ദൃശ്യം 2വില്‍ മിസ് ചെയ്ത സീന്‍ തെലുങ്കില്‍ കൊണ്ടുവരും, ലാലേട്ടനും അത് ഇഷ്ടമായെന്ന് ജീത്തു ജോസഫ്‌

മാര്‍ച്ചില്‍ സിനിമയുടെ ചിത്രീകരണം ആരംഭിക്കുമെന്നാണ് അടുത്തിടെ അണിയറ പ്രവര്‍ത്തകര്‍ അറിയിച്ചത്. മീന തന്നെയാണ് തെലുങ്ക് ദൃശ്യം 2വിലും നായികയായി എത്തുന്നത്. ദൃശ്യത്തിന്റെ ആദ്യഭാഗവും തെലുങ്കില്‍ വലിയ വിജയമായിരുന്നു. അതേസമയം തെലുങ്ക് റീമേക്കിന് കുറിച്ചുളള ഒരു വിവരം മനോരമയ്ക്ക് നല്‍കിയ അഭിമുഖത്തില്‍ ജീത്തു ജോസഫ് പങ്കുവെച്ചിരുന്നു.

മലയാളത്തില്‍ മിസ് ചെയ്ത ഒരു രംഗം ദൃശ്യം 2വിന്റെ തെലുങ്ക് റീമേക്കില്‍ ഉണ്ടാവുമെന്നാണ് സംവിധായകന്‍ അറിയിച്ചത്. മോഹന്‍ലാലിനും അത് ഇഷ്ടമായെന്നും ജീത്തു ജോസഫ് അഭിമുഖത്തില്‍ പറയുന്നു. ഒരു രംഗത്തില്‍ ജോര്‍ജ്ജുകുട്ടിയെ ആ സി ഐയുടെ മുറിയില്‍ കൊണ്ടു വന്നിരുന്നെങ്കില്‍ അതിന് വേറൊരു ഫീല്‍ ഉണ്ടായേനെ. എഡിറ്റിംഗ് കഴിഞ്ഞപ്പോഴാണ് ഞാനത് ഓര്‍ത്തത്. അത് മിസ് ചെയ്തു.

സിനിമ കണ്ടു കഴിഞ്ഞപ്പോള്‍ അതോര്‍ത്തു. തെലുങ്കില്‍ അങ്ങനെ ഒരു സീന്‍ ആഡ് ചെയ്തിട്ടുണ്ട്. ജോര്‍ജ്ജുക്കുട്ടി വേറൊരു ആവശ്യത്തിന് സി ഐയോട് സംസാരിക്കുമ്പോഴും അറിയാതെ ഒരു നോട്ടം നോക്കുന്ന രംഗം. ലാലേട്ടന്‍ എന്നെ വിളിച്ചിരുന്നു. തെലുങ്കില്‍ എങ്ങനെയൊക്കെയാണെന്ന് ചോദിച്ച്. ലാലേട്ടാ ഞാന്‍ മലയാളത്തില്‍ മിസ് ചെയ്ത ഒരു കാര്യമുണ്ട്. അത് തെലുങ്കില്‍ കൊണ്ടു വരുന്നെന്ന് പറഞ്ഞു.

ലാലേട്ടനും ആ രംഗം ഏറെ ഇഷ്ടപ്പെട്ടു. അഭിമുഖത്തില്‍ ജീത്തു ജോസഫ് വ്യക്തമാക്കി. അതേസമയം തെലുങ്കില്‍ നടി സുപ്രിയയായിരുന്നു ദൃശ്യം ആദ്യ ഭാഗം സംവിധാനം ചെയ്തത്. മീനയും എസ്തര്‍ അനിലും തെലുങ്കിലും തങ്ങളുടെ റോളുകളില്‍ എത്തിയിരുന്നു. മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും നേട്ടമുണ്ടാക്കി ദൃശ്യം തെലുങ്ക് പതിപ്പ്. ദൃശ്യത്തിന് തെലുങ്കിന് പുറമെ തമിഴ്, കന്നഡ, ഹിന്ദി, ചൈനീസ്, സിംഹള ഭാഷകളിലും റീമേക്ക് പതിപ്പുകള്‍ വന്നിരുന്നു.