അറം പറ്റുന്ന പാട്ടായി പോയി! രാമലീലയിലെ പാട്ട് ദിലീപിന്റെ അശ്വമേധ ലീലകളെയാണോ ഉദ്ദേശിച്ചിരിക്കുന്നത്?

രാമലീല

ദിലീപിന്റെ രാമലീല ഒടുവില്‍ തിയറ്ററുകളിലേക്ക് എത്താന്‍ പോവുകയാണ്. ജൂലൈയില്‍ റിലീസിനൊരുങ്ങിയ സിനിമ സെപ്റ്റംബര്‍ 28 നാണ് റിലീസ് ചെയ്യുന്നത്. ഇതിനെ കുറിച്ച് നിര്‍മാതാവ് ടോമിച്ചന്‍ മുളകുപാടം തന്നെ വ്യക്തമാക്കിയിരിക്കുകയാണ്.

പാട്ട് പുറത്ത് വന്നു

ചിത്രത്തില്‍ നിന്നും ആദ്യത്തെ പാട്ട് പുറത്ത് വന്നിരിക്കുകയാണ്. ഗോപി സുന്ദര്‍ സംഗീതം നല്‍കിയ പാട്ട് ബി കെ ഹരിനാരായണനാണ് പാടിയിരിക്കുന്നത്.

അറം പറ്റിയോ?

പാട്ടിന്റെ വരികള്‍ കേട്ട് എല്ലാവരും ഒന്ന് ഞെട്ടിയിരിക്കുകയാണ്. രാമന്റലീലകളെ കുറിച്ച് പറയുന്ന വരികള്‍ ദിലീപിന്റെ ഇപ്പോഴത്തെ അവസ്ഥയുമായി വളരെയധികം സാമ്യമുണ്ട്.

പാട്ടിന്റെ വരികള്‍

നെഞ്ചിലേരി തീയേ.... എങ്കിലും നീയേ... പുഞ്ചിരികളോടെ പോവാതങ്ങ് ദൂരെ... എന്ന് തുടങ്ങുന്ന പാട്ടാണ് പുറത്ത് വന്നത്. അതില്‍ 'ആര് ചെയ്ത പാപം ഇന്ന് പേരിടുന്നു രാമാ.. തീപിടിച്ച പോലെ അങ്ങ് പാഞ്ഞിടുന്ന ലീല. കാട് കേറി നീ ഒളിച്ച് കാത്തിരിക്ക് നീ രാമാ. സത്യമുള്ളതാണ് നിന്റെ അശ്വമേധ ലീല എന്ന വരികള്‍ പാട്ടിനെ ജനശ്രദ്ധ നേടി കൊടുത്തിരിക്കുകയാണ്.

രാഷ്ട്രീയക്കാരന്‍

അരുണ്‍ ഗോപി സംവിധാനം ചെയ്യുന്ന രാമലീലയില്‍ വര്‍ഷങ്ങള്‍ക്ക് ശേഷം ദിലീപ് രാഷ്ട്രീയക്കാരന്റെ വേഷത്തില്‍ അഭിനയിക്കുന്നു എന്ന പ്രത്യേകതയുമുണ്ട്. സിനിമ മുഴുനീളവും ദിലീപ് ഒരു വേഷത്തില്‍ തന്നെയാണ് അഭിനയിക്കുന്നത്.

ടോമിച്ചന്‍ മുളകുപാടം

മോഹന്‍ലാലിന്റെ സൂപ്പര്‍ ഹിറ്റ് സിനിമ പുലിമുരുകന് ശേഷം ടോമിച്ചന്‍ മുളകുപാടം നിര്‍മ്മിക്കുന്ന സിനിമയാണ് രാമലീല. ബിഗ് ബജറ്റ് ചിത്രമായിട്ടാണ് രാമലീല നിര്‍മ്മിച്ചിരിക്കുന്നത്. 14 കോടി രൂപയാണ് രാമലീലയുടെ മുതല്‍ മുടക്ക്.

പൂജ അവധി

പല തവണ റിലീസ് തീരുമാനിച്ചിരുന്നെങ്കിലും ഒടുവില്‍ പൂജ അവധി ലക്ഷ്യം വെച്ചു കൊണ്ടാണ് രാമലീല റിലീസിനെത്തുന്നത്. അതിനിടെ ദിലീപ് വീണ്ടും ജാമ്യാ ഹര്‍ജി കൊടുത്തിരിക്കുന്നതിനാല്‍ സിനിമയുടെ റിലീസിന് മുമ്പ് താരം പുറത്തിറങ്ങുമോ എന്ന് കാത്തിരുന്ന് കാണാം.