സിനിമാസംഘടനകള്‍ തമ്മിലുള്ള തര്‍ക്കം; തീയേറ്റർ തുറക്കാനുള്ള തീരുമാനം ഏകപക്ഷീയം, തെറ്റായിപ്പോയെന്ന് ദിലീപ്

വിതരണക്കാർക്കും നിർമ്മാതാക്കൾക്കും കൃത്യമായി മറുപടി നൽകാൻ ഫിയോക്കിന് കഴിയുന്നില്ലെന്ന് വിതരണക്കാരുടെ സംഘടന പറഞ്ഞു. അതുകൊണ്ടു തന്നെ സിനിമകൾ കൊടുക്കില്ലെന്ന് നിർമ്മാതാക്കളും വിതരണക്കാരും ആവർത്തിച്ചു. തിയേറ്റർ തുറക്കുമെന്ന് സംയുക്ത തീയേറ്റർ ഉടമകളുടെ സംഘടന അറിയിച്ചു. തിയേറ്റർ തുറക്കാനുള്ള തീരുമാനം ഏകപക്ഷീയമായിപ്പോയെന്ന് ചർച്ചയിൽ ദിലീപ് പറഞ്ഞു. അനുരഞ്ജന ചർച്ചയ്‌ക്കാണ്‌ ദിലീപിന്റെ ശ്രമം.

പ്രശ്നങ്ങൾ രമ്യമായി പരിഹരിക്കണമെന്ന് ആവശ്യപ്പെട്ട് തിയേറ്ററുടമകൾ നിർമ്മാതാക്കൾക്കും വിതരണക്കാർക്കും കത്തുനൽകിയിരുന്നു. ചർച്ചയ്ക്ക് മുൻപായിരുന്നു തിയേറ്ററുടമകൾ കത്തുനൽകിയത്. പ്രശ്നങ്ങൾ അനാവശ്യമെന്നും നേരിട്ട് ചർച്ച ചെയ്യാൻ തയ്യാറാണെന്നും തിയേറ്ററുടമകൾ കത്തിൽ പറയുന്നു. എന്നാൽ വിഷയത്തിൽ നിർമാതാക്കളും വിതരണക്കാരും എതിർപ്പ് പ്രകടിപ്പിച്ചു .

സർക്കാർ മുന്നോട്ടുവെച്ച ആവശ്യങ്ങൾ അംഗീകരിക്കാതെ തീയേറ്റർ തുറക്കാൻ തിയേറ്ററുടമകൾ എടുത്ത തീരുമാനത്തിലാണ് നിർമ്മാതാക്കളുടെയും വിതരണക്കാരുടെയും എതിർപ്പ്. അതോടൊപ്പം തന്നെ നിർമ്മാതാക്കൾക്കും വിതരണക്കാർക്കും തിയേറ്ററുടമകളിൽ നിന്ന് ലഭിക്കാനുള്ള തുകയുടെ കണക്കും ചേമ്പറിന് മുന്നിൽ സമർപ്പിച്ചിട്ടുണ്ട്. ഈ തുക നൽകാതെ സിനിമകൾ നൽകില്ല എന്ന നിലപാടിലാണ് വിതരണക്കാർ അറിയിച്ചിരിക്കുന്നത്.

Recommended Video

ദൃശ്യം 2വിന്റെ OTTറിലീസില്‍ നിന്നും പിന്‍മാറില്ലെന്ന് ആന്റണി പെരുമ്ബാവൂര്‍

വിജയ് ചിത്രം മാസ്റ്ററിന്റെ പകർപ്പ് വിതരണക്കാർ നൽകാത്തപക്ഷം തമിഴ്നാട്ടിൽ നിന്ന് നേരിട്ട് ചിത്രം എടുക്കാനുള്ള നടപടികൾ തിയേറ്ററുടമകൾ സ്വീകരിക്കുമെന്ന് സൂചനയുമുണ്ട്. അങ്ങനെ ഒരു നടപടിയുണ്ടായത് മലയാളസിനിമകൾ ഇനി തിയേറ്ററുടമകൾക്ക് നൽകില്ലെന്നാണ് വിതരണക്കാർ അറിയിച്ചിരിക്കുന്നത്. ചേംബറിന്റെ യോഗം നടന്നുകൊണ്ടിരിക്കുകയാണ്.