നിങ്ങളെ അറിയിക്കാതെ ഒന്നും നടത്തില്ല; അച്ഛന്‍ പറഞ്ഞതു പോലെ വിവാഹം നടത്തി കാവ്യ

മാധ്യമങ്ങളില്‍ നിന്ന് ഒളിച്ചോടിയിരുന്നില്ല

വിവാദങ്ങളെ ഭയന്ന് മാധ്യമങ്ങളില്‍ നിന്ന് ഒളിച്ചോടുന്ന പതിവ് ശീലം ഇവര്‍ക്ക് അന്യമാണ്. ആരോപണങ്ങളൊന്നും തങ്ങള്‍ക്ക് ബാധകമല്ലെന്ന മട്ടില്‍ ഇരുവരും ജീവിച്ചു. എന്നാല്‍ വിവാഹത്തോടു കൂടി ആരോപണങ്ങള്‍ക്ക് ശക്തമായ മറുപടി രണ്ടുപേരും നല്‍കി. ഏറെ രഹസ്യമായിരുന്നു വിവാഹ തീരുമാനം.

സമചിത്തത കൈവിടാതെ അച്ഛന്‍

വിവാഹ വാര്‍ത്ത സ്ഥിരീകരിക്കുന്നതിനായി മാധ്യമങ്ങള്‍ ആശ്രയിച്ചിരുന്നത് അച്ഛനെയാണ്. എല്ലാ മാസവും വിവാഹക്കാര്യവുമായി ബന്ധപ്പെട്ട വാര്‍ത്ത അറിയാനായി പലരും അച്ഛനെ വിളിക്കാറുണ്ട്. വിവാഹം നടത്താതെ ഇത്തരം വാര്‍ത്തകള്‍ കേള്‍ക്കുമ്പോള്‍ ഏതൊരു പിതാവിനെയും പോലെ അച്ഛനും വിഷമം വരാറുണ്ടായിരുന്നു. എല്ലാവരോടും സമചിത്തതയോടെയാണ് അച്ഛന്‍ പെരുമാറിയിട്ടുള്ളത്.

മാധ്യമങ്ങളെ അറിയിക്കും

നിങ്ങളെ അറിയിക്കാതെ ഒന്നും നടത്താന്‍ പോകുന്നില്ല. മകളുടെ വിവാഹം ആരെയും ഒളിച്ചുവെച്ച് നടത്തില്ല. പറഞ്ഞതു പോലെ മകളുടെ വിവാഹം എല്ലാവരെയും അറിയിച്ച് മനോഹരമായി നടത്തി.

ശാലീന വേഷത്തില്‍

പച്ചക്കരയുള്ള മുണ്ടും സെറ്റുമണിഞ്ഞ് മുല്ലപ്പൂ ചൂടി ശാലീന സുന്ദരിയായാണ് കാവ്യ അണിഞ്ഞൊരുങ്ങിയത്. തികച്ചും ലളിതമായ വേഷത്തിലാണ് ദിലീപും എത്തിയത്. ഓണ്‍സ്‌ക്രീനില്‍ നല്ലപാതികളായി മികച്ച അഭിനയ പ്രകടനം കാഴ്ചവെച്ച ഇരുവരും ഓഫ് സ്‌ക്രീനില്‍ മികച്ച കുടുബജീവിതം നയിക്കട്ടെ..