താരസംഘടനയിൽ നിന്ന് രാജിവെച്ച ശേഷമുള്ള അവസ്ഥ ഇങ്ങനെ!! വെളിപ്പെടുത്തലുമായി പ്രമുഖനടി

നടിമാർ പുറത്ത്

കുറ്റാരോപതിനായ നടനെ സംഘടനയിൽ തിരിച്ചെടുക്കുന്നു എന്ന തീരുമാനം മോഹൻലാലിന്റെ നേതൃത്വത്തിലുളള ഭരണസമിതി അറിയിച്ചതോടെ വനിത സംഘടനയിലുളള നാല് നാടിമാർ എഎംഎംഎയിൽ നിന്ന് രാജവെച്ച് പുറത്തു പോയിരുന്നു. രമ്യ നമ്പീശൻ, ഗീതു മോഹൻദാസ്, ഭാവന, റിമ കല്ലിങ്കൽ എന്നിവരാണ് രാജിവെച്ച് പുറത്തു പോയത്. ഇതിനെ തുടർന്ന് മലയാള സിനിമ മേഖലയിൽ മാത്രമല്ല തെന്നിന്ത്യൻ സിനിമ മേഖലയിൽ നിന്നുള്ളവർ തന്നെ എഎംഎംഎയ്ക്കെതിരെ രംഗത്തെത്തിയിരുന്നു

വീണ്ടും ചർച്ച നടത്തും

സംഘടനയിൽ നിന്ന് നടിമാർ പുറത്തുപോയതിനു ശേഷം ഇവർക്ക് പിന്തുണയുമായി മലയാള സിനിമ പ്രവർത്തകർ രംഗത്തെത്തിയിരുന്നു. നടനെ തിരിച്ചെടുക്കുന്ന വിഷയവുമായി ബന്ധപ്പെട്ട് വീണ്ടും ഒരു ചർച്ചയ്ക്ക് തയ്യാറാകണമെന്ന് നടി രേവതിയും, പത്മപ്രിയയും, പാർവതിയും സംഘടനയ്ക്ക് കത്ത് നൽകിയിരുന്നു. നടിമാരുമാരുമായി കൂടിക്കാഴ്ച നടത്തുമെന്ന് അധ്യക്ഷൻ മോഹൻലാൽ പറഞ്ഞിരുന്നു.

രാജിവെച്ചതിനു ശേഷമുളള അവസ്ഥ

എഎംഎംഎയിൽ നിന്ന് രാജിവെച്ചതിനു ശേഷമുള്ള അവസ്ഥ വ്യക്തമാക്കി നടി രമ്യ നമ്പീശൻ. കൊച്ചിയിൽ സംഘടിപ്പിച്ച ഓൾ ഇന്ത്യൻ ലോയേഴ്സ് യൂണിയൻ സംഘടിപ്പിച്ച പരിപാടിയിൽ സംസാരിക്കുകയായിരുന്നു രമ്യ. താരസംഘടനയിൽ നിന്ന് പുറത്തു വന്നതിനു ശേഷം അവസരങ്ങൾ ഇല്ലാതാവുകയാണ്. കൂടാതെ അടിച്ചമർത്താനുളള ശ്രമങ്ങൾ നടക്കുന്നതായും രമ്യ പറ‍ഞ്ഞു. സംഘടനയിൽ നിന്ന് രാജിവെച്ച നടിമാർ നേരിടുന്ന പ്രശ്നങ്ങൾ പരിഹരിക്കണമെന്നും രമ്യ ആവശ്യപ്പെട്ടിട്ടുണ്ട്.

രാജിവച്ചത്

അമ്മയിൽ നിന്ന് നിരുത്തരവാദ സമീപനം ഉണ്ടായപ്പോഴാണ് രജിവെച്ചതെന്ന് രമ്യ പറഞ്ഞു. തങ്ങൾ എന്തു പറഞ്ഞാലും ആണുങ്ങൾക്ക് എതിരെയാണ് എന്ന് കരുതരുതെന്നും താരം പറഞ്ഞു. ഞങ്ങൾക്ക് ചില പ്രശ്നങ്ങളുണ്ട്. അത് ചേർന്ന് പറയുകയാണ്. സംഘടനയിൽ നിന്ന് പുറത്തു വന്നതോട് അവൾ പ്രശ്നക്കാരിയാണ്, അവളെ സിനിമയിൽ എടുക്കരുത് എന്ന രീതിയിലുളള നീക്കങ്ങൾ നടക്കുന്നതായും രമ്യ പറഞ്ഞു.

ഞങ്ങളുടെ ആവശ്യം നടപ്പിലാക്കും

ജോലി ഇല്ലാതാക്കാനു തങ്ങളെ അടിച്ചമർത്താനും ശ്രമിക്കുന്ന അവസരത്തിലും ഞങ്ങൾ ആവശ്യപ്പെടുന്നത് ഇതു മാത്രമാണ്. ഞങ്ങൾക്ക് ഒരു പ്രശ്നമുണ്ട്. അത് പരിഹരിച്ചെടുക്കണം രമ്യ പറഞ്ഞു. അത് സമയം സിനിമയിലെ വനിത കൂട്ടായ്മയായ ഡബ്യൂസിസി ഒരിക്കലും പുരുഷന്മാർക്കെതിരെയുള്ള ഒരു സംഘടനയല്ലെന്നും രമ്യ വ്യക്തമാക്കി.