ഇഷ്ടമില്ലാത്തവരെ ഒതുക്കുന്ന പതിവ് മലയാള സിനിമയിലുണ്ട്, ചിലരെ 'കൊള്ളിച്ച്' ഭാവന

എന്നെ ആർക്കും തോൽപിക്കാനാവില്ല

തന്നെ ആർക്കും തോൽപിക്കാൻ കഴിയില്ല എന്ന് പറഞ്ഞുകൊണ്ടാണ് ഭാവന തുടങ്ങിയത്. എൻറെ ജീവിതത്തിൽ തകരണം എന്ന് ഞാൻ ആഗ്രഹിച്ചാൽ ഞാൻ തകരും. അല്ലാതെ എന്നെ തകർക്കാൻ ആർക്കും കഴിയില്ല.

അത് മലയാള സിനിമയുടെ രീതി

അനിഷ്ടം തോന്നുന്നവരെ ഒതുക്കുക എന്നത് മലയാള സിനിമയുടെ രീതിയാണ്. എനിക്ക് അത്തരം അനുഭവങ്ങൾ ഉണ്ടായിട്ടുണ്ട്. എനിക്ക് മാത്രമല്ല പലർക്കും ഈ ദുരനുഭവം നേരിടേണ്ടി വന്നിട്ടുണ്ട്.

ജീവിതത്തിൽ ഒന്നും സംഭവിക്കില്ല

സിനിമ ഇല്ലാതായതുകൊണ്ടോ, സിനിമയിൽ നിന്ന് കുറച്ച് പേർ എന്നെ അകറ്റി നിർത്തിയത് കൊണ്ടോ എൻറെ ജീവിതത്തിൽ ഒന്നും സംഭവിക്കില്ല. ഒരുപക്ഷെ എൻറെ പ്രൊഫഷൻ ഇല്ലാതാവുമായിരിക്കും.

തൊഴിലും ജീവിതവും

വലിയ എൻറെ ജീവിതത്തിൻറെ ചെറിയ ഒരു ഭാഗമാണ് എൻറെ തൊഴിൽ. അല്ലാതെ തൊഴിലിൻറെ ചെറിയ ഭാഗമല്ല എൻറെ ജീവിതം. എൻറെ ജീവിതം അപ്പുറത്തുണ്ട്. അല്ലാതെ എന്നെ തകർക്കാൻ വരുന്നവർക്ക് നിന്നു കൊടുക്കില്ല.

കേരളത്തിൻറെ പിന്തുണയുണ്ട്

ആരൊക്കെ എന്നെ പിന്തുണയ്ക്കുന്നുണ്ട് എന്ന് ഞാൻ നോക്കാറില്ല. കേരളത്തിൻറെ പിന്തുണ തനിക്കുണ്ട് എന്ന് ഭാവന പറയുന്നു.

വിവാഹം ഉടൻ

കന്നട നിർമാതാവ് നവീനുമായി നിശ്ചയിച്ചുറപ്പിച്ച വിവാഹം ഉടൻ ഉണ്ടാവുമെന്നും ഭാവന പറഞ്ഞു.

അഭിമുഖം പുറത്ത് വിടില്ല

ഏഷ്യനെറ്റ് ന്യൂസ് ചാനലിൽ വരാനിരുന്ന ഈ അഭിമുഖം ഭാവനയുടെ അഭ്യർത്ഥനയെ തുർന്ന് പിൻവലിച്ചുവത്രെ.