദേഹം തന്റെ ഫേസ്ബുക്ക് പേജിൽ പങ്കുവെച്ചിരുന്നു.

ദീലീപിനെ പുറത്താക്കി

എന്നാൽ ദിലീപിന്റെ വാദത്തെ എതിർക്കും വിധത്തിലാണ് ജഗദീഷ്. കൊച്ചി ടൈസിനു നൽകിയ അഭിമുഖത്തിലാണ് ഇക്കാര്യം അദ്ദേഹം പറഞ്ഞത്. മോഹൻലാൽ കുറ്റാരോപിതനായ നടനിൽ നിന്ന് രാജി ആവശ്യപ്പെടുകയായിരുന്നു. ഇതിനെ തുടർന്ന് നടൻ രാജികത്ത് നൽകുകയായിരുന്നു. ഇതാണ് ഈ വിഷയത്തിൽ സംഘടനയ്ക്ക് പറയാനുള്ളതെന്നും ജഗദീഷ് അഭിമുഖത്തിൽ പറഞ്ഞു. ഈ വിഷയം ഇതോടെ അവസാനിക്കുകയാണെന്നും അദ്ദേഹം പറഞ്ഞു.

ദിലീപിന്റെ രാജിയിൽ വിവാദം

ദിലീപിന്റെ രാജി വിഷയം ആശങ്ക സൃഷ്ടിച്ചിരുന്നു. ഒരു വിഷയത്തിൽ രണ്ട് അഭിപ്രായങ്ങളായിരുന്നു ഉയർന്നു വന്നത്. രാജി മോഹൻലാൽ ആവശ്യപ്പെട്ടു എന്നു പറയുമ്പോൾ, തന്റെ സ്വന്ത ഇഷ്ടപ്രകാരം രാജി കത്ത് നൽകുകയായിരുന്നു എന്നാണ് ദിലീപ് പറഞ്ഞത്. ഇത് ആശങ്കയ്ക്ക് ഇടയാക്കിയിരുന്നു. ദീലീപ് അമ്മയ്ക്ക് നൽകിയ രാജി കത്ത് ഫേസ്ബുക്ക് പോസ്റ്റ് ചെയ്തു കൊണ്ടാണ് രാജിയെ കുറിച്ച് പറഞ്ഞത്. മോഹൻലാലുമായി വിശദമായ ചർച്ചയ്ക്കെടുവിലാണ് താൻ രാജി കത്ത് നൽകിയത്. തന്നോട് ആരും രാജി ആവശ്യപ്പെട്ടിട്ടില്ലെന്നും ദിലീപ് പറഞ്ഞിരുന്നു. എന്നാൽ ഇപ്പോൾ ജഗദീഷിന്റെ വെളിപ്പെടുത്തൽ ഇതിനു വിപരീതമാണ്. ഇത് വീണ്ടും ആശങ്ക സൃഷ്ടിച്ചിട്ടുണ്ട്.

ഡബ്ല്യൂസിസിയുടെ ഇടപെടൽ

നടന്‍ ദിലീപിനെ അമ്മ സംഘടനയില്‍ നിന്ന് പുറത്താക്കണമെന്ന് ആവശ്യപ്പെട്ട് വനിത സംഘടനയായ ഡബ്ല്യൂസിസി അംഗങ്ങള്‍ രംഗത്തെത്തിയിരുന്നു. ദിലീപിനെ സംഘടനയുല്‍ നിന്ന് പുറത്താക്കണമെന്ന് നടിമാര്‍ ഒന്നടങ്കമുള്ല ആവശ്യം. എന്നാല്‍ ഇത് ആദ്യം ഉള്‍ക്കൊള്ളാന്‍ താരസംഘടന തയ്യാറായിരുന്നില്ല. ദീപിനെ പുറത്താക്കില്ലെന്ന് അമ്മ അംഗങ്ങള്‍ ഓരേ ശബ്ദത്തില്‍ പറഞ്ഞു. എന്നാല്‍ ഡബ്ല്യൂസിസി നിലപാട് കടിപ്പിച്ചതോടെ കാര്യങ്ങള്‍ മാറിമറിയുകയായിരുന്നു.