ലാലേട്ടനെ മറക്കണമെങ്കില്‍ എന്റെ സിനിമകളെയെല്ലാം ഞാന്‍ മറക്കണം! മോഹന്‍ലാലിനെക്കുറിച്ച് ദിലീപ്

ലാലേട്ടനെ തനിക്ക് ഒരിക്കലും മറക്കാന്‍ സാധിക്കുകയില്ലെന്നും അദ്ദേഹത്തെ മറക്കണമെങ്കില്‍ താന്‍ തന്റെ സിനിമകളെ മറക്കണമെന്നും ദിലീപ് പറയുന്നു. ഞാന്‍ ആദ്യമായി കമല്‍ സാറിന്റെ കൂടെ അസിസ്റ്റന്റ് ഡയറക്ടറായി ചേരുന്നത് ലാലേട്ടന്‍ നായകനായ വിഷ്ണു ലോകം എന്ന സിനിമയിലൂടെ ആണെന്നും അന്ന് ആ സെറ്റില്‍ വെച്ച് ലാലേട്ടന്റെ മുന്നിലാണ് താന്‍ ആദ്യമായി ക്ലാപ് അടിച്ചു സിനിമാ ജീവിതം ആരംഭിക്കുന്നതെന്നും ദിലീപ് പറയുന്നു.

താന്‍ ലാലേട്ടനെ അനുകരിച്ച് കൊണ്ട് സെറ്റിലൊക്കെ തമാശയും കാര്യങ്ങളുമൊക്കെയായിട്ടാണ് മുന്നോട്ടുപോയത്. വളരെ സ്‌നേഹത്തോടെയാണ് അദ്ദേഹം തന്നോട് പെരുമാറിയിട്ടുളളതെന്നും ദിലീപ് പറയുന്നു. ഉളളടക്കം എന്ന കമല്‍ സംവിധായനം ചെയ്ത സിനിമയുടെ സെറ്റില്‍ വെച്ചാണ് ഇരുവരും കൂടുതല്‍ അടുത്തത്. എറ്റവും പുതിയ ചിത്രമായ ജാക്ക് ആന്‍ഡ് ഡാനിയേലിന്റെ വിശേഷങ്ങള്‍ പങ്കുവെക്കുന്നതിനിടെയാണ് ദിലീപ് ഇക്കാര്യങ്ങള്‍ പറഞ്ഞത്.

നവംബര്‍ പതിനഞ്ചിനാണ് ദിലീപും അര്‍ജുനും ഒന്നിക്കുന്ന ജാക്ക് ആന്‍ഡ് ഡാനിയേല്‍ റിലീസ് ചെയ്യുന്നത്. സ്പീഡ് ട്രാക്ക് എന്ന ഹിറ്റ് ചിത്രത്തിന് ശേഷം ദിലീപും സംവിധായകന്‍ എസ് എല്‍ പുരം ജയസൂര്യയും ഒന്നിച്ച ചിത്രമാണിത്. അഞ്ജു കുര്യന്‍ നായികയായി എത്തുന്ന സിനിമ മാസ് എന്റര്‍ടെയ്‌നറാണ്. ചിത്രത്തിന്റെ ട്രെയിലറും ഗാനങ്ങളും നേരത്തെ സോഷ്യല്‍ മീഡിയയില്‍ പുറത്തിറങ്ങിയിരുന്നു.

'മേക്കപ്പ് കൂടുതലാണോ ചേട്ടാ'...! പുതിയ ഫോട്ടോഷൂട്ടുമായി നടി ശ്രിന്ദ അര്‍ഹാന്‍

ജാക്ക് ആന്‍ഡ് ഡാനിയേല്‍ റിലീസിന് ശേഷവും നിരവധി സിനിമകളുമായി ദിലീപ് എത്തുന്നുണ്ട്. സി ഐഡി മൂസ, റണ്‍വേ തുടങ്ങിയ ചിത്രങ്ങളുടെ രണ്ടാം ഭാഗമാണ് ഇതില്‍ പ്രധാനപ്പെട്ടത്. രണ്ട് സിനിമകള്‍ക്കും രണ്ടാം ഭാഗമുണ്ടാകുമെന്ന് അടുത്തിടെയായിരുന്നു ദിലീപ് അറിയിച്ചത്. നാദിര്‍ഷ സംവിധാനം ചെയ്യുന്ന കേശു ഈ വീടിന്റെ നാഥന്‍, പറക്കും പപ്പന്‍, ജോഷി ചിത്രം ഓണ്‍ എയര്‍ ഈപ്പന്‍ തുടങ്ങിയവയാണ് ജനപ്രിയ നായകന്റെതായി വരുന്ന മറ്റ് സിനിമകള്‍.

മൂന്ന് ഭാഷകളിലും മുഖ്യമന്ത്രിയായി മമ്മൂക്ക! അപൂര്‍വ്വ നേട്ടം! പകരം വെക്കാനില്ലാത്ത മെഗാസ്റ്റാര്‍