ലാലിനെ മനസ്സിൽ കണ്ടാണ് എഴുതുന്നത്!! അപ്പോൾ അത് സംഭവിക്കും, ഹിറ്റ് ഡയലോഗുകളെ കുറിച്ച് രഞ്ജിത്ത്

സംഭവിച്ചു പോകുന്നത്

രഞ്ജിത്ത് ചിത്രങ്ങളിലെ സംഭാഷണം ഏറെ ചർച്ചയാകാറുണ്ട്. ലാലേട്ടൻ സംസാര ശൈലിയോട് കടപിടിക്കും തരത്തിലുള്ള സംഭാഷണങ്ങളാണ് ര‍ഞ്ജിത്ത് തയ്യാറാക്കുന്നത്. ഇത് ബോധപൂർവ്വമാണോ എന്നാണ് എല്ലാവരും ചോദിക്കുന്നത്. എന്നാൽ ഇതിനെ കുറിച്ച് അദ്ദേഹം തന്നെ വ്യക്തമാക്കുകയാണ്. ഇത് ബോധപൂർവ്വം മുണ്ടാകുന്നതല്ല. എന്റെ നായകൻ മോഹൻലാൽ തന്നെയാണെന്ന് ഉറച്ചു കഴിഞ്ഞാൽ അങ്ങനെ സംഭവിച്ചു പോകുന്നതാണ്. ഒരു ഡയലോഗ് എങ്ങനെ മോഹൻലാൽ പറഞ്ഞാൽ ശരിയാകുമെന്ന് എനിയ്ക്ക് അറിയാം. ആ ഒരു താളത്തിൽ സംഭവിച്ചു പോകുന്നതാണ് അതെന്നും അദ്ദേഹം പറഞ്ഞു.

ലാൽ വളരെ സെൻസിറ്റീവ് ആയ വ്യക്തയാണ്

ലാൽ വളരെ സെൻസിറ്റീവ് ആയ വ്യക്തിയാണ്. ഇപ്പോഴും അദ്ദേഹത്തിന്റെ ഉള്ളിൽ ഒരു കുട്ടിയുണ്ട്. അതുപോലുളള ഒരു കുട്ടി തന്റെ ഉള്ളിലുമുണ്ട്യ അതു കൊണ്ടാണ് തങ്ങൾ എപ്പോഴും വഴക്കിടാറുള്ളത്. ഡ്രാമയുടെ ലണ്ടൻ ലൊക്കേഷനിൽ വരെ തങ്ങൾ പിണങ്ങി ഇരുന്നിട്ടുണ്ട്.

ലാലുമായുള്ള ബന്ധം

ലാലുമായി വളരെ അടുത്ത ബന്ധമാണുളളത്. ഞങ്ങൾ തമ്മിൽ അണ്ണാ അണ്ണാച്ചി ബന്ധമാണ്. സാധാരണ അണ്ണ എന്നാണ് ലാൽ എന്നെ വിളിക്കാറുളളത്. ഞാൻ അണ്ണാച്ചി എന്നും. പിണങ്ങി കഴിഞ്ഞാൽ രഞ്ജിത്ത് എന്നാണ് വിളിക്കാറുളളത്. താൻ ലാൽ സാർ എന്നാകും ആ സമയത്ത് വിളിക്കുക. ലാൽ എന്നെ അപൂർവ്വമായും സ്വകാര്യ നിമിഷങ്ങളിൽ മാത്രമാണ് രഞ്ജീ എന്നു വിളിക്കുന്നത്. അത്തരം സന്ദർഭങ്ങളിൽ ലാലൂ എന്നാണ് അദ്ദേഹത്തെ വിഴിക്കാറുള്ളത്.

സിനിമയെ സ്നേഹിക്കുന്ന വ്യക്തി

ലാൽ സിനിമയെ അങ്ങേയറ്റം സ്നേഹിക്കുന്ന വ്യക്തിയാണ്. ലാൽ സിനിമയിൽ അഭിനയിക്കാൻ തീരുമാനിക്കുന്നത് ആ സിനിമയെ സ്നേഹിക്കുന്നതു കൊണ്ടാണ്. അങ്ങനെ സ്നേഹിച്ചു കഴിഞ്ഞാൽ സിനിമയ്ക്ക് വേണ്ടി എന്ത് വിട്ട് വീഴ്ച ചെയ്യാനും അദ്ദേഹം തയ്യാറാകുമെന്നും രഞ്ജിത്ത് പറയുന്നുണ്ട്.