'അവളെ കാണാൻ വേണ്ടി മാത്രം കുർബാനയ്ക്ക് പോയി', പ്രണയകാലം ഓർത്തെടുത്ത് ജീത്തു ജോസഫ്

പള്ളിയിൽ വെച്ചുകണ്ടെത്തിയ പെൺകുട്ടിയുമായി പിന്നീട് പരിചയത്തിലാവുകയും പ്രണയം പറയുകയും ശേഷം വീട്ടുകാരുടെ സമ്മതത്തോടെ വിവാഹം ചെയ്യുകയുമായിരുന്നുവെന്നും ജീത്തു ജോസഫ് പറഞ്ഞു. തങ്ങളുടേത് ലവ് കം അറേഞ്ച്ഡ് മാരേജ് ആയിരുന്നുവെന്നും മലയാളത്തിന് നിരവധി ത്രില്ലർ സിനിമകൾ സമ്മാനിച്ചിട്ടുള്ള ജീത്തു ജോസഫ് പറയുന്നു. 'ഡിഗ്രി കഴിഞ്ഞ് നിൽക്കുന്ന സമയത്താണ് ഇടക്ക് പള്ളിയിൽ പോകുമ്പോൾ ഒരു പെൺകുട്ടിയെ കുറിച്ച് സുഹൃത്തുക്കൾ പറയുന്നത് കേട്ടത്. ആരാണ് ഈ കുട്ടി എന്നറിയാനുള്ള ആകാംക്ഷയിലാണ് പിന്നീട് പളളിയിലേക്ക് എത്തിയത്. പള്ളിയിൽ വെച്ചുകണ്ടെത്തിയ പെൺകുട്ടിയുമായി പിന്നീട് പരിചയമായി. ഏറ്റവും ഒടുവിൽ ഞാൻ ആ പെൺകുട്ടിയെക്കുറിച്ച് വീട്ടിൽ പറഞ്ഞു. അമ്മയും സഹോദരിയും കൂടി പിന്നീട് ലിന്റയെ പള്ളിയിൽ ചെന്ന് കണ്ടു' ജീത്തു ജോസഫ് പറയുന്നു.

'അമ്മയുടേയും സഹോദരിയുടെയും സംസാരത്തിന് ശേഷമാണ് വിവാഹാഭ്യർഥന നടത്തിയത്. ഞങ്ങളുടേത് ഒരു അറേഞ്ച്ഡ് ലവ് മാര്യേജ് ആണ്. എന്നാൽ ഒരു എംഎൽഎയുടെ മകൻ എന്ന രീതിയിൽ ആയിരുന്നു ലിന്റ തന്നെ കണ്ടിരുന്നത്. ലിന്റയെ പരിചയപ്പെട്ട ശേഷം പള്ളിയിൽ പോക്ക് മുടക്കിയിട്ടില്ല. വെവ്വേറെ കുർബാനകളിൽ ആയിരുന്നു ആദ്യം പങ്കെടുത്തത് എങ്കിൽ പിന്നീട് ഒരുമിച്ചായിരുന്നു കുർബ്ബാന കൂടിയിരുന്നത്. ലിന്റ നിൽക്കുന്ന വരിയുടെ എതിർ വശത്ത് നിന്ന് അവളെ നോക്കി നിൽക്കുന്നതും എന്റെ ശീലമായിരുന്നു' ജീത്തു ജോസഫ് പറയുന്നു.

Recommended Video

Drishyam-ഇന്തോനേഷ്യന്‍ ഭാഷയിലേക്ക് റീമേക്ക് ചെയ്യുന്ന ആദ്യ മലയാള ചിത്രം

ലിന്റയിപ്പോൾ ജീത്തു ജോസഫിനൊപ്പം സിനിമ സെറ്റുകളിലും സജീവമാണ്. ആദി അടക്കമുള്ള സിനിമകളിൽ ലിന്റയും ജീത്തു ജോസഫിനൊപ്പം ഉണ്ടായിരുന്നു. 2007ൽ ആയിരുന്നു ജീത്തു ജോസഫ് സംവിധാന രം​ഗത്തേക്ക് എത്തിയത്. ഡിറ്റക്ടീവ് ആയിരുന്നു ജീത്തുവിന്റെ ആദ്യ സിനിമ. ത്രില്ലറിന് പുറമെ കോമഡി, ഫാമിലി ചിത്രങ്ങളും തനിക്ക് വഴങ്ങുമെന്ന് മൈ ബോസ്, ലൈഫ് ഓഫ് ജോസൂട്ടി തുടങ്ങിയ സിനിമകളിലൂടെയും ജീത്തു ജോസഫ് തെളിയിച്ചിട്ടുണ്ട്. ജീത്തുവിന്റെ കരിയറിലെ ഏറ്റവും വലിയ വിജയങ്ങൾ സമ്മാനിച്ചത് ദൃശ്യം, ദൃശ്യം 2 സിനിമകളാണ്. ഇനി വരാനിരിക്കുന്നത് ട്വൽത്ത് മാൻ, റാം എന്നീ സിനിമകളാണ്. രണ്ട് സിനിമകളിലും മോഹൻലാൽ തന്നെയാണ് നായകൻ. സിനിമാ പ്രേമികൾ ആകാംഷയോടെ കാത്തിരിക്കുന്ന സിനിമകൾ കൂടിയാണ് ഇവ രണ്ടും.